الموضوع: اريد ترشيح مدينه لشهر العسل ؟؟؟؟

السلام عليكم ورحمته وبركاته
اخواني- اخواتي
بصراحه انا اليوم حبيت اخذ برايكم ابي مكان اقضي فيه شهر العسل باذن الله

علماً اني اريد السفر بتاريخ 20-8-1433ه
اريد الترتيب مسبقاً عشان اضمن اقل اسعار الحجوزات والترتيب السفر والاماكن

الاي اطلبه من الله ثم منكم ترشيح لي مكان السفر اليه

علماً ان السفر 8 ايام للرجوع الى ارض الوطن قبل شهر رمضان الكريم (الله يبلغنا انا واياكم والمسلمين كافه)

وانا المزانيه التي عاملها 15 الف ريال من غير الفنادق والطيران
انا حاط ثلاث مدن براسي
النمسا - فرنسا - جزر المالديف

تكفون لا تبخلون عني شي

ملاحظه بسيطه اللغه الانجليزيه لا اعرف غير yes & no

وشكراً مقدما

مواضيع عشوائيه ممكن تكون تعجبك اخترناها لك:

• ااستفسار بخصوص الشنغن
• مسافرة بنهاية يناير فين اروح ؟
• استفسار عن رحله عائليه
• ارجاع الكرسي للخلف بالطائرة
• الرجاء مساعدتي هل ينفع ورقة موافقة ولي الامر اسافر لحالي انا بنت
• حصريا أجمل موضوع عن مدينة دبي التاريخية السياحية الخلابة الرائعة و اجمل المنتجعات
• محتاجه سفره لتجديد النشاط وتهدية البال
• للحصول على ارخص الرحلات السياحية
• هذه ميزانتيتي نصيحتكم إلى اي بلد اروح
• كيف تنشئ سفرا سياحيا ببساطة ؟
• لـكل مسـافر يحمل جهاز ايبـاد ،، باقة اللـورد
• صور قرية معروفه في فرنسا باسم الجنة
• القطرية تضم أنقرة إلى شبكة خطوطها العالمية
• طريقة حجز بوكينق الان من خلال الهاتف في السعودية والامارات
• شهر العسل و اجازة الصيف في ماليزيا جنة اسيا الحقيقية
• برنامج سياحي بماليزيا لمدة 15 ايام 14 ليالي | شهر عسل | عروض شهر عسل في ماليزيا
• تجربتي مع تأخر الرحله
• سؤال مهم جدا هل الجواز الدبلوماسي يلغي الجواز العادي؟
• استفسار ضروري بشأن جواز السفر
• اريد رحلة شهر عسل الى اوروبا ، هل تنصحوني؟

اسف التاريخ
20-8-1434هـ
السنه القادمه

السنه القادمه علي خير ان شاءالله
بتكفيك في اوربا 10 ايام
مصروف يومي متوسط للشخصين الف ريال
فندق اربع نجوم قريب الشانز تقريبا 1200 3 نجوم روووعه خلف قوس النصر تثقريبا 800
اذا قرأت التقارير ما راح تحتاج وانا اخوك ذيك اللغه فيه برامج بالايفون يترجم لك اي كلمه فوري
فيه تقرير لناس الحين لغتهم مش قويه والامور سالكه

يعطيك العافيه اخوي فيصل

بصراحه ما قصرت

بس كم سوال اذا ما فيه ازعاج

وش مدينه ترشح الذهاب اليها

انا في خاطري النمسا او فرنسا او جزر المالديف

ولكن ابي دوله افضل غير الاي ذكرتها اذا موجود

اخوي الدوله التي سوف تذكرها لي سوف اذهب اليها بدون تردد
اتمنى الترشيح
شكراً جزيلاً اخوي

الله يوفقك ويتمم لك على خير
8 ايام فقط اجل خليها في جزر المالديف 5 ايام و3 دبي بس تراها غاليه مره
او باريس لحالها .. المهم لاتكثر تنقلات خليك على مكان واحد اذا تبي طبيعه في اوربا خليك على النمسا والشور لك

يعطيك العافيه وما قصرت وحزاك الله خير
انا بصراحه بخاطري باريس من زمان

بس هل 8 ايام ما راح اطفش من باريس هل فيها اماكن تستحق الزياره طيلة 8 ايام

وسمعت انهم عندهم ريف

وش تنصحني فيه

معك سلطان

اسف انه من قال هذا هو الاخ فيصل
وطلع شخص اخر

اقدر اهتمامك والرد ولكن
هل سافرت المالديف وما هو رائك

بس هل تكفي الميزانية التي انا قلت لها
انا اشوف السكن فيها غالي
بعدين رحت اشوف الفنادق في شماليه وجنوبيه وما ادري وين ها التقارير فيه هل بالشمال ولا بالجنوب

وشكراً لتفاعلك

اختي مسافرة
هل تنصحيني اسافر الى فرنسا

الله يكتب الاي فيه الخير اخت بنت مكة

والله اني محتااااااااااااااااااااااااااااااااااااااااااااااا ااااااااااااار
وشكراً ع رائك

هلا فيك يا شيخ
اسمعني يا غالي
باريس ناس راحت اسبوع ملت وناس راحت 10 ايام وقالوا قليله وناس راحت 4 ايام وقالوا ظلمتها يا فيصل تستحق اقل شيئ اسبوع
الناس تفرق يا غالي
اللي تبيه من باريس ابشر برنامج وفنادق وغيره سير علينا بالبوابه الفرنسيه وابشر
تبي طبيعه ما يحتاج النمسا ثم سويسرا
فيه ناس تحب الصخب وفيه ناس تحب الهدوؤ وناس تحب تجمع بينهم

اخوي فيصل والله اني راح اثق في كلامك

انا في خاطري باريس قلت مره وحده اروح لها

هل فيه ريف فرنسي حلو

لان النمسا راح لها صاحبي يقول من بعد المغرب تفتح الملاهي اليلية وتحصلهم في الشارع وهذا ما ابيه بصراحه

وانا 7 ايام واليوم الثامن برجع الى السعودية

المالديف احسها بس بحر وطبيعه بصراحه يمكن اطفش منها
ابي طبيعه و معالم اثريه زي كذا
ارجوا الافاده

7 ايام زينه باريس انا عن نفسي 5 ايام واطفش فيها ناس معي اسبوع ياليت يبسطهم
زين بعطيك تقرير اذا جاز لك
تحجز 3 ايام باريس ثم يومين هالديره ثم ترجع لباريس نفس فندقكم ولا تغير الفندق الشنط يا تخليهم بالفندق الجديد ولا الفندق القديم وتأخذ ما يكفيك الي بروج
http://www.arabtravelersforum.com/travel621402/

او ترجع يومين في ديزني يوم البارك
ويوم الاستديو والاوت لوت
بس ديزني بالصيف تقفل 11
بغير الصيف تقفل قبل ولا فيه شيء تروح له
11 يا دوب الشمس غايبه بالصيف علي 10 تغيب

المشاركة الأصلية كتبت بواسطة خصيم الوووقت
http://www.arabtravelersforum.com/tr...3/#post7063883

الله يكتب الاي فيه الخير اخت بنت مكة

والله اني محتااااااااااااااااااااااااااااااااااااااااااااااا ااااااااااااار
وشكراً ع رائك



اخوي ليش محتار ...اعقلها وتوكل
الاخ فيصل ماقصر معاك ...روح بوابة فرنسا وح يساعدوك بادق التفاصيل
انت ايامك قليلة ...تقريبا اسبوع
خليه 4 ايام باريس
ويومين بلجيكا :بروج - قينت
وممكن تروح لريف هولندا في قرية زي فنيسيا
اذا انك مو حاب تروح فرنسا وتحديدا باريس ....فكر في غيرها ...وشوف الي يناسبك
وكل المنتدى واعضاؤه ماح يقصروا معاك

بصراحه اعجبني رايك
وقررت 3 ايام بباريس و2 في بروج ونرجع لباريس 2 واليوم الثالث السفر

وش رايك

هنا البدايه
سير علينا يا هوا سير
تعال هونيك بالبوابه الفرنسيه يا بعدي

انا دائم في بوابة فرنسا
اراك هناك

وشهر 10 بإذن الله سوف احجز الطيران والفنادق وطبعاً بعد رائك في الفنادق انت واخواني الاعضاء والاخوات

والف الف الف شكر

في رايي انه المعاريس يحتاجون طبيعة وهدوء ومكان بعيد عن الناس لانهم يكونون في هذي الفترة مثل العصافير

واتوقع ما يحتاي تحتار لانه اي بلد بتروح لها بتستانس فيها ومستحيل تمل حتى لو يلست في الفندق مدام معاك


القمر وشو يهمك المكان


واقتراحي :في ماليزيا منطقة مرتفعة وباردة نسيت شو اسمها يمكن تعجبك


والف مبروك مقدما ورحلة سعيدة باذن الله

جزاك الله خير اخوي بابا طاووس

رائك حلو وانا من عشاق الطبيعه بس ماليزيا كلها عرب واحسها دولة مستهلكه

كل ما سالت واحد يروح شهر عسل قال ماليزيا

وانا ابي دوله جديده وجوها حلو

وابي تكون مفاجئه للمدام

لاننا عندنا ما تكلم المدام الا بعد الدخله ليلة العرس

وابيها مفاجئه


ممكن ترشيح دوله غير ماليزيا اخوي

اخوي فيصل مهما شكرتك لا يوفي حقك

ارجوا النقاش وترشيح

المشاركة الأصلية كتبت بواسطة فــيـصـل
http://www.arabtravelersforum.com/tr...5/#post7066075

قصدك جنتنغ
بس جنتنغ بارده ولا تصلح أكثر من 3 ايام هذا اذا صبرت عليها 3 ايام
كذا أتصور



نعم اخي فيصل مثل ما تفضلت جنتنغ كنت ناسية الاسم


تحياتي وتقديري

اخي خصيم الوقت اقتراح الاخ فيصل عن باريس اقتراح ممتاز

وعشان الميزانية استقر في بلد وحدة يعني 8 ايام فترة قصيرة مب لازم تطلع من فرنسا


وكنت بقترح عليك جزيرة بيننانق في ماليزيا بس انته قلت ما تبغي ماليزيا


يعني ما لك الا اوروبا او تركيا

العفو اخي عادي هذا بسبب الاسم اللي اخترته

اما بالنسبة للميزانية


اذا بتروح شرق اسيا لا تحجز الا في 4 او 5 نجوم


امما اوروبا عادي 3 نجوم ارخص وفي نفس الوقت نظيفة


وصعب احدد لك الميزانية لانه يعتمد على كل شخص وكيف يتقبل وضعه في السفر


يعني يعتمد على حسب اختيارك للمواصلات والفنادق والمطاعم


وفي كل الاحوال خذ معاك كرديت كارد خل فيها رصيد 15 او 20 الف


هذا طبعا غير الكاش اللي معاك لو احتجت مثلا تشتري لها هدية


محرزة من محل عندك البطاقة


لا تنسى هذي عروس واكيد تحلم بشهر عسل حلو


وعسى كل ايامكم عسل يا رب

جزر المالديف

المشاركة الأصلية كتبت بواسطة بابا طاووس
http://www.arabtravelersforum.com/tr...9/#post7068609

العفو اخي عادي هذا بسبب الاسم اللي اخترته

اما بالنسبة للميزانية


اذا بتروح شرق اسيا لا تحجز الا في 4 او 5 نجوم


امما اوروبا عادي 3 نجوم ارخص وفي نفس الوقت نظيفة


وصعب احدد لك الميزانية لانه يعتمد على كل شخص وكيف يتقبل وضعه في السفر


يعني يعتمد على حسب اختيارك للمواصلات والفنادق والمطاعم


وفي كل الاحوال خذ معاك كرديت كارد خل فيها رصيد 15 او 20 الف


هذا طبعا غير الكاش اللي معاك لو احتجت مثلا تشتري لها هدية


محرزة من محل عندك البطاقة


لا تنسى هذي عروس واكيد تحلم بشهر عسل حلو


وعسى كل ايامكم عسل يا رب




حزاك الله خير وايامك يا اختي

والله محتار بس الله يكتب الاي فيه الخير

تحياااااااتي

النمسا فقط

المشاركة الأصلية كتبت بواسطة hanan13
http://www.arabtravelersforum.com/tr...7/#post7069247

النمسا فقط



هل سبقت ان زرتها
وما رائك فيها

وهل تعطيني تقرير شامل عنها من تكاليف وكل شي ممكن