نحن كعرب لو مانرجع للفندق او السكن اكثر من مره مابنكون عرب خخخخ وخاصه العوايل لازم لازم يرجعون للسكن وياخذون بريك
خاصه اللي معاهم اطفال او كبار بالسن او اللي ملتزمين بالطبخ في الشقق

والبلد اللي رايح له العاده هو اللي يحدد اذا تطلع طلعه وحده او تقسمها طلعه صباحيه وطلعه مسائيه مثلا دول اوروبا نادر يكون في فعاليات من بعد 5 العصر غير قعده المطاعم والكوفيات والتمشيه

عكس الدول الثانيه مثل الدول الخليجيه او الاسيويه الحياه عندهم مستمره لـ 10 و11 و اكثر بعد


والدول العربيه ماشاء الله سهرات لليوم الثاني وشغالين 24 ساعه


وانا لو علي افضل اقسم الطلعه لـ مرحلتين مرحله صباحيه للاماكن الطبيعيه او اللي ما تتوفر العصر وطلعه مسائيه للاماكن
مثل المارين او الكوفيات اللي تكون في مناطق حيويه منها لتغير الجو والراحه والسوالف مع الاهل في جو ثاني
وطبعا تكون بينهم ساعات راحه في مكان السكن للاستحمام وتغير الملابس وغيره ،


وبالنسبه للوجبات انا من النوع اللي ماياكل في السفر بالعكس يقل اكلي بشكل كبير مع ان المفروض يصير العكس وتصير عندي حاله ادمان للكوفيات والسويت وما احب اثقل بالاكل عشان اكون صاحيه وفاضيه للتصوير


لكن بشكل عام اكل من وجبه لوجبتين مثل الفطور والفطور طبعا مع السويتات مثل المافن او التشيز كيك


مواضيع عشوائيه ممكن تكون تعجبك اخترناها لك: