السلام عليكم............ هذي اول مشاركه لي بالهمنتدى الرااااائع و حبيت اتكلم عن تجاربي و حبدا بالأردن ....
و بعدين اتكلم عن مصرو سيريلانكا و ماليزيا وجنوب افريقيا وسوريا ولبنان وحبيتي قطر ...
شكثر سافرت والله احس كأني ما اسافر وايد بس كتبتهم حسيت خلاص كافي كلام فاضي
الأردن اي نعم مو رخيصه بس ما احسها وايد غاليه يعني صراحه ما تفرق عن مصر بالاسعار ....
بس بالنظافه و الامان الاردن وايد افضل....
هذا غير الأخلاق و الله عندهم عزة نفس و كرامه و ترى نادرا ما يقصون عليك....
والحلو فيها تنزل بشقه او 5 ستار اوتيل النظافه نفسها.... و الامان بعد....
بس طبعا الفنادق رفاهيه اكبر...
طبعا بخشيش و اكراميات و نشل و الله ما شفت ابد....
و الحلو انها وايد تناسب العوايل و الاطفال ...
و صراحه الشعب ما يعاملك غير دام انك خليجي يعني ما يعطيك ذاك الاهتمام يعني عادي ... وانا بصراحه افضل كذا موب كل شوي واحد ناطط بويهي بكلام مدري بيه مدري بشمهندش ....
اتكلم بنت او ريال تسأل عن مكان عادي تجاوبك وتروح .... ما تحس ابد انها تبي تستغلك او انه يبي يقص عليك
صار معي موقف وانا بالشميساني من يومها صراحه حبييييت الأردن حييييل....
كنت بالموتر وادور دكتور معروف عندهم... و على سرعة 10 :109: بكيفي ابي ادور:109:
وذيك البنت من وراي بيييييييييييييب بييييييييييب :112: الهم بعدت عن الطريج و هي تصارخ وتقول....
شو مالك ماشي على بيض في عالم عندهن اشغال....
قلت والله ادور الدكتور فلان الفلاني ... صحيح هي حلوه:106: بس خوفتني
سألتني وين قالولك مكانه... واعطيتها الورقه....
والله نص ساعه وهي تلف معي و انا وراها و تكلم ماما و تسألها وتكلم مدري منو....
المهم وصلنا و قالت بالسلامه اخوي واختفت....
عاد انا كذا ما شفت ادب و اخلاق و مساعده لبعض بخبري يمصون دمنا مثل بلاد ثانيه الله يسامحهم...
المهم الحين تعبت وان شاء الله باكر بكتب كل شي بالتفصيل مع الصور......
بس حبيت اكتب الموضوع في هذا الوقت لأن الموسم على الأبواب..
وان شاء الله اكون ما ثقلت عليكم....مواضيع عشوائيه ممكن تكون تعجبك اخترناها لك:
- ارغب في شراء سيارة في فترة اقامتي في تونس وارغب في المساعده من تونسي
- الســـــــوق الجزائريـــــــــة من السيّـــاح الجزائريين يفضّلــون تونــــس
- أريد عناوين اطباء اسنان في ايران
- استفسار مهم لواحد يبغى يزورالمغرب العربيجزائرتونسمغرب
- الى خبراء الاردن للضرورة
- اريد حضور مباره الترجي والنجم الساحلي
- مااستغني عنكم يااهل الخبره عن فنادق عمان
- تأجير سياره في عمان الاردن
- اريد السفر للجزائر
- التوقيت الصيفي في الأردن يبدأ منتصف ليلة آذار ـ مارس
- الف الف مبروك للأخت تونسية متنقلة على الأشراف
- جنـــوب وإلأ شـمال شـمـال وإلأ جنـــوب
- صور من اليمن السعيد
- ابها منطقه عسير
- طلب موقع الكتروني
- مخطط رحلتي من الجزائر إلى اليمن قد يكتمل بمساعدتكم
- تقدير كلفة السفر الى الاردن
- ممكن أقرب فندق لجامعة عمّان بالاردن
- كماوعدتكم جبتلكم صور شقق أندلسية عزيز المفروشة
- الاوضاع الأمنية والحرب في صعده
رد مع اقتباس
المفضلات