مرحبا أختي.. يشرفني إنك طلبتي مساعدتي وإن شاء الله أقدر أساعدكم

لا تزعلين مني بس إنتوا وايد إتأخرتوا في الترتيب للسفر، الحين تذاكر السفر والفنادق صارت أغلى عن لو كنتوا حجزتوا من شهر مثلا، بس إن شاء الله تتسهل أموركم وتحصلون اللي تبغونه بأسعار مناسبة.

بالنسبة للطيران،، الامارات صارت أسعارها أغلى، لأن كل ما قرّب تاريخ السفر يرفعون أسعارهم.

إذا تبغون على كيب تاون، ممكن تشوفون طيران القطرية أو طيران جنوب افريقيا (يتم تشغيله من قبل طيران الامارات)،

وفي طيران الاتحاد بس بيكون على جوهانسبرج.

جدول الرحلة يكون كالتالي:
4 أيام كيب تاون
5 أيام الجاردن روت
1 يوم السفاري

وأعتقد إن مدة رحلتكم ما تسمح تروحون مناطق ثانية.

خيارات التنقل:

الخيار الأول:
كيب تاون - جاردن روت: بالسيارة
جاردن روت (مدينة جورج) - كيب تاون: بالطيران الداخلي بعد تسليم السيارة هناك
ثم العودة إلى الإمارات في نفس اليوم

الخيار الثاني: مثل الأول ولكن الاختلاف بيكون في العودة من الجاردن روت، بتكون بالسيارة والمبيت ليلة في كيب تاون.

وهذا طبعا يعتمد على وقت رحلة العودة إلى الإمارات.

بالنسبة للسكن في كيب تاون، ابحثي على موقع بوكيبنج عن شقق في ها المناطق
V & A Water Front
Green Point
Sea Point
Mouille Point

وابعدي كل البعد عن الفندق اللي قلتي عنه لأن سعره خيالي جدا جدا

وممكن تشوفين الشقة اللي سكنا فيها المرة الماضية، كانت حلوة وسعرها معقول (هي فيلا فيها عدة شقق، غرفة وغرفتين وثلاث غرف)
http://www.barryhall.co.za/


بالنسبة للجاردن روت، ممكن تسكنون في مدينة وايلدرنس لأنها في نص المنطقة تقريبا ومنها تزورون الفعاليات المختلفة.


السفاري التي ذكرتيها كلها بعيدة جدا عن الجاردن روت.

عندك ها الخيارات الثلاث، (وكلها خالية من الملاريا)

http://plettgamereserve.co.za/


http://www.grgamelodge.co.za/

http://www.gondwanagr.co.za/


وإذا تبغين تعرفين المسافات بين المناطق المختلفة، ممكن عن طريق الموقع
https://maps.google.co.za/


وياريت ترجعين تشوفين تقريري والدليل (الروابط موجودة مع التوقيع)، لأن سفرتنا كانت حوالي 12 يوم، يعني مثل المدة اللي بتقضونها هناك إن شاء الله.

أتمنى إني قدرت أفيدج ببعض المعلومات، وإذا في أي استفسارات ثانية أنا في الخدمة.