الموضوع: طيران فلاي دبي نصب واحتيال

تعرضت في الايام الماضية لعملية نصب واحتيال من ادارة طيران فلاي دبي
flydubi
سأشرحها حتى لا يتعرض غيري لهذا النصب والسرقة
حجزت تذكرة طيران من الكويت الى اديس ابابا لخدامتي الاثيوبية عن طريق الانترنت وتم الحجز وخصم المبلغ وكان كل شيء على مايرام .
وفوجئت بمطار الكويت مكتب الكاونتر الخاص بطيران فلاي دبي يرفض الحجز .... لماذا ؟
يقول باختصار ان عملية الحجز تمت ببطاقة ائتمان لا تعود للمسافر ( الخدامة ) يعني في خدامة عندها بطاقة ائتمان فيزا . المهم الموظف رفض سفر الخدامة بحجة ان الفيزا المستخدمة بالحجز ليست للخدامة فقلت له انا الكفيل وهذه بطاقتي الائتمانية فرفض وقال راجع مكبت فلاي دبي وتفاهم معاهم . المهم حجز للخدامة عن طريق مكتب سفريات بالمطار كاش وسافرت .....
لم تنتهي عملية النصب والاحتيال . فقد خاطبت المكتب الرئيسي بدبي فقالو لي سنرسل لك فاوشر بالمبلغ تستخدمه خلال سنة قلت الحمد لله انتهت المشكلة ... فوجئت بالفاوشر وصلني عن طريق الايميل بنصف المبلغ واكلوا باقي المبلغ .. قلت مو مشكلة عساها حرام عليهم ...
بعد فترة رغبت بالحجز للسائق قلت فكرة خل استخدم الفاوشر مال فلاي دبي... رحت لمكتبهم .. تصدقون شنو قالوا ... قالوا هذا الفاوشر تستخدمه الاثيوبية بس لانه باسمها ..
شوفوا النصب .. لما رحت للمطار مع الاثيوبية قالوا الفيزا هذه لك مو للاثيوبية والحين يقولون الفاوشر للاثوبية مو لك .
يعني سرقة بوضح النهار
ارجو من الاخوة المسافرون على هذه الخطوط عدم الحجز عن طريق الانترنت لانهم حرامية الضحى من النهار ..

مواضيع عشوائيه ممكن تكون تعجبك اخترناها لك:

• الفزززززعه يا اهل الخبره ابي جدول لمدة يوم لشهر العسل اوروبا الله يوفقكم
• ايش هي شروط استخراج جواز سفر للسعوديين
• من اين تشتري ملابسك قبل سفرك
• زوجي ودرجات الطائره
• ارجو المساعده ضروري بخصوص ايطاليا واسبانيا
• ايهما اضمن وأوفر بالنسبة للخطوط السعودية
• ما هو افضل
• أريد الاستفسار من فضلكم
• هاه وش رايكم؟؟
• هذه ميزانتيتي نصيحتكم إلى اي بلد اروح
• طلب مساعده
• ممكن تساعدوني بشهر العسل
• شريحة الايباد وبرنامج ملاحة للجوال جلاكسى اذ سمحتم
• كيف أسافر بالقطار
• استفسااااااار عن الجواز الامريكي
• عمل تأشيرة زيارة مرتين في نفس السنة
• حياكم يامشرفين ساعدوني
• كيف اسدد من خلال موقع
• محتاج استشارتكم في اجمل اختيار لقضاء اسبوع بعد العيد؟ اي دولة و
• من وين اشتري ملابس للسفر

فلاي دبي اداريا سيئ الكل يشتكي منه
ما ودي اظلمهم مره سافرت ومعي اكثر من 40 كم والله ما قصروا خلوني اشيل من شنطتي اغراض واعطيهم صاحبي وبقى شيء ومشوني
الهنود اللي فيها متشددين مره

سلام عليكم ،،، جربت السفر معهم مرة واحدة ،، لن تتكرر ......

انا اريد اعلق على جزئية الحجز...اما فلاي دبي فما جربتها و لكني سعدت بسماع آرائكم و لعل الموضوع يكون فيه فايدة لبقية الاخوة..

قبل اسبوع حجزت لجماعة على طيران الاتحاد.....بإستخدام بطاقتي و لأني مو مسافر وياهم...قبل سفرهم بيومين...اتصلت على مكتب الاتحاد و قالي لازم تراجع المكتب قبل السفر و تظهر إثباث هوية و بطاقة الحجز إذا انت مو مسافر وياهم ولا تراهم ما بيدخلوهم الطيارة. و مع اني ذهبت للمكتب و تمت الإجراءات, ايضا اعطيت المسافرين صورة عن بطاقة الهوية + بطاقة الفيزا.

في سفرتي لأمريكا حجزت عن طريق طيران الإمارات و وقت البوردنق...طلبو مني بطاقة الفيزا... و بالحديث عن امريكا...غالبية العروض الي حضرتها في فيجاس كانت عن طريق الانترنت...و قبل دخول المسرح..تم طلب الفيزا مع ان المبلغ مدفوع....ايضا الملاهي الي دخلتها في كاليفورنا كانت التذاكر محجوزة عن طريق الانترنت و مدفوعة و لكن قبل الدخول تطلب الفيزا..

طيران الخليج و عن تجربة شخصية...هو الي ما يطلب الفيزا ...و هذا إستثناء. القطرية سئلتهم مرة...قالو لازم صاحب الفيزا يكون من ضمن المسافرين...ما ادري لو غيرو الحين !!

و بالتالي من الطبيعي ان يتم طلب البطاقة التي تم من خلالها الحجز, حتى لو تم سحب و دفع المبلغ سلفاً, لأن الغرض هو التأكد من ان العملية لا تشوبها اي سرقة او ما شابه خاصة مع انتشار سرقة البطاقات و إستخدامها في عمليات شراء عن طريق الانترنت. بل من غير الطبيعي ان يتم الحجز ببطاقة سلطان عبدالله و المسافر اسمه جاسم خليل على سبيل المثال.

الســلام عليكم ورحمة الله وبركاته

ممكن شغلات من ها القبيل تحصل من قبل الطيران الاقتصادي انا ولا مرة سافرت معاهم وافضل اسافر بالخطوط التجارية العادية لا احبذ السفر مع الطيران الاقتصادي

الله يعوضك ان شـــاء الله


تحياتي

السلام عليكم..استغربت اللي صار معك لاني انا مسويه حجز كذا مره لاشخاص من الفيزا حقتي..
وكانت فقط تستدعي مني اعطيهم صوره لجوازي وصورة للفيزا من ورا وقدام..


وبحثت في موقعهم ولقيت التالي
Please note that a credit card cannot be used to pay on behalf of someone else travelling to or from Bangladesh, Ethiopia, Nepal, Pakistan, Sri Lanka or Sudan.

ماوضحوها لك في حال الحجز اونلاين؟ اذا ماوضحوها ومغبينها فقط في صفحة الاسئلة الشائعه لك كل الحق تطالب استرداد.. موب بس فاوتشر
وماعليك من الفروع,, اتصل بالفرع الرئيسي..

وانا جربت وحجزت العام منهم الى دبي ذهاب وعوده مع ولد عمي ... المهم بالمطار رفضوا موظفوا فلاي دبي شنطتي وشنطه ولد عمي فلما سألنا عن السبب قالوا ان التذاكر من غير شنط ؟ واذا تبون الشنط لازم تدفعوا عليها رسوم ؟ !!!
يعني ياجماعه هل يعقل مسافر يسافر بدون شنطه ؟
المهم دفعنا رسوم الشنط بالمطار وسافرنا ....
وقبل موعد رجوعنا قالو لنا اذا بترجعون لازم تدفعون قيمه الشنط للعوده يعني مثل العمليه الاولى .. واذا تدفعونها بمطار دبي راح يراعونكم بالسعر الى النصف او كثر قبل موعد العوده بـ ٢٤ ساعه واذا حبيتو تدفعوها في احد فروع السفريات في دبي بيكون السعر الضعف مرتين ... هذا ماحصل لنا والله على ما اقوله شهيد

واكيد قالوا لك لو تسويها اونلاين سعرها ارخص وارخص..ومكتب السفريات اغلى لانه بياخذ عموله طبعا.. مافيه خدمات مجانيه بالطبع..


بالنسبه للشنط هذا نظام بعض الشركات الاقتصاديه للطيران.. مثل الشهيره air asiaالتذكره تكون مخفضه صحيح.. بس فيه اضافات مثل وزن عفش.. وجبات .. اختيار كراسي.. لها تسعيره وتضاف للتذكره..
انت لو تلاحظ يومك تسوي الحجز فيه خطوه واضحه جدا تجيك تسالك كم تبي وزن للعفش؟ يعني مع احترامي لك محد غشك.. بس ربما مانتبهت له او احد اللي سوا لك الحجز.. علشان كذا تورطت..



وترا والله مالي اي دخل فيهم ادافع عنهم.. بس هذا نظام الكثير من شركات الطيران الاقتصاديه..
تحياتي