شكرا أخويه سندي محضار ع الدعوه ، ويسعدني أشارك وياكم

بالنسبه لي أهم شي عندي أني أسافر ومهما كان عمر عيالي ..

بدون شك السفر بدونهم وايد مريح ، ولكن لأنهم عيالنا ونموت فيهم ونفرح باللي يفرحهم

فدايما في كل سفره فيها عيالي يكون مخطط الرحله 80 % تكون الاماكن الهم ولمتعتهم

لما كانوا عيالي صغار دايما معانا العربه ، واشيل كل احتياجاته من حليب وبامبرز وكل الضروريات

حتى لومتأكده اني بحصل البامبرز مثلا لازم آخذه واكون مستعده ..

أذكر لما كانوا صغار كنت دايما أختار الرحلات الليليه ، ويوم السفر أصحيهم بدري

ومن نركب الطياره يرقدون ، هاي الخطه وايد ريحتني قبل ..

اذا طفلي اصغر من سنه وانا مسافره بلاد أوروبيه ، كنت أحب أشتري اطعمة الاطفال المحفوظه

وأجرب الانواع اللي يحبها طفلي ، وابتدي اعطيه وجباته منها بالاضافه للحليب ..

وانا أقصد بالأكل الجاهز هو اللي مهروس ومنه فواكه ومنه خضار ، والاجانب وايد يهتمون

في أغذية الأطفال عشان جذي أطعمهم منه وانامتطمنه ..

لما كان عندي طفل كنا بروحنا نسافر ، ومن صار عندي طفلين سافرت مره بدون شغاله

وتعبت وايد ومن يومها والشغاله دايما ويايه ..

الحين الحمدالله افتكيت من العربانه والبامبرز والحليب وكل شي مال الصغار

لأنه عيالي الله يحفظهم كبروا واصغرهم عمره 6 سنوات ...

وتحياتي للجميع