الموضوع: بـروح التشيك وش يصلح معها ؟

بسم الله الرحمن الرحيم

أتمنى أن تكونون بخير ..

حنا عائلة مكونة من 5 أشخاص ؛ قررنا نزور التشيك الصيف الجاي ..

فـ ودي الله لا يهينكم تعطوني وش الأفضل أننا نزوره مع التشيك ؛ تقريباً الخيارات بين سويسرا والنمسا ورومانيا ؛ حسب كلام واحد من الشباب ..

ودي انكم تعطوني الأفضل بينهم ؛ وياليت تذكرون لي الاوراق المطلوبة لاستخراج الفيزة ..

شكراً لكم ..

مواضيع عشوائيه ممكن تكون تعجبك اخترناها لك:

• وين أهل الخبرة في هوالند تكفون ضروري
• صور من البانيا
• كيف أحصل على خطاب دعوة من الدولة اللي ابي اسافر لها ؟؟
• بلييز محتاجة مساعدتكم اي احد كان بسولفاكيا
• استفسار مهم عن التشيك ارجو المساعدة
• استفسار اتمنى من الاخوه الرد وخصوصا الاخت حتشبسوت
• اخبار فيضانات التشيك والمانيا والنمسا
• كرواتيا شنغل ام لا ؟ ؟ ؟
• روسيا البيضاء بيلاروس Беларусь
• تكفون مساعده ضرورية جزاكم الله خير
• الغالي أســـــــتاذ التـــــــــرحال استفسار عن الكهرمان
• يناير وين ممكن اسافر ؟
• ضروري ومستعجل لخبراء التشيك
• مهم جدا لخبراء البرتغال
• جمهورية التشيك قلب أوروبا لمحة سريعة ومعلومات قيمة
• المخطط المبدئي للبوسنه رايكم فيه ؟؟
• الاتحاد السوفيتي بين الامس واليوم
• فيزا شنغن للسفر الى البرتغال ارجو المساعدة
• الريف القريب من امستردام
• فيزه الى اوكرانيا ؟؟

عزيزي سابق الدمعه..احسنت الاختيار للتشيك واهم حاجه لاتنسى تمر على كارلوفاري..والافضل انك تزوراللمانيا اوالنمسا وكلهم لهم حدود مشتركه مع التشيك ولهم طبيعه خلابه
الا ان النمسا ارخص من المانيا ..وانصحك ياخي تسافر بين البلدين بالقطار اوبالسياره حتى تتمتع بالمناظر الطبيعيه وتستغرق الرحله بالسياره من براغ الى فينا 6ساعات تقريبا..ويمكنك حجز سياره بسائق او بدون من مكاتب السفر والسياحه..
اما الاوراق المطلوبه..1:فيزة للتشيك تستخرجها من السفاره التشيكيه بالرياض.
2:فيزة الشنقن اللي خاصه بدول الاتحاد الاوروبي وتستخرجها من اي سفاره من سفارات الاتحاد الاوروبي طبعا اذا كنت بتزور احدى دول الاتحاد اللي منها المانيا والنمسا..

[

مرحبا
على فكرة بالتشيك في سيارات عائلية لللايجار ( كرفان - نفس السوبربان ) رخيص جدآ كل سنة القى بالنمسا عوائل جاية من التشيك وسلوفاكيا عليها ,

الليلة ب 140 ريال تقريبا + تأمين شامل , ( لازم رخصة دولية من مكتب التربتيك ) ب 120 ريال تقريبا ,

تاخذ رحلة من التشيك الى ميونخ ليلتين 5 ساعات تقريبا وبعدين تطلع الى زلمسي بالنمسا ( 170 كم من ميونخ تقريبا )

وناسة رحلة ومناظر وكل العوائل تسويها هناك .

الاوراق المطلوبة :
1-صور شخصية
2-صورة لحجز تذكرة الطائرة
3-صورة لحجز الفندق وهذا تطلعه من مكتب السفريات اللي تبي تاخذ من عنده التذكرة تقوله بشرط تطلع لي حجز وهمي لفندق لان الفيزا ما تطلع الا فيه وهو عارف شغله .
4-تأمين صحي ( في سفارات تطلبه وبعضهم لا تأكد قبل تطلعه ( 150 ريال تقريبأ لمدة شهر هذا عندنا بالكويت طبعآ بالمملكة حولها مو بعيد )
5-جواز السفر صلاحيته لا تقل عن 6 شهور
6-مبلغ 250 ريال تقريبآ (سعر الفيزا بالكويت وارد واقول بالمملكة حولها )
7-تعبئة نموذج طلب الفيزا الموجود لدى السفارة .
8-صورة لرقم حسابك بالبنك ( بعض السفارات تطلبها وبعضهم لا ) صورة لبطاقة البنك .

ملاحظة ::::لازم تطلع فيزا شنغن اذا كنت تبي تروح المانيا او النمسا او سويسرا .

اخوي سابق الدمعه تحيه طيبه وألف مرحبا بك في منتدانا الغالي منتدى المسافرون العرب وبعد...

بالنسبه للتشيك مثل ما قال اخونا ورد الخزامى كارلوفي فاري karlovy Vary مهمه جداً وسمعت ان " ماريانسكي لازني " Marianske Lazne حلوه لكن ما زرتها للأسف, هذا بالإضافه طبعاً للعاصمه براغ Prague, إجمالاً الطابع العام للتشيك هادئه ومريحه للأعصاب خصوصاً كارلوفي فاري وهي بإعتقادي اكثر منطقه تستغني فيها عن السياره " وسط المدينه وهو منطقة التنزه عباره عن 3-4 كيلو على ضفاف النهر يوجد فيها مقاهي ومطاعم وبعض المحلات التجاريه بالإضافه طبعاَ للمصحات والينابيع الحاره بين مسافه واخرى", ملاحظه: اذا كنت انسان تمل من الهدوء وتميل الى الصخب ممكن تروح في ايام مهرجان السينما KARLOVY VARY FILM FESTIVAL 2007 واللي يبدا السنه هذي 29 يونيو وحتى 7 يوليو , ميزة المهرجان هذا ولو ما يهمك امره الا انه ينعش المنطقه وحتى تلاحظ طلاب الجامعات القريبه وكثير من شباب المناطق القريبه يجون للمنطقه فيصير فيه حركه وتكثر الأكشاك لبيع الهدايا والتذكارات وحتى تكثر عربيات بيع المرطبات والمأكولات الخفيفه فمسويه جو وناسه شوي تعرف اجواء مهرجان عاد انت!!

انا تشعبت في الكلام عن التشيك لأنها اكثر وحده اعرفها لكن بشكل عام رومانيا ما انصح بها مع ان فيها منطقه حلوه اسمها براشوف BRASOV لأن يا طويل العمر رومانيا على حد علمي مشاكلها كثيره وانتم عائله الله يحفظكم فأبعد عن الشر وغني له وما فيها اساساً شي مميز بالعكس تقدر تقول " قراوا أوروبا ":109: ويا طويل العمر اذا انت تبي تزور مكان آخر عليك بالنمسا وينصح بالسفر جواَ من براغ لفينا على التشيكيه وريح راسك " لا تنسى انكم عائله يعني عدد كبير ووجع راس " وبعد فينا - ان رحتوا للنمسا- لازم لازم لازم تروحون لجنة الله في ارضه Zel Am See وطبعاً ما ننسى سالزبرغ الساحره Salzburg .

الخلاصه:
1-لو كنت ناوي تربط بين دولتين فأفضل لك بكثير ان تربيط ما بين سويسرا والنمسا من ان تدخل التشيك في .الموضوع
2-لو بغيت تاخذ تصور مبدأي عن كل ما ذكرت , استخدم الاسماء اللي ذكرتها لك بالانجليزي في محرك البحث قوقل وخل نوع البحث " صور " لعلها تعطيك فكره واضحه عنها.
3- بالنسبه للفيزا التشيكيه بإمكانك مخاطبة السفاره التشيكيه في الرياض ان كنت من سكانها وهي في حي النزهه رقمها 014503617 وقبل ما تروح لهم اريح لك اسحب نماذج الفيز من موقع السفاره الالكتروني وعبها في البيت اريح لك " اول ما تدخل الصفحه هذي راح تلقى كلمة Visa Forms اضغط عليه وراح يحمل لك النموذج بس فيه ملاحظه الظاهر ان النماذج ناقصه صفحه وحده ,
هذا اللنك http://www.mzv.cz/wwwo/mzv/default.a...1&prsl=&pocc1=

التتشيك حر لا تاكل مقلب

اخواني اعضاء المنتدى..للعلم انا مسافره جديده ولست مسافر
يعني انا مدام ولست مستر:109: :109: :109:

ورد الخزامى ؛ كويتي vip ؛ عماد الرياض ..

شكراً جزيلاً لكم على المعلومات اللي وفرتوها لي ..

ودي أشاوركم ؛ وش رايكم أخليها على النمسا وسويسرا علشان تكون الفيزة وحده لأني خابر سفارة التشيك قلق شوي وانا كنت احسبها شنغن مع الجميع ..

smart82 ..

وش هالكلام يالغالي ؟
ضيقت صدري من جد !
معقولة الشباب ما يدرون انها حر ولا كيف ؟

اجل بنتقابل هناك ان شاء الله انا معي زوجتي وبنتي فقط تحياتي ولي عودة للموضوع

كل اوربا هالسنه حر مو بس التشيك

التشيك ميزتها ان النهار بالصيف 18 ساعه والشمس قريبه والشقق من دون مكيفات وانت احكم

ابو شادن ..

لنا الشرف يالغالي وانتظر عودتك ..

سمارت ..

شكراً لتنبيهك يالغالي ..

السلام عليكم بالفعل التشيك جميلة والافضل زيارة المانيا وانا اعجبت ب ماريانسكي لازني
وموفق وننتظر التقارير