الموضوع: ألمانيا النمسا سويسر استفسار ضروري الله يرضى عليكم

السلام عليكم ورحمة الله وبركاته ..

مساكم الله بالخير يا حلوين .. وإن شاء الله أموركم تمام التمـام ..

يا غوالي أرجوكم عندي كم سؤال أتمنى إني ألقى الجواب الشافي لهــا ..

أول أنا مسافر أوروبا في هذا الصيف أنا وزوجتي إن شاء الله لقضاء شهر العسل ..

والدول اللي اخترتها .. هي 3 دول .. وقصيت تذكرتها خلاص ..

الذهاب من جدة - فرانكفورت .. والعودة .. جنيف - جدة

ومسافر بالضبط .. يوم 16 يوليو .. والعودة في 5 أغسطس ..

يعني مدة السّفرية تقريبا .. 20 يوم بالتمام والكمال ..

وبعد نصحني الكثيرين اني استأجر سيارة .. والحمد لله استأجرت bmw من مطار فرانكفورت استلمها فور الوصول .. عشان أرتاح من هم الشنط .. وعشان آخذ راحتي في التمشية .. وما أشيل هم مواعيد الباصات والميترو والقطارات والزحمة هذه ..

السؤال اللي أبي إجابته هنا ..

الحين خط الرحلة .. انا مخليه كالتالي ..

فرانكفورت - ميونيخ - ( قرية ويلجرين اللي على الحدود الألمانية النمساوية ) - زيلامسي - سالزبورج - فيينا - أنترلاكن - جينيف


طبعا السيارة استلمها من فرانكفورت .. والمدن اللي بعدها هذه كلها راح أسافر لها بالسيارة .. واