بالنسبه للحمل

انا سافرت للرياض والمسافه اقل من ساعه ...بطريق الذهاب عادي لكن العوده حسيت بنزول الطياره وكان خفيف مايخوف ومعها حسيت بثقل ببطني ويالله يالله نزلت من الطياره وتعبت مره ولما طلعنا من المطار ورحنا للطبيبه قالت الجنين نازل والمشيمه نزلت تحت الجنين واحتمال ولاده مبكره وهات يامثبتات ونوم على الظهر وتعب والحمد لله يالله وصلت التاسع


بالنسبه للاطفال (المال والبنون زينه الحياة الدنيا )
كيف نتركهم بالسفر وهم زينتا بالحياة ....هذا اولا
ثانيا ..الردود تتكلم عن رأي الكبار فقط ...وين رأي الاطفال...يفرحون مرره بالسفر
اذا كان قصدكم يتعبونكم فهم الله يخليهم لنا ويحفظهم متعبيننا حتى لو تزوجوا فالوالدين منشغل بالهم بعيالهم

ومايناسب الفطره ان الاطفال بجوار امهم ....وفعلا هذي حسيت فبها لما اكون باجازه وعيالي حولي فانا استمتع مع اني اتعب...وهم ايضا يستمتعون ....فليش اتركهم بالسفر وهم مصدر الراحه الطبيعيه لي...هل لانهم مايقدرون يعبرون ويقولون لاتتركوننا ؟!؟!؟!؟

ثالثا ..في السفر سبع فوائد ..سواء كان طفل رضيع او يمشي او اكبر فكلهم يستفيدون من السفر وتلاحظونها بتصرفاتهم بعد السفر ...ويتعلمون اشياء كثيره بتريحكم بالتربية
اكيد بتقولون الي بالشهر الثاني مثلا وش يستفيد ....يكفيه كثرة الانوار واللمبات الي تسعده وتفرح قلبه الصغير



اخذهم واتعب ولا اتركهم واشوف نظرات العتاب بعيونهم اول ماارجع لبيتي ...او نظرات الخوف مني ونسياني اذا كان اصغر من سته شهور


يالله ان تحفظهم وتخليهم لنا

مواضيع عشوائيه ممكن تكون تعجبك اخترناها لك: