الموضوع: سفري مع زوجتي هل أجد من يفيدني ؟؟

السلام عليكم ورحمة الله وبركاته

أحبتي
مدري من وين ابدأ ؟؟

بمشيئة الله سيكون زواجي يوم الخميس الموافق 13/11/1434 - 19/سبتمبر/2013
وبالتأكيد بأسافر انا و زوجتي الغاليه
وعندي بعض الاستفسارات = ترى الموضوع مطوّل وبتتعبوا وانتم تقرؤونه

* الافضل اني اسافر الجمعه أو السبت ؟ اليوم التالي للزواج أو اللي بعده ؟
* أبي جدول سياحي مع الاخذ في الاعتبار ان وقتها بيكون بداية الشتاء
وميزانيتي 30,000 ريال تقريباً

* فكرت أروح لمكاتب سياحيه :
وبالفعل رحت للطيار بجده : قال لي الموظف المالديف و موريشوس ماتنفع بهالسيزون لأنها منتجعات صيفيه , و أوروبا طلع موضوعها كبير أعطاني خيارات كثير , وبصراحه ضيعني ماعادني عارف وين أروح

طبعا قال لي معلومه : ان جداول الشركات السياحيه والمنتجعات المعروضه بالنت تنقسم لقسمين
صيفيه وشتويه): (من4إلى9)صيفيه و(من10إلى3)شتويه
ولو بغيت احجز من الان للشتويه الغالب يحط تسعيرة الان ويزيد عليها 30% واللي يبي يروح

اللي مشجعني على موضوع المكاتب السياحيه :
انه ينهي كل المعاملات من هنا بمافيها حجوزات فنادق و قطارات وووووو
يعني أروح اتهنى وارجع

لكن الضريبة هي فرق الاسعار اللي ممكن توصل لـ 10,000 ريال

والله اني صدعت من التفكير و ضايع

طبعا ماحبيت اخرب على الاخ ASOKA موضوعه فكتبت موضوعي منفصل

مواضيع عشوائيه ممكن تكون تعجبك اخترناها لك:

• كيف احجز تذاكر لعدد اشخاص حلوها
• وين أسافر
• تحذيرلندن اجون رود شارع العرب
• هذه ميزانتيتي نصيحتكم إلى اي بلد اروح
• ماهي احسن دول اوروبية؟
• وش اسباب الارتفاع الخيالي لدرجة الأعمال في شركات الطيران
• بالي او لنكاوي
• هل تسافر وحيدا ؟؟؟
• مساعده في معرفة هذا الموقع
• سفرة الى الامارات
• وين اروح ايطاليا ولا اسبانيا
• استفسار عن حجز البوكينق
• استفسار عن برنامج ولاء المسافرين للخطوط الاماراتية
• شاركنا بإفادة المسافرين بتحديد المدة الميزانية المناسبة ،، لكل دولة موضوع تفاعلي
• أجمل عشر عواصم حول العالم
• افضل الدول لقضاء شهر العسل بشهر ديسمبر
• استفسار بسيطياليت تسعفوني
• للتنبه فقط
• استفسار عن طيران العربية لا هنتوا أرجو الرد بسرعة
• الخطوط السعودية تطوّر موقعها وتقدّم يوماً في التاريخ الميلادي

وعليكم السلام ورحمه الله وبركاته
معاك وقت تحجز وتقرأ وتضبط كل شيء
انا اشوف تخليها ايطاليا اسبانيا فرنسا
اخشى من البرد في النمسا

نصيحه ومن قلب احجز بنفسك وابعد عن المكاتب وماراح تتعب باذن الله
المنتدى فيه كل شي تحتاجه
وتقدر تستفسر عن اي شي
انصحك بهذي المدن وانت اختار الي يناسبك
باريس- اسبانيا (برشلونه - ماربيا )
ايطاليا ( ميلان -فنييسيا ) - باريس
اخاف سويسرا والنمسا تكون بردد
باريس حلوه وراح تنبسطو فيها

الف مبروك مقدماً

السفر يكون باليوم اللي بعده وليس التالي عشان التعب و الارهاق

والافضل الحجز بنفسك عشان توفر مبلغ تستمتعون فيه بدل ماتعطيه مكتب سياحي
هنا تختار الدولة ثم تنتقل لبوابتها لمزيد من التفاصيل

اقترح تركيا خاصة الشمال التركي

قريبة و تكلفة أقل

المشاركة الأصلية كتبت بواسطة فــيـصـل
http://www.arabtravelersforum.com/tr...4/#post7680254

وعليكم السلام ورحمه الله وبركاته
معاك وقت تحجز وتقرأ وتضبط كل شيء
انا اشوف تخليها ايطاليا اسبانيا فرنسا
اخشى من البرد في النمسا





هذا اللي أخاف منه - زيلامسي بتكون برررد ؟
المدام ودها في زيلامسي , لكن ان كانت بارده جدا ممكن نروح لها وقت ثاني ..

كل الشكر لك يالغالي

المشاركة الأصلية كتبت بواسطة جنونـ انثى
http://www.arabtravelersforum.com/tr...8/#post7680698

نصيحه ومن قلب احجز بنفسك وابعد عن المكاتب وماراح تتعب باذن الله
المنتدى فيه كل شي تحتاجه
وتقدر تستفسر عن اي شي
انصحك بهذي المدن وانت اختار الي يناسبك
باريس- اسبانيا (برشلونه - ماربيا )
ايطاليا ( ميلان -فنييسيا ) - باريس
اخاف سويسرا والنمسا تكون بردد
باريس حلوه وراح تنبسطو فيها




جزاك الله خير ع النصيحة أختي الغاليه ..
وسأبدأ دراسة الموضوع , لأني موسوس في موضوع السفر , وأحب اجهز كل شي من بدري ..

المشاركة الأصلية كتبت بواسطة آخـــرفـــرصــة
http://www.arabtravelersforum.com/tr...0/#post7681410

الف مبروك مقدماً

السفر يكون باليوم اللي بعده وليس التالي عشان التعب و الارهاق

والافضل الحجز بنفسك عشان توفر مبلغ تستمتعون فيه بدل ماتعطيه مكتب سياحي
هنا تختار الدولة ثم تنتقل لبوابتها لمزيد من التفاصيل

اقترح تركيا خاصة الشمال التركي

قريبة و تكلفة أقل

مع اني ماأحبذ تركيا , لكن طالما نصحتني فيها , بأشوفها وربي يكتب اللي فيه الخير ..
مشكور اخوي

المشاركة الأصلية كتبت بواسطة عااابر سبيل
http://www.arabtravelersforum.com/tr...8/#post7682518

أخوي الغالي أنا ما عنده خبره عشان أفيدك في أختيار وجهتك .. لاكن أنا سبق ورحت تركيا ومدة الرحلة 14 يوم وليلة توزعت بيت أسطنبول وطرابزون و أوزونجول ..

المهم والي خلاني أرد عليك شغلة المكاتب السياحية .. حبيبي أنا كنت مثلك ولا كان يطري علي أصلا أني أروح بنفسي وأحجز الطيران و الفنادق و...إلخ ..

المهم في كل رحلة هي حاجتين أساسيتين الي تحتاج ترتيب مسبق ..
1- تذاكر الطيران .
2- السكن .

* بالنسبة للطيران أدخل مواقع خطوط الطيران وأبحث عن أي وجهه تبيها ... وأبحث في جميع الخطوط الي تعرفها إلين تلقى شئ مناسب لك من حيث السعر ومن حيث الطيران ..
* اما بالنسبة للسكن عندك عدة مواقع منها بوكينق و أقوادا .. أنا تعاملي مع بوكينق ولي ثلاث سنوات وأموري معهم تمام التمام ..هذي المواقع طال عمرك
تقدر تشووف الفندق أو المنتجع الي تبيه وتشووف أراء النزلاء الي سكنوو فيه وتعرف تفاصيل السكن الصغيرة والكبيرة كلها من خلال اراء النزلاء ..

صدقني ياخوك أحنا نعتقد أنها شئ صعب .. الآن كل شئ لرحلتك تقدر تسويها وأنت جالس على الكرسي ..
الطيران و السكن و وتأجير السيارات في الدولة الي بتروح لها ..
يبقى عليك أنك تدخل التقارير الي منزلينها الأخوان عن الدولة الي بتروح لها وتأخذ فكرة شاملة عنها من ناحية البرامج اليومية وغيرها ..




أشكرك على كلامك الرائع ..

الله يوفقك ويتمم لك على خير 🌹 معاك وقت تحجز بنفسك وترتب أمورك لا تقلق ،،، ليش ما فكرت في لندن؟ جداً جمييييله

والله إن وناستك حين توفر مبلغ وتجعله للهدايا ووالله إن مكاتب السياحة لصوص ضاحكة

الله يوفقك ويتمم لك على خير ونصيحتي لك ابدأ بنفسك ورتبها بحسب رغبتك

انصحك بلندن...كخيار ان لم تفضل التنقل بكثرة
وايضاً خيار اوروبا جدا رائع

كل الشكر لكم اخواني واخواتي

وبصراحه ابي اتعبكم معي , استاهل صح !!

يالله تعالوا ياأحلى ناس , بسم الله بندأ :

السفريه بتكون :

ميونخ - يومين
كابرون وزيلامسي والقرى المجاورة لها - 11 يوم
ميونخ - يوم

: أو :

فيينا - يومين
كابرون وزيلامسي والقرى المجاورة لها - 11 يوم
فيينا - يوم

اعطوني اقتراحاتكم
الافضل بين البرنامجين ؟
طبعا السكن بيكون بكابرون ويوميا الخروج للقرى المجاوره والعودة بالمساء للشقه .

مبروك مقدما نصيحه من منظوري اجعل السفر يوم السبت عشان الجمعه تستقرون بعد ليله الحفله وتريحون وتكون اغلبها سلام وتوديع للاهل والسبت تتوكلون

ما ازكي دوله على دوله لكن حط في بالك التوقيت راح يكون سبتمبر يعني براد بأغلب الدول موفق

هلا اخوي

اتمنى لك التوفيق انت وزوجتك والله يجمع بينكم بخير
وعلى قولة الاخوان السفرة السبت اريح لك حتى يكون عندك وقت ..



حاول تتعلم بنفسك .. الاهم ماتدفع 10 الاف لمكتب على اشياء سخيفة تقدر تسويها بنفسك والاخوان يساعدونك عليها

تمنياتي لك بالتوفيق

عوده من ميونيخ اريح لك بس هل سهر التذكره يفرق كثير

رح تركيا وجمال تركيا رخيص وكويس بالمقارنة مع أوربا
واحجز بنفسك الأمر سهل وتتيسر
وأقترح مايكون السفر باليوم التالي للزواج اجلس يوم ريح تشوف أهلك ويشوفونها أهلها ثم توكلوا

اقتراح والله يوفقك

فينا يومين
كابرون وزيلامسي 9ايام
ميونخ يومين

موفق

المشاركة الأصلية كتبت بواسطة Eng. Majdi Shamrani
http://www.arabtravelersforum.com/tr...6/#post7690896

توي مشيك عن طريق النت , بيكون خريف أظن ..

هل هذا الوقت يعتبر موسم بالنسبة لهم ؟



الخريف اروع شي وقت السياحه بالخريف يجنننننننننننننن عن تجربه انا كنت في سويسرا في نهاية شهر 9 مقدر اوصف روعة الوان الشجر والجو الحلوووو البروده رهيبه اهم شي ان مافي حر وامطار خفيفه حلوه بالعكس اشوف شهر 9 اجمل وقت للسياحه احلى من الصيف