السلام عليكم...
هذي أول طله لي عليكم وان شاء الله ما تكون الاخيره
القصه ومافيها انا نوينا نزور التشيك هذي السنه_ ياحظك _ حاولت اجمع شوية معلمات وكانت هذي الحصيله..
قلت أعرضها عليكم لعل يكون فيها الفايده ولو لواحد فيكم
بسم الله نبدأ الرحله..
في البدايه طبعا تحتاج الى تأشيره، وبالنسبه للرحلات حاليا في رحلات مباشره عن طريق الخطوط السعوديه ( رحلتين اسبوعيا)
مؤخرا انضمت التشيك الى الاتحاد الاوربي.. لكن اظن حتى الان تأشيرتها غير عن باقي الدول!!
في السابق ماكان في سفاره سعوديه في التشيك، حاليا موجوده والسفير هو الأمير منصور بن خالد آل سعود
بــــــراغ ( العاصمه )
تقع على نهر فلتافا، تمتاز معظم مبانيها بطراز العصور الوسطى، تنتشر بين الغابات والبحيرات العديده(حسيت انه درس جغرافيا )
الصرف
العمله: الكراونا سعرها يقدر تقريبا بـ اممم 10 - 13 كراونا تعادل ريال _ ياليت تتاكدون _
يختلف من مكان لاخر ، الافضل يكون معك مبلغ بحدود 100 دولار تمشي فيه نفسك لغاية ما تروح لوسط البد راح تلقى شركات صرف كل وحده حاطها سعرها شوف احسن سعر واصرف.. راح تلقى ان الاسعار تتغير بشكل مستمر تبعا لسعر الدولار
ممكن تلقى بجنب الشركات ناس يعرضون عليك سعر حلو لا تسمع كلامهم لانهم ممكن يكونوا مزورين
الافضل انك ما تصرف شي من هناك وتحول المبلغ اللي معك الى دولار او يورو
علما بان اسعار الصرف في كارلوفاري افضل من براغ
المواصلات
ممكن تستخدم التاكسي، وفي حال كنت تدور على الرخص اقعد في بيتكم احسن
لا قصدي تستخدم المترو علما انه يقفل الساعه 1 الصباح، يفضل تكون معك خريطه لـ براغ وتشوف لك شخص يأشر لك على المناطق السياحيه والاسواق
اسعار التكت
لمدة 24 ساعة 70 كرونا بحدود 7ريال
لمدة 3 ايام 200 كرونا بحدود 20 ريال .
لمدة 7 ايام 250 كرونا بحدود 27 ريال
لمدة 15 يوم 280 بحدود 30 ريال
متوفره في مكاين عند محطة المترو او في محلات بيع الصحف، راح تلقى مكينه عند مدخل المحطه او في القطار تختمها من هناك عشان يحسب لك تاريخ الاستخدام
وتحسب المده من تاريخ الختم، لو ما ختمتها ممكن تستخدم تذكرة 24 ساعه لمده غير محدوده لان مافي احد راح يسألك
لكن احيانا يسوون تتفتيش وبتكون فضيحتك بجلاجل ( جلاجل والا سدير خخخ )
طبعا ما يسوى عليك.. فرضا لو حصل قل لهم انك جديد وماتدري وش السالفه وبيغرمونك قيمة تذكره
التذاكر صالحه للاستخدام في المترو - الباص - الكيبل كار " الترماي"
وهي ارخص من التاكسي، مثلا راح يكلفك المشوار من براغ الى كارلوفاري ( 150كلم ) حوالي 24 ريال!
وممكن عن طريق الباص تروح لألمانيا ومن هناك تستخدم القطار الأوربي وتزور الدول الأوربيه ( بعد التاكد من مسألة التأشيرات )
الأماكن السياحيه & الاسواق
أهم المعالم السياحيه في براغ جسر الملك شار السادس
راح تلقون فيه سياح كثير، ناس ترسم وناس تبيع تذكارات..وممكن تاخذ رحله بالنهر
امتداد الجسر في مطاعم وكوفي شوبز ممكن تزورها بالليل
القلاع الاثريه والنتجعات
وبرج الساعه المعروف يتحرك آليا كل فتره زمنيه معينه محاط بعدد من التماثيل يقوم احدها بدق الجرس
" جسر المحبين " يربط القصر الجمهوري مبنى جميل وهو تابع لليونسكومواضيع عشوائيه ممكن تكون تعجبك اخترناها لك:
- ارجو مساعدتي في سير خطة السفر وباقي اجراءات السفر
- الرجاء المساعده
- أي معلووومه لو بسيطه عن التشيكـ سوف تفيدني
- خبراء تأشيرة هولندا
- بخصوص الفيزا؟
- استفسار بخصوص النرويج
- الى خبراء مدينة براغ في التشيك
- ساعدوني محتاجكم النرويج
- البانيا كوسوفا ؟؟؟
- الأوروبـــــــــي
- جورجيا شهر اكتوبر عطلة العيد ما هي اماكن اللتي تستحق الزيارة لعائلة وشكرا
- شكرا جاسم وصلني اميلك ورديت عليك برساله انتظرك تخبرني شصار
- الفيزا من السفاره الفرنسيه والوجهه بولندا فيه مشكله؟
- اللغة الروسية اين هي بين اللغات واهميتها اليوم
- ابي جدول 7 ايام في هولندا
- هام :نصائح قبل السفر الى جورجيا (منقول)
- استفسار عن الدراسة في اوكرانيا
- ليج
- من باريس بروح بروكسل اشلوووووون ؟؟؟
- جدول رحلتي × منطقة ثلجية المانيا فرنسا بلجيكا
رد مع اقتباس
المفضلات