ارجو الدخول

**ahmedgaper** · 01-12-2015, 03:06 AM

السلام عليكم

اخواني ولاعليكم امر عندي استفسار عن موقع booking لحجز الفنادق

ابي اعرف هل السعر المعروض هو السعر النهائي مشمول كل شي؟؟؟

لان اخاف احجز وتالي لما اوصل للفندق يقول لافي اختلاف انت حجزت بس غرفه,, والضريبه والخدمات سعر غير

مع خالص الشكر مقدم

مواضيع عشوائيه ممكن تكون تعجبك اخترناها لك:

**ahmed1** · 01-12-2015, 03:06 AM

السـلام عليكم ورحمـة الله وبركاتـه

حيـاك الله أخي الكريمـ .. lorans777

موقـع .. booking .. لحجز الفنادق
موقـع مضمون .. إن شاء الله
طبعاً إنت بـ البداية لازم يكون عندك فيزا .. أو .. فيزا مسبقة الدفـع
لأن بعد ماتسوي حجوزاتك بيطلب رقم الفيزا علشان يكون عندهم قيمة حجز لليلة وحدة

مايسحبوا منها مجرد حجز فقط للغرفة اللي اخترتها
إذا لغيت الحجز قبلها بيومين مايخصموا شئ .. بس لو بنفس الوقت يخصموا ليلة وحدة فقط

ثانياً .. عند حجزك لفندق معين و إختيار غرفة معينة راح يوضح لك
إذا كانت الغرفة شاملة رسوم الخدمة .. و .. الضريبـة أو لا
ويوضح لك السعـر .. عند إختيارك لنوع الغرفـــة

طبعاً لوكتب لك هذي العبارة ..
Not included in room price: service charges, city tax
ومعناها إن رسوم الخدمة و الضريبة غير مشمول بـ الغرفة

وللأستفادة أكثر عن معرفة الحجز .. من خلال هذا الموقـع .. أنصحك بزيارة الروابط التالية
قد تفيدك إن شـاء الله

http://www.arabtravelersforum.com/travel466252/

http://www.arabtravelersforum.com/travel415028/

أخي الكريمـ .. الموقـع مضمون .. و .. رائـع .. توكل على الله
وأكيد علشان تتسهل مهمة حجزك إختار اللغة العربية اثناء الحجز لتتضح لك المعلومات كاملة

ملاحظـة .. بعد الإنتهاء من حجزك .. و .. إتمامه سيتم إرسال نسخة من هذا الحجز على بريدك المرفق
انصحك بطباعة هذة الرسالة .. وخلي الورقة معاك لأن فيها رقم الحجز وشروطه كاملة
علشان إذا رحت للفندق وقالوا لك غير هـ الكلام توريهم الورقة اللي معاك
ضمان لحقك .. و .. إن شاء الله مافي شئ من هـ الأمـور يصيـر

هـذا حسب علمي .. والله أعلــم .. و .. أي إستفسار حياكـ .. و .. الكل مارح يقصر بإذن الله

بـ التوفيق إن شاء الله