الموضوع: انا في كيب تاون اي سوال انا في الخدمه

الاعضاء الاخوان تحيه طيبه
ابشركم ولله الحمد وصلت لكيب تاون واي استفسار انا في الخدمه بس لازم تنتظرون الرد في وقت مثل هذا
لاني بكون مشغول برا او اني مابعد زرت المنطقه اللي تبون تسالون عنها

مواضيع عشوائيه ممكن تكون تعجبك اخترناها لك:

• استفسارات
• ايش رآيكم بهذا الفندق ؟؟؟
• رحلة مقناص
• رحله الي ال cape town ضروري ساعدوني
• استفسار
• اي فندق افضل brenwin guest house او xanada guest villa sea paradise
• في جوهانسبيرق
• ارجو من الاعضاء افادتي وتزويدي بالامااكن مع فنادق رحلة شهر عسل
• إلى خبراء السفر الى كيب تاون جنوب افريقيا
• رشح فندقك حسب تجربتك
• هل يوجد تسوق في الجنوب الافريقي
• سؤال بحاجة لأجابتكم كل جواب بدولار همتكم يا اعضاء المنتدى
• مسافر في العيد وبحاجتكم
• أماكن السكن التي تنصحون بها في الوتر فرونت و الجاردن رووت
• دليل السياحة في جنوب أفريقية2017
• وش رايكم لو خليت رحلتي كلها بكيب تاون
• والله محتاجتكم ولا زوجي بيهوون وارروح وطي وبتوهق
• مسافره في فبراير أرجو المساعده
• ترتيب شهر عسل ( اسعدكم الله )
• الفزعه يالنشاما مسافر كيب تاون بتاريخ اكتوبر اي بعد يوم تقريبا وما اعرف احد ابدا

يا هلا ويا مرحبا فيك ...

والحمد لله على السلامة ...

نبي منك يوميات تحدثنا فيها عن ما ذهبت اليه وبعض المواقف بشكل مبسط

وكيف الاجواء والسياح ...

بالضبط حبيبي .. جبل الطاولة قريب جداَ من هضبة الاشارة ..

بالنسبة للزحمة يمكن عشان الموسم في جنوب افريقيا

واتذكر كان مغلق للصيانة لفترة طويلة ...

متابعين معاك ,,

هلا بالغالي موظف ....

الحمد لله انك لقيت سعر مناسب للصرف .. اما بالنسبة للرجل اللي يجب لك الفلوس من تحت لتحت

اخشى ان تكون الفلوس مزورة فجنوب افريقيا معروفه بالتزوير والسرقات ...


بالنسبة للملابس كان الله في عونك ... بس ما كنت اتوقع هذا البرد ابداً ابداً

خذ لك جاكيت من سوق الاحد بكرة وخله على حسابي ...



متابعين معاك وحلوه جداً الملاحظات ...

اخوك الفوكس ,,

لا مو مزوره وابد فتح لي الصندوق حق الكاشير على طول وطلع المبلغ منه قدامي وكمل المبلغ من الخزنه بالضبط والرجال
اقولك مشالله راعي مكه والمدينه وانشالله الامور تساهيل

عندي سؤآل . انت من مبتعثي دائرة الهجره من دبي ؟

لا يالطيب ماني مبتعثي او اي شي انا جايه تمشيه ع الخفيف

هذي صورة لها ....

الاخت نجمه رحت للانفورميشن وسالتهم عن شي اسمه بق ساليد بالانقلش قالو لي مافيه الا ووتر سلايد
يقصدون اللي في الراتينقا وبشوف مره ثانيه يمكن يضبط الوضع
وبخصوص يومي هذا رحت لسوق الاحد والصراحه كانو مره نصابين لكن المفاصل معهم لايقل عن النصف
يعني اي مبلغ يقول لك عطه النصف وبيوافق بالقوه وكل اللي عنده مجرد تحف
وبعدهاملاهي الراتنيقا وبالنسبه لي كانت اقل من عاديه لاني رحت للسكيس فلاق اللي في لوس انجلس لانها كانت تعد اخطر العاب في العالم يعني كانت مجرد تغيير
وبعدها رحت للكانال ووك والصراحه خطير وحلو وكبير مرررررررررره بس مافيه ماركات عالميه مثل اللي في الوترفونت طبعا هذا للي يهتم بالماركات ثم شفت فلم في السينما ورجعت
واسف على الاطاله وتقبلو تحياتي

يوميات حلوة مررة ههههه تجوا بالسلامة
حبيت اسألك تنصح بالبلد عائليا وأطفال ؟
والسواقة كيف وضعها لأني عمري ماسقت بره السعودية وخايف مرررة وهل الوصول للأماكن صعب ؟؟
إيش طلبات تأجير السيارة ؟
وفين ساكن في كيب و تنصحني بالسكن بأي منطقة من خبرتك الآن لأني ابغىشقة عائلية ؟
و ممكن استلم السيارة من كيب واسلمها في مطار جورج ؟
كم سعر التذكرة الطيران من جوهان لكيب ؟
معليش موظف كثرت الاسءلة بس انت قدها وجزاك الله خير

من شكل الصور حسيت انها قريب للكنال ووك وش رايكم ؟؟؟

جربه فريده ومعلومات وافره ... شوقتنا لتقريرك الدسم


بالله سجل كل المعلومات بورقة لان بعض المعلومات جديدة وحلوه

بارك الله فيك ...

