بصراحة موضوع مميز ومهم .. وأهميته في كسب التجارب بين الأعضاء ..
وعلى فكرة أنا ما قريت كل الردود .. قريت في الأول 3 والأخير 3 .. عشان كذا إذا كان ردي مكرر اسمحوا لي ..
طيب أنا بأقول لكم الحين الكلام من واقع تجربة وفهم نفسي تكفى !!
بالنسبة للي ما عنده خيار في تركهم .. يعني ما عنده مكان يحط أطفاله فيه أو ما يقدر أو ظروفه ما تسمح أو ما يطاوعه قلبه وقلب زوجته مثلي
فأنا أقول توكلوا على الله وخذوا أطفالكم مهما كان عمارهم .. واستمتعوا بالرحلة .. وأظهروا الاستمتاع وأقنعوا أنفسكم .. صدقوني مهما كان التعب رح تكون ذكريات حلوة ..
طيب .. بالنسبة للحبايب اللي عندهم إمكانية لوضع الأطفال .. ونفسيتهم تسمح بهذا .. ولازم الطرفين على فكرة يكونوا كذا .. مو تسافر الزوجة يغصبها زوجها وقلبها معلق .. لا .. انتبهوا هذا ما يصلح ويفسد جو الرحلة ..
هذولي نقول لهم إذا كان الطفل لا يعقل الرحلة فأنا أفضل وبقوة أن يكون في مكان آمن في بلده لأنه لن يحس ولن يستمتع ولن يحزن لسفركم وبقاؤه أأمن بإذن الله على الأقل من الأمراض وتغير الجو وإزعاجكم النفسي .. وتخريب جو الرحلة ..
إذا الأطفال كبار .. يعني من 5 وفوق .. يشيل عمره ويعرف ويتمشى وينبسط .. فهذا أشوفه زينة الدنيا .. وملح الرحلة .. بالعكس السفرة كلها عشانه .. يا لبى قلوبهم تحمس !!

مواضيع عشوائيه ممكن تكون تعجبك اخترناها لك: