السلام عليكم ورحمة الله وبركاته
السفر مع الاطفال متعه مع انها شوي متعبة
تغير الجو وتغير الاكل والشرب ومكان النوم والرحلات والالعاب والمشي الكثير في السفر ..
لازم تاخذون احتياطاتكم واحتياجاتكم بالسفر
استغرب من الناس اللي تقول ماله داعي ناخذ هالشغلات مع انها موجودة عندهم بالبيت وتعتبر من الضروريات .. اعزائي انتو مسافرين ومو حلو انخرب يوم كامل عشان نعالج شي بسيط نقدر نعالجه بدوا انعرفه ..يني نفتر اندور صيدلية او مستشفى ؟؟
خلو هالشغلة للضرورة ..
بما اني أم وجربت السفر مع الاطفال باستثناء الرضع ولا مرة خذيت معي احد من عيالي رضيع " الله يخلي لي امي .. قولو امين .. ما ترضى اخذ عيالي واهم صغار تاخذهم عندها .. يارب لا تحرمهاا الجنة "
حبيت اعطيكم من خبرتي .. وارحب بالمتفاغلين بموضوعي ...
اول شي لازم تحطونه في بالكم ان جنطة الادوية تكون معاكم بالطيارة لان الادوية تخرب في مكان يكون حار .. يعني اذا حطيتوهم مع اغراض اشحن فما انصحكم تستعملوونهم نهااائياااا..
نحتاج الى جنطة تكون بلاستيكية وحجمها مناسبة علشان اول مانوصل الفندق نحطها بالثلاجة .. ونصيحة لا تحطون الادوية باجياس يمكن يتكسرون ويخربون باجي الاغراض ...
الادوية الضرورية ..
خافض للحرارة + مقياس للحرارة + اللصقات اللي يحطونهم على الراس تنزل الحرارة ..
مرهم للجروح والحروق ..
مرهم للقرصات واللسعات ..
قطرات " انف .. اذن .. عين "
دواء للمغص والام البطن ..
دواء للترجيع ..
دواء للكحه ..
جل لالم الاسنان ..
فكس ..
كريم للرضات ..
كريم للتسلخات الجلدية ..
مقص صغير + قفازات معقمة ..
قطن معقم ومقطع + اعواد اذون ..
معقم جروح + شاش مقطع + شاش رول ..
بلاستر رول + بلاستر مقطع جاهز للجروح الخفيفة ..
ممكن اضافة " مرقدوش علبه صغيرة + اعشاب للبطن مثل زعتر وكمون "
بالنسبة للي ياخذون ادوية للربو " جهاز التبخير " الكمام ..
الجهاز حطوه بين الاغراض عشان ما يتكسر ويخرب عليكم .. او لفوه بفوطة كبيرة ..
الجهاز طبعا راح يكون بالشحن ..
بس المشكلة في الادوية .. الادوية كلها عادي حجمها صغير الا المحلول موجود بحجم كبير وماراح تقدرون تاخذونه معاكم بالطيارة .. متوفر بالصيدليات المحلول بعلب صغيره تستعمل العلبة مرة او مرتين .. لا تنسون الابر المستخدمة اخذو اكثر من وحدة ..
وان شاء الله ما تحتاجون لهم ..
تروحون وتردون بالسلامة ..اتمنى لكم رحلة سعيدة ..
اي استفسارحاضر...مواضيع عشوائيه ممكن تكون تعجبك اخترناها لك:
- المساعدة يا اهل الخبرة
- احتااج المشوره منكم
- الضمان الإلهي من العذاب
- افضل الاماكن السياحية في بونشاك
- هدية ذكرى زواجنا الرجاء المشورة
- من جرب موقع في حجز الفنادق وخاصة في دول اسيا
- حجز الفنادق بالفيزا مسبقة الدفع
- محتاج مساعدتكم قبل سداد التذكرة وانتهاء عرض طيران ناس
- مشروع المشى فى الشارقة
- مساعدة عاجلة
- استفسار عن جواز السفر
- داماك هيلز جولف فيتا
- ما هو افضل طيران اقتصادي
- بسافر مع الاطفال ومحتاره بين لندن وباريس وتركيا
- استفسار
- نصيحتكم لشهر عسل رائع و مميز
- إصدار جواز سفر إستفسار
- مواقف في السفر شاركنا
- استفسار بخصوص حجز الفنادق عن طريق المواقع الاكترونية
- الوجهة الصيفية ؟؟
رد مع اقتباس
المفضلات