اليوم من صباح الله اخير حركت على نايزينا في جاردن روت وتبعد عن كيب تاون 430 كيلو والطريق الصراحه ماحسيت به الا وانا في نايزينا وبالتحديد في فندق ركيس هوتيل ومرررررررررررررررره خطير وجنب الوترفونت نايزينا ثم رحت لحديقه الفيله وتبعد 20كيلو
وتقدر تركب الفيل ومناظر خطيره وبعدها رجعت للوترفروت وكالعاده ابي اقول لازم ملابس شتويه الصراحه جديقه الفيل والوترفروت كان هواء بارد .

انشالله
بخصوص اليوم البدايه من صباح الله خير كالعاده مشيت على كهف كانقو ومشواره من نايزينا 150 كيلو
والصراحه اول 50 كيلو كانت حلوه ثم دخلنا على جو صحراوي شوي المهم لما وصلت كهف كانقو خذت الرحله القصيره والحمدلله اني خذتها الصراحه مافيه جديد في الكهف كنت اتوقع مويه وشغلات حلوه مجردظلام دامس ووحده تتكلم عن الماضي
بعدها طلعت والطريق الى كهف كانقو فيه حاجات كثيره اولها انك تشوف مزارع النعام كثيره مره لدرجه اني تشبعت منها وفيه مزارع تقدر تركب فيها النعام وفيه مزارع تقدر تركب الجمال مدري وش جابها عندهم المهم فيه على بعد 130 كيلو من نايزينا على الطريق لكهف كانقو حديقه التماسيج cango wildilfe ranch , والصراحه كانت حلوه بس مو مزرعه تماسيح فقط كانت سفاري مصغر ه فيه حيوانات وغزلان واسود شيتا وتقدر تصور مع الشيتا وتقدر تنزل في صندوق حديد مع التماسيح مع ان المزرعه كانت صغيره الا انها كانت روعه وتستاهل الروحه بعدها رجعت لراس نايزينا والمكان يستاهل الزياره للتصوير مره خطير
واذا قيه شي نسيته سامحوني

اخ فوكس بروح لها انشالله بكره

بسم الله الرحمن الرحيم
اليوم كان شيق مررررررررررررررررررررررررررره اول ماصبحت مشيت على غابات التسكيما وكانت روعه مررررررررررره المهم دخلت الناشونل بارك وماطولت فيها ثم طلعت رحت لمكان تقدر تتتنقل بين الغابات غبر اسلاك
وانت مربوط فيها وكانت مغامره ممتعه وفيها شوي خطوره للي يخافون اسم مكانهم tsitsikamma canopy tours
وهذي تتنقل بين الغابات وفيه شركه ثانيه تتنقل بين الشلالات بس مارحت لها وبالنسبه للشركه اللي رحت معها فيها ملاحظه حلوه يكون معك واحد من اول ماتبداء لين تخلص لانه يعطيك التفاصيل كامله لانها خطره وباقي الشركات ممكن يعلمونك اول طريقه للتنقل ثم يتركونك لحالك وهذي مخاطره للتنقل وحدك بعدها طلعت ورحت لحاجه خطره مرررررررررررررره ومانصح بها اللي قلبه شوي مايحب المناطق العاليه وهي القفز من البرج بحبل طويل واسم الشركه bungy-bloukrans
يربطونك بحبل طويل ومطاط ثم يرمونك من جسر طويل مرررررررررررررررررررررره الصراحه في البدايه خفت ثم تحمست وطبيت
بعدها رجعت لنايزنا ورحت للوترفرونت
وبكره بروح للسفاري ويمكن ماكتب لكم شي لان البرامج احتمال تبداء بدري واحتمال انام بدري
واسف على الاطاله

يوم ممتع ،، استمتع قد ماتقدر وفي النهاية لا تنسانا من التقرير اذا جيت على خير....

هلا بك .. متابعين معاك

بغا اسألك عن الأمان في الليل ...؟
وهل اللغه الإنجليزيه هي الرسميه ..؟
اللهجه امريكيه ولا بريطانيه ..؟


لي رجعه ..

مساكم الله بالخير وعذرا على التاخير
على طول اخش في صلب الموضوع بعد ماخلصت من نايزينا توجهت لسفاري قريب منها تقريبا 30 كيلو واسمه
plettenberg bay game reserv
واسم المسكن اللي داخل السفاري اسمه the baroness luxury safari lodge
وكنت حاجزه لمده ليلتين والصراحه في البدايه اول ماشفت المسكن جتني ضيقه غريبه لان سعره كان شوي مرتفع
ومتوقع شي ثاني بس لما سكنت فيه مع الوقت قسم بالله ماتحسفت ابد لانه يعطيك جو ثاني مرررررررررررررررررررررررره
المسكن عباره عن بيت قديم ومطور بس على نفس الحاجات القديمه مافيه نت ولا فيه تلفزيون ولاسيفتي بوكس يرجعك 200 سنه للوراء والجو اللي فيه انه الغرفه تصميمها قديم وانشالله بنزل صورها انشالله مع التقرير وحياه بسيطه عندك كم جلسات خطيره منها على المشب ومنها على شكل حلقه وفي وسطها الحطب وفيه بار وفيه تلفزيون بس قسم بالله ماشغلته من جيت ومن صباح الله خير اول ماتقوم تشوف على المساحات الشاسعه والحيوانا من كل جهه الغزلان والزراف والحمار الوحشي وانواع الطيور وعندك رحلتين بالسياره وهذي تكون مرررررررررره جنب الاسد وفيه رحله بالحصان وماتقدر تشوف الاسد وفيه ملاحظه فيه ناس كثير يجون ياخذون الرحلات طبعا للي مايبي يسكن في السفاري بس النصيحه جربوها وبقول لكم حاجه للي مايحب الهدوء المسكن في الليل هادي جدا جدا جدا ماتسمع غير حشرات الليل وبعدها حركت على مطار جورج وتوجهت لجوهانز بيرج استعداد للذهاب لصن سيتي والمفاجاءه الغير متوقعه ان اغلب الناس بالمنتديات نصحوني استاجر اخر اربع ايام عن طريق المطار وفعلا سويت كذا لكن لما وصلت لقيت كل السيارات مستاجره لانه موسم وفيه كذا سياره عادي بس بما ان القير يسار قلت ماله داعي وخذت لي سياره اتوماتيك اودي غاليه بس بما انها اربع ايام قلت ماتفرق معي وللمعلوميه رحت للسواقين وقالو لي المشاور اقل شي 1500 راند ولما حسبتها مع ايجار السياره قلت السياره ماتفرق كثير واليوم سكنت بفندق ذا كاسكيدس في صن سيتي وخذت جوله بسيطه بس قالو لي ماتقدر تدخل فندق المدينه الضائهه لانك منت من سكانه وش الحل واسف على الاطاله

هلا فيك ... اخوي موظف

الحمد لله انك انبسطت في القاردن روت ...

بالنسبة للفندق يمديك تدخله حتى لو ماكنت ساكن بتذكرة اسئل عنها ..

مساكم الله بالخير
اول شي قبل ماقول شي عندي نصيحه للي يبي سفاري الحيوانات نفسها في كل سفاري ولكن اللي يفرق المكان اللي بيكون فيه الحيوانات بالنسبه للسفاري اللي في جوهانزبريج وصن سيتي مافيه اي طبيعه اشجار وحر
وعلى اساس كذا انصح كل واحد يروح عن طريق اي سفاري في الجاردن روت الطبيعه تعطي شكل ثاني للسفاري وامطار
وشي على كيفكم
بالنسه لفندق المدينه الضائعه بما اني سعودي سويت طريقه جديده رحت لملعب القولف تبع الفندق وفيه سيارت موقفه برا وقفت معهم كني بلعب ونزلت للملعب وفي اخره غابه تابعه للفندق فيها ممرات توصلك لين تدخل الفندق في عشر دقايق وبالنسبه للمجوعات اللي تروح علشان موسم موقفينها لين بدايه السنه بس على مين
وتبي الصراحه فندق كاسكديس اونس بكثر ممر الوقت والزلازل اللي فيه حلو ووداي الامواج والمحافظين لايطبونه لان الملابس على كيفك وغير كذا الزحلايق المائيه وولكم سنتر وفندق الصن سيتي والكاباناس جنك
واسف على الاطاله

هلا بك ...

