الموضوع: ايش افضل مكان للسفر تكون اسعاره رخيصة

السلام عليكم..
ابي مكان مناسب لشخصين انا وزوجي... واسعاره حلووة نبي نغير جووو
مابي ماليزيا ولاجزرها ولا فرنسا ولا سويسرا ولاالنمسا ولاالمانيا ولادول الخليج ولا الشام ومصر
هذي الدول رحتهاالحمدلله
طبعا اوروبا جميله بس نار مافيه امل اكررها
الخليج مظاهرات وتخوف وملل مصر والشام مظاهرات
ماليزيا رطوبه وتعقدت منها
ابي مكان كويس الميزانية مو مره ومن سنتين ماسافرت ايش افضل مكان تنصحوني فيه..!!

انا عاجبتني المالديف..!!
طبعا لمدة اسبوعين تقريبااا او اقل..
ماتتعدى التكلفه عن 20 الف..
واهم شيء ابيها بارده مو زي ماليزيا رطوبه ومطر
واهم شيء بدون فيز
اشراايكم...!!

مواضيع عشوائيه ممكن تكون تعجبك اخترناها لك:

• سؤال على الطآير
• استفسار عن مكتب طيران
• مساعدة في رحلة شهر العسل
• زيارتي العائلية الأولى إلى أوروبا
• استفسار عمل حجوزات
• فيزا عمل للتنقل بين دول اوروبا
• فزعتكم بوكينج بيكنسل حجزي
• ماليزيا اندونيسيا سويسرا الغردقه والله محتااااااار
• مقطع عن بحيرة من يستطيع توضيح اين موقع هذهالبحيرة
• هل يتحقق الأمن بالمطار من وجود فلوس داخل الكردت كارد؟؟؟
• افضل شركه تصميم وتطوير مواقع وتسويق الكترونى
• جربت مواقع حجوزات الفنادق بس غيره مالقيت
• شوركم وهداية اللهرحلة لمدة خمس ايام خارج السعودية
• شابين ألف ريال اجازه اسبوعين إقتراحاتكم
• بتسافر بدون زوجتك اقرأ هذا الموضوع اولا
• اعصار يضرب سلطنة عمان
• مجمع الاديان في مصر أبرز المزرات السياحية
• فيدوني بنصايحكم ضروري واللي يعافيكم
• مساعدتكم
• هل من الممكن ان تسافر الطائرة الدولية لرحلات داخلية ؟؟؟؟

اندونيسيا وبس
هذا ما استطيع افادتك به
وهذه الروابط خاصه باخونا خبير بالي (نجم الكويت)
بارك الله فيه




http://www.arabtravelersforum.com/travel381658/

http://www.arabtravelersforum.com/travel359179/

http://www.arabtravelersforum.com/travel326680/

http://www.arabtravelersforum.com/travel347957/

http://www.arabtravelersforum.com/travel293712/

شكرا لك.. طيب المالديف وش رايكم فيهاا ..!!

اندونيسيا حلوه جدا ورخيييييييصه

ممكن تركيا لمدة أسبوع

اندونيسيا حلوه جدا

روحي تركيا

طيب لو بروح انا وزوجي اسبوع لفرنسا مناسبه وكم الميزانيه من وجهة نظرك؟بماانك زرتيها قريب

تركيا بارده وثلوج

احس تركياااااااا تناسبكم

المالديف غاليه ورطبه ومافيها نشاطات كثيييره يعني ماليزيا اونسسسسسسسس

ابي اقول بعض الاعضاء الي حاب يسال عن فرنسا فلبوابه الفرنسيه مفتوحه روحو واسالو اهناك

لان صاحبة الموضوع تبي من يفيدها واسالتكم هنا مب في مكانها الصحيح

وارجع لصاحبة الموضوع

المالديف يا عزيزتي مب وقتها لان المالديف موسمها من شهر نوفمبر الى شهر ابريل وغير كذا لا اتروحين لان تكثر فيها الرياح والامواج لهشي لا اتروحين الا مابين الفترة الي قلتها لج

والمالديف غالية والسبب لسعار الفنادقو المنتجعات الغالية ممكن اتحصلين عروض وممكن تتظبط بس بشكل عام بتكلفكم اكثر من الميزانية الي حطيتيها

واهم شي ان المالديف مافيها نشاطات لان كل فندق في جزيرة يعني انتو بتكونون بلفندق طول الوقت او جدام البحر تصلح لرومنسيه والهدوء كم يوم بس اكثر من هشي ما انصحكم ابدا

لهشي اتمنى انج تلغينها ومثل ماقلت لانها غالية ولان مو وقتها ولقلة انشطتها

بنسبة لي انصحج تطلعين على ميونخ وزلامسي وفينا مدة 8 ايام وممكن الميزانية تكفي

او اطلعي على اسبانيا مدة اسبوع وهي مب غالية وايد

او روحي بيروت او سنغافورة او هونغ كونغ كلهم حلوين