هلا بك اكثر يكفيني حقيقه ردك وتفاعلك معي .. ويكفي انك تعرض المساعده دون مقابل الله يوفقك في كل امورك ..
وبما انك عرضت علي معلومات في مجال عملك .. اسمحلي بالمقابل اعطيك فكره عن الكهرمان اللي يشبه العقار نوعا ما .. وراح يكون كلامي من الناحيه التجاريه بما ان مجالك عملك تجاري ..
والفكره هي تبادل المعلومات ..
الكهرمان مثل ما تعرف هو عباره عن ماده طبيعيه صمغيه تكونت من ملايين السنين واهم مصادره دول بحر البلطيق بشكل عام .. وله الكثير من الخواص اللي تميزه عن اي ماده طبيعيه اخرى مثل الرائحه العطره وتغير لونه مع الوقت وهذي اهم ميزه .. مانقدر نقول انه من الاحجار الكريمه لانه ماده شبه صمغيه .. لكن سعره يتعدى الألماس في بعض الاحيان .. يصل الجرام الى 150 دولار واكثر على حسب النوع .. وبالسنين الاخيره بدا الكهرمان يندر جدا او على الاقل الخام الممتاز منه صعب جدا تلقاه وصار له سوق سودا .. لذلك سعره ارتفع بشكل قوي .. ووجه الشبه بينه وبين العقار انه كل ما قدم زاد سعره ماينقص ابدا .. وفيه بعض التجار او الهواه عندهم خامات من الكهرمان لها 100 سنه او 70 سنه لاتقدر بثمن .. واذا اخذتها من ناحيه تجاريه فعائد الكهرمان بدون ادنى شك لايقل عن 200 بالميه ويصل الى 500 بالميه بدون مبالغه .. يعني راس مال قليل وعائد مرتفع جدا .. وتصريف مضمون خصوصا بالخليج ولبنان ومصر
وجميع شعب دول بحر البلطيق وامريكا والمانيا وروسيا بشكل خاص يعتبرون الكهرمان او ال ( Amber ) اغلى من الذهب لان لهم اعتقادات فيه كطرد الارواح ونوع من العلاج وفعلا ثبت هالشي علميا كونه يتمتع بخواص كهربائيه تساعد في امراض الروماتيزم وتنشيط الدوره الدمويه ..فيلبسونه على شكل اساور او قلادات
وانت الان في بلد الكهرمان .. لو تاخذ فكره عنه من هناك يمكن تترك العقار وتتوجه له او ترمي عصفورين بحجر : )
وانا تحت امرك في اي معلومات اضافيه ..
اما مجال الاستثمار العقاري ما اخفيك انه يهمني كونه احد الانشطه الاساسيه للعائله .. واذا يسمح لك وقتك بتوضيح بسيط عن مستقبل الاستثمار العقاري في اوكرانيا هل بسبب رخص العقار مقارنه باللي عندنا .. او بسبب العائد الكبير في فتره وجيزه ..
وتمنيت حقيقه يكون بيننا تواصل اسهل لكن امر الله اقوى الرسائل الخاصه مقفله في المنتدى
تحياتي لك وشاكر لك عزيزي
رد مع اقتباس
المفضلات