كم باقي لك ياشيخ ... والله حمستنا كثير على التقرير ,,,


متابعين معاك للاخير ,,

المشاركة الأصلية كتبت بواسطة موظف
http://www.arabtravelersforum.com/tr...8/#post4568978

مساكم الله بالخير
اول شي قبل ماقول شي عندي نصيحه للي يبي سفاري الحيوانات نفسها في كل سفاري ولكن اللي يفرق المكان اللي بيكون فيه الحيوانات بالنسبه للسفاري اللي في جوهانزبريج وصن سيتي مافيه اي طبيعه اشجار وحر
وعلى اساس كذا انصح كل واحد يروح عن طريق اي سفاري في الجاردن روت الطبيعه تعطي شكل ثاني للسفاري وامطار



طيب وش تنصحني فيه أنا معاي أطفال وماودنا في الحر يعني اللي في الجاردن روت أحلى من كروجر بارك اللي جنب جوهانصبيرق ؟؟؟

اخوي شتوري مساكم الله بالخير شف في جوهانزبيرج وفي الطريق ل صن سيتي ونفس صن سيتي فيها رحلاتسفاري بس الطبيعه اشجار ومافيه زود حر لكن الحيوانات نفسها واذا تبي نصيحتي بعطيك اسم السفاري اللي رحت له انها في
بلاتنيرج باي جبن نايزنا خطير مرررررررررررررررررررررره وجوه بارد وفيه رحله بالسياره ورحله بالخيول اسمها
plettenberg bay game reserve
واسم السكن لو بغيت تسكن ليه بس مثل ماقلت لك طراز قديم ومافيه اي شي من تطورات الحياه بس مرررررررررره خطير الجو فيها اسمها
the baroness luxury safari lodge
وفيه بعض السفاريات تكون الرحله بالدباب المهم تبي طبيعه ورذاذ مطر وخضار رح لجاردن روت واذا تبي بس حيوانات رح لحقت صن سيتي او جوهانزبيرج وبرضو بضيف لك معلومه السفاري في جوهانزبيرج وصن سيتي غالي مررررررررررررره حتى البرامج الاخرى مثل ركوب الفيل والنعام والتماسيج مافيه مقارنه في الاسعار مع جاردن روت
وبالنسبه ليومي هذا

قمت من الصباح بدري وحركت على جوهانزبيرج وبالتحديد مركز ساندتون التجاري وللاسف القارمن رجعني مع طريق زراعي لجوهانزبيرج وكان طريق مزعج للغايه وخذ مني ساعتين وشوي المهم اللي يبي يروح لصن سيتي من جوهانزبيرج يروح مع طريق الهاي وي لاتغلطون غلطتي المهم بعد ماوصلت السوق تمشينا فيه ومرينا ساحه مانديلا جنب المركز وجلسنا بالمقاهي اللي اقدر اقول عنها انها خطيره للغايه وافطرنا فيه وبعد الظهر حركت على مطعم كان هو الهدف الاساسي من روحتي لجوهانزبيرج وهو مطعم كارنيفور ويبعد تقريبا 25 كيلو عن جوهانزبيرج وقريب الطريق الزراعي في الرجعه لصن سيتي ومكان المطعم داخل متجع في منطقه ماتقدر توصل لها الا بالقارمن المهم المطعم عباره عن مطعم لحوم ولازم تحجز عندهم قبل ماتروح لاني يالله لقيت طاوله بالواسطه المهم المطعم انت تجلس وترفع العلم وكل شوي يجي لك واحد ومعه سيخ انواع اللحوم وانت تقوله اي او لا طبعا كان فيه لحم تمساح والحمار الوحشي وغزلان وبقر واغنام وبعض الايام يحطون زراف وجيوانات كثيره وبالنسه لي ماكلت التمساح لانه حرام ونصيحتي والله اللي يروح لجنوب افريقيا ومايمر هذا المطعم بعتبر رحلته ناقصه المهم بعدها رجعت لصن سيتي وكان الجو خطير وممطر يشكل رهيب مع العلم بانه مو موسم امطار ورجعت مع الهاي وي لان المؤمن مايلدغ مع الجحر مرتين واسف على الاطاله

ترجع بالسلامة وفي انتظار تقريرك وصورك على احر من الجمر

المشاركة الأصلية كتبت بواسطة موظف
http://www.arabtravelersforum.com/tr...4/#post4589244

مساكم الله بالخير حبيت ابشركم اني وصلت ولله الحمد
المهم انشالله بعد ماجمع الصور واضبطها بحاول انزل الموضوع خلال الايام القادمه
بس صبركم علي



الحمد لله على السلامة ياخوي .. ونحن في انتظار ابداعاتك

ولا تحرمنا من طلتك الغالية ,,

الحمد لله على السلامة ...
في انتظار ابداعك ومتشوقين جدا للتقرير ...

السلام عليكم و رحمة الله و بركاته

ابحث عن ايجار سيارات اوتوماتيك رخيصة و مو مشكلة ممكن صغيرة لشخصين فقط

???
اخي ممكن رد لو سمحت

ثانيا كيف اقدر ادبر نت هناك لامه و كما لاحظت المرتين اللي رحت فيها هناك كان النت مرة غالي و نادر

تحياتي

ستجد اجاباتك هنا http://www.arabtravelersforum.com/travel456592/

بالتوفيق ,,