ارجوكم تكفون ترى تكفي تهز الرجاجيل؟؟؟

**ahmedgaper** · 01-14-2015, 07:22 PM

الســــلام عليكــــم ,,,,,,,,

اخواني يموت الرجال ما نخي تكــــفـــــووون تري تكفي تهز الرجاجيل أنا عريس جديد وكنت بروح

لاندنيســـيا لكن الظروف ما حكمت لكن حولت الرحله الي صلاله من كثر ما سمعت عنه .

أنا بروح عن طريق البر من الرياض سيارتي فورد لكن اول مره اسافر للامارات وعمان ما ادري

الطرق من وين اطلع بظبط وكم المسافه بين الرياض ومنفذ البطحاء وكذلك من الامارات الي صلاله كم كيلو

كذلك افضل الاماكن بصلاله كذلك ارخص الشقق او الفنادق الاماكن السياحيه هناك.

وهل الفورد سياره مناسبه لصلاله من ناحية المرتفعات, وهل ضروري اصرف هناك العمله والا تمشي

العمله السعوديه عاديه هناك وكم الصرف اذا كان هناك صرف,,,,

وكم تكلف الرحله لمدة 10 ايام تقريبا,,

ارجووووكم لا تغفلون عن استفساراتي المهمه

وتقــــبـــلو فائق التحيـــتة والتقــــــدير

مواضيع عشوائيه ممكن تكون تعجبك اخترناها لك:

**ahmedgaper** · 01-14-2015, 07:22 PM

اشكرك اخوي المزيد علي مرورك وتوضيحك لكن اخوي انا سمعت انه فيه طريق قريب عن طريق الخرج ما

عندك خلفيه عنه كذلك الفنادق الي ذكرت انت بكم الليله كذلك اخوي الطريق الصحراوي من العين الي

صلاله فيه محطات قريبه من بعض كذالك استراحات وش تنصحن بالسكن بصلاله شقه ام فندق ابي

الارخص انا وخوك,,,

شكرا لمرورك مرة ثانيه

**alifun** · 01-14-2015, 07:22 PM

المشاركة الأصلية كتبت بواسطة خالد 2007
http://www.arabtravelersforum.com/tr...6/#post1273066

اشكرك اخوي المزيد علي مرورك وتوضيحك لكن اخوي انا سمعت انه فيه طريق قريب عن طريق الخرج ما

عندك خلفيه عنه كذلك الفنادق الي ذكرت انت بكم الليله كذلك اخوي الطريق الصحراوي من العين الي

صلاله فيه محطات قريبه من بعض كذالك استراحات وش تنصحن بالسكن بصلاله شقه ام فندق ابي

الارخص انا وخوك,,,

شكرا لمرورك مرة ثانيه

اولا اخوي الطريق من الخرج وهو ما يسمى طريق حرض يختصر حوالي 80كم ولكن الطرق عادي يعني رايج جاي وزحمه من التريلات وبه مشكله اخرى وهي زحف الرمال المتحركه يعني لاتتفاجاء اذا لقيت لك كومة رمل بوسط الخط !!!

اما الفنادق تعرف تتغير التسعيره ولكن ادخل على مواقعها الرسميه وشف الاسعار

الطريق من العين الى صلاله وخصوصا بعد ما تتعدى البريمي يجيك استراحات تقريبا كل 50 كم بها محطه وبعضها بها سكن ماجربتها حقيقه فقط عبيت بنزين

من حيث السكن ماسكنت بشقق ولكن ذكرت لك وجهة النظر الشقق اكيد ارخص ولكن ليست امتع ولا اريح وهي تصلح للمجموعات الكبيره وليست لعريس وعروسه

**ahmed1** · 01-14-2015, 07:22 PM

شكرا اخوي علي التوضيح والله يجزاك خيروبيض الله وجهك

**ahmedali** · 01-14-2015, 07:22 PM

اخوي ما عليش طولت عليك با الاستفسارات بالنسبه اخوي للعمله عادي الريال السعودي يمشي عندهم

بدون تحويل للعمله قصدي بعمان و الامارات

**ahmedali** · 01-14-2015, 07:22 PM

المشاركة الأصلية كتبت بواسطة خالد 2007
http://www.arabtravelersforum.com/tr...0/#post1276120

اخوي ما عليش طولت عليك با الاستفسارات بالنسبه اخوي للعمله عادي الريال السعودي يمشي عندهم

بدون تحويل للعمله قصدي بعمان و الامارات

ابد اخوي ولايهمك لو الف سؤال المهم ارجوا لن اكون مفيد لك وهذا المطلوب:24:

الريال السعودي ممتاز مثل العمله المحليه ولكن الاشكال في المحلات الصغيره والبقالات وما شابهها تحتاج الى عملة نفس البلد سواء درهم او ريال عماني عندها ستبحث عن صرافين وهذا شوي متعب

افضل شيء انك تصرف شوي عملة اماراتيه وعمانيه لزوم المصاريف اليوميه حسب نسبة البقاء بالبلدين اما الفنادق استخدم البطاقه الائتمانيه

على العموم اذا اخذت ريال سعودي مافيه اشكال على ان تعرف قيمة الريال مقابل الدرهم ومقابل العماني حتى لايجيك عامل محطة بنزين يعطيك رقم للصرف غير صحيح :114:

وبالتوفيق

**ahmed3** · 01-14-2015, 07:23 PM

الف الف شكر لك اخوي المزيد لكن اخوي عقب الاعصار الي اجتاح عمان الله يحفظ اهله

هل الطريق امنه يعني امر علي مسقط وانا رايح لصلاله ام خلافه

يعني اخوي لو تعطيني نبذه عن الطريق وين امر حتي صلاله وهل؟؟ تنصحن اروح العمان

عقب الظروف ذي لان ذهابي بعد يومان فقط,,,,

هذا اخر سوعال ,,,,,

الف الف شكر لتحملك استفساراتي وانا اخوك

**alifun** · 01-14-2015, 07:23 PM

أخوي خالد
حط في بالك بأن الطريق الى صلالة غير مزدوج ومليئ بالبقر يقطعون الطريق
وغير كذا انت معرس يعني ماهي زينه , تحقد العروس عليك وتقول مطلع روحي 3 ايام مشوار طريق
اطلع بطيارة من الرياض لصلالة وريح نفسك واستأجر سيارة هناك

**ahmed3** · 01-14-2015, 07:23 PM

اخوي انا مع مشرفنا العزيز ومؤيد لرأيه وذكرت لك ذلك من البدايه وقلت هذه النوعيه من السفر تصلح للشباب يخلونها سفر بكشته

انت ما تمر مسقط ابد ولاتقرب حولها اكبر منطقه تقريبا تمر عليها بعد امارة العين هي البريمي وبعدين قرى حتى تصل الى صلاله

اكرر تحذير مشرفنا اذا قربت من صلاله وبدأت صعود الجبال احذر من السرعه لانه احيانا يكون مجال الرؤيا اقل من 5متر يعني يالله تشوف طرف الكبوت فيكون فيه ابقار باعداد كبيره واكثر الحوادث منها بسبب الضباب الكثيف

اعتقد الاعصار بعيد عن صلاله ولكن الحذر واجب وخل مشيك من العين بعد العصر حتى تصل صلاله على الفجر وتكون مظبط السكن:24:

**ahmedali** · 01-14-2015, 07:23 PM

ياحبيبي بعد ما تدخل الحدود العمانية لـ صلاله

الطريق طويــــل وممل ويندر وجود خدمات

باختصار

ما انصحك تروح وانت عريس

والشباب ماقصروا

واي استفسارات حاضرين باللي نقدر عليه