الموضوع: لاهل الخبرة في ماليزيا وتركيا

معقولة 27 مشاهدة ولا رد وينكم انا محتاجتها فاقرب وقت .....

هلا بك اختي
وللاستفاده اكثر اطلعي على التقارير بالبوابات المخصصه لتركيا وماليزيا
واطلعي ايضاً على استفسارات المسافرين
وبإذن الله بتلاقين الي تبحثين عنه

http://www.arabtravelersforum.com/travelarab17/

http://www.arabtravelersforum.com/travelarab26/

وجعل ربي يكتب لكم الي فيه الخير
وبالتوفيق

مثل ماذكر اخونا المشرف ادخلي على تقارير واستفسارات تركيا وماليزيا وانصحك بالإستخارة ,,
انا مثلك كنت محتار في شهر العسل بين الدولتين بصراحة شي يحير وبالأخير سافرت تركيا والحمدلله كانت رحلة موفقه ,, تركيا لها ايجابيات وسلبيات وماليزيا كذلك ,,
من ايجابيات تركيا قربها من السعودية ثلاث ساعات ونصف , والجو أحلى من ماليزيا كما سمعت , والأكل هناك لذيذ , وتجمع بين الآثار الإسلامية والحضارة الاوربية , ورحلة البسفور جميلة جداً , ومنطقة السلطان احمد جداً رائعة , ومن سلبيات تركيا غالية نوعاً ما , وأجرة التكاسي مرتفعة ولكن يغني عنها الترام والباص , وتعامل بعض الأتراك جاف خصوصاً مع العرب ,,
اما ماليزيا شوفي ايجابياتها وسلبياتها في بوابتها لأني للأمانة مازرتها واي استفسار انا حاضر ,,,

يعطيكن العافية ماتقصرون بس بازعجك اخوي ابو صبا إذا ما عليك تعب عايلتنا كبيرة انا كنت مقررة على تركيا بس ماليزيا كمان حلوة وكاني اميل لتركيا لاني قررت برنامجها كامل بس والله كمان محتارة انا دخلت على كذا وكذا ماليزيا الخضرة والطبيعة احلى بس يعيبها انو التنقل الكثير من مدينة لمدينة ومن جزيرة الى جزيرة بالعبارة او بالطايرة وهذا صعب شوي يبغالها عايلة اخف منا وتركيا تقريبا الاماكن الحلوة فيها اسطنبول وبورصة والتنقل فيها يكون اقل وابسط يعني بس هذا اللي انا منزعجة منو و هل الباص والترام ينفع لعايلة كبيرة او في تكاسي كبيرة نوعا ما لاني ما اعتقد سيارة تاكسي تكفي واللغة الانجليزية تكفي ولا لازم اتعلم تركي والله صدمتني اول مرة اسمع بانو تعامل الاتراك جاف مع العرب يعني تعرف السبب ليه ويعطيك العافية كثيررر

شرق اسيا معروفه بكثر التنقلات بين الجزر وتركيا مناسبه لكنها مكلفهـ
وايضاً معاملة الناس تختلف من شخص لاخر وهذا ليس سبب يمنع من السفر
وانا اقترح عليك زيارة البوابات المذكورهـ وفتح استفسارك هناك
تحياتي لكِ

حياك الله أختي بالنسبة للترام ماينفع لعائلة كبيرة ابداً لأنه مزدحم بشكل كبير وكل مايقف في محطة تتم عملية الدخول والخروج بسرعه , الترام ينفع لعائلة مكونه من شخصين او ثلاثة فقط انا انصحك بإستئجار سيارة بسائقها وتتسع لعائلتكم المكونه من تسعة اشخاص ووضع ميزانية خاصة لذلك لأن التكاسي غالية جداً هناك بسبب غلاء الوقود ,
وبالنسبة لتعامل الأتراك لو ترجعي لكلامي انا قلت ( بعض ) وليس الكل ولاتخافين من هذا الشي ابداً ,
وبالنسبة للغة ليست عائق ابداً صدقيني الأتراك يعرفون كيف يتعاملون مع السائح تكفي قليل من اللغة الأنجليزية ولغة الإشارة .
وانصحك نصيحة القراءة ثم القراءة ثم القراءة في بوابة تركيا او ماليزيا والتخطيط الجيد , انا لولا الله ثم منتدى العرب المسافرون لما توفقت في رحلتي ..

انا جربت ماليزيا
رااااااااااااااااائعه
طبيعه وحضااره واماكن ترفيهيه للكبار والصغار
صحيح جوها مهوب بارد لكن امطارها وطبيعتها تكفي

اما تركيا اغلبها تراث وقصور وفنادقها غاليه وغير فخه ولكن كثير يعشقونها
لكن ماليزيا الفنادق 4النجوم فخمه واسعارها معقوله
يكفي لنكاوووي ومنتجعاتها
وجنتق مدينة ملاهي فوق الجبل كلها ضباب وفندق اكبر فندق بالعالم متصل بمدينة الملاهي فوق الجبل
انصحك بماليزيا وبقوه
واذا كنتي ماتبغين تنقلات كثيره بطيارهاو عباره
لعندك منتجع بوردت دكسون قريب من كوالالمبور
ومدينة الملاهي جنتق قريبه من كوالالمبور تروحين بتكسي او تلفريك
رااااائعه تلعبين في ملاهي وسط السحاب والغيوم
والخيار لك

بالتوفيق

عن جد ما قصرت اخوي صبا بس اذا فية مجال تقولي ميزانية احطها للتكاسي لانو الجدول 6 ايام في اسطنبول و4 في بورصة وايلوا وما ادري ابوي وامي ودهم بانقرة وانطاليا والميزانية الكبيرة بتكون للتذاكر والفنادق والتكاسي فما ادري تعبتكن معاي واختي روز يعطيك العافية اذا قررنا نروح لماليزيا بتتوجه الاسئلة لك وباتعبك معاي كمان يعطيكن العافية مرة ثانية تساعدوني كثير

أهلاً أختي بيان ,, نصيحتي لك لاتعتمدون عالتكاسي راح تكلفكم مبلغ كبير خاصة انكم عائلة كبيرة وفي كل مرة تحتاجون سيارتين , الأفضل إستئجار سيارة عائلية بسائقها والإتفاق معه عالسعر , وهنا ارقام هاتفية لسائقين مجربين من اعضاء المنتدى ,,
http://www.arabtravelersforum.com/travel389753/

وبالنسبة لأنقرة مافيها شي يذكر للسياحة هي مدينة سياسية هذا ماقرأته عنها أختي الكريمة ..

اخي الكريم ..... السنه الماضيه رحت الاثنين ( ماليزيا وتركيا)
باختصار شديد...... ماليزيا افضل للعوائل مع الاطفال واقل تكلفه
تركيا ... ممتعه جدا للكبار (غاليه )

انا عن نفسي اقولك ماليزيا .. افضل للعائلات و فيها اماكن سياحية جميله جداً
و تستاهل الروحه لها
اما تركيا انا كنت ناويه اروح هالصيف لكن من الكلام اللي سمعته يقولون تراثيه و فيها رحلات بريه و بحريه
بس ما فيها تطور او شي زي كذا .. هي تاريخيه اكثر

و ان شاء الله تحددون وين تروحون و تستمتعون

هلا بكٍ..انا زرت ماليزيآ.. وكنت مخططه ازور ترٌكيا لكن زٌوجي غفلني وحجز لدٌبي والحمدالله انه حجز لدٌبي لان السفره كانت فيها اطفال..
ودبي اكثر متعه لهم من ترٌكيا وان كانت دبي يكثربها التسوق ولكن الترفيه اكثر من تركياآ..


ميزة ماليزيا/ عائليه قليلاً يعني تصلح للجو العائلي وانصحك بلسفر لها في شوال .افضل من زحمة الصيف حتى تركيا بلصيف زحمه فظيعه
ماليزيا مترامية الاطراف وفيها الكثير عندك . سيلانقور ومنها تاخذون باص لجزيرة بينانغ طريق بري 4ساعات وتجلسون فيها وبعدها ترجعون لكوالالمبور الى جينتينق وتحجزون ليلتين منطقه جبليه بارده والعاب ومجمع ومنها ترجعون لكوالا بتاكسي او باص ولو حبيتوا تسترخون تروحون لـ منتجع افاليون في بورت ديسكون اخر ليله لكم
يعني تنقلات بسيطه وممتعه
بتركيا تحتاجون التنقل عن طريق سائق باص خاص فيكم على عددكم والي اسمعه من الصديقات اقل شيء ياخذ السواق 400ريال .بليوم وممكن يشارككم وينزل بلمطاعم وممكن بلاماكن اللي تتمشون فيها ومافي خصوصيه صراحه وفيه تركيا تنقل بواسطة عباره بعد ..
تركيا طبيعه متاحف ترفيه مافيه كثيييييييير وماتصلح بوجود الاطفال الا اذا انتم مش مهتمين بترفيههم ومكتفين بصحبتهم معكم
يعني لو فكرت اخذ اروح تركيا راح اخذ اطفالي بس لاني ابيهم معي ..
ولكن لو مهم ترفيههم وماراح تعوضونهم فاشوف تركيا مش مناسبه لهـم

لو كنت مكانك اخترت ماليزيا
الاتراك جافين جداً الأمن رحم ربي ما حبيت ديرتهم ولا افكر أزورها ثانيه
يا حليل الماليزيين بلد على مستوى عالي من التقدم وعائلية جداً خصوصا أنتو ما شاء الله كثار ولاتنسين الفرق بالأسعار
رائ شخصي

أختي الكريمه باختصار شديد انصحك بزيارة ماليزيا قبل تركيا.... ماليزيا مناسبه أكثر للعائلات خاصة للي عندهم أطفال... طبيعة ماليزيا احلى بس مشكلتها رطوبه عاليه، لكن في المرتفعات مثل جنتنج و الكاميرون الجو بارد و جميل و كذلك في جزيرة لانكاوي...ماليزيا تتفوق على تركيا في فخامة فنادقها و أسعارها المغريه. و بالنسبه لتركيا اجليها لما يكون عددكم اقل و ما معكم اطفال لان اكيد بيتمللوا في تركيا رغم عشقي و شوقي الدائم لها.

يوجد جفاف أيضا في بعض الماليزيين من أصل صيني وهندي ولكن لايصل الى حد الجفاف والغلظه التي عند الأتراك ... كنا في أسطنبول فدخلنا مقهى وطلبت شاي فأحضر لي النادل شاي بدون سكّر أو ربما فيه ذرّة سكّر فطلبت سكّر فأحضر أقل من نصف ملعقه أكاد أعدها عدا ولما طلبت منه أن يزيد الكميه هاج وهمّ بأن يقتلني لولا لطف الله ... فقال لي واحد تركي كان معنا في قروب ويتكلم العربيه السكّر هنا غالي كما تعلم فقلت وهل السكّر أغلى منّ الانسان! يارجل كاد يقتلني هذا الرجل الأصفر قال لو كنت هنا لوحدك من غير شهود لقتلك لا محاله وربما فرم لحمك وصنع منه كبابا فرأسك عنده أرخص من رأس بصله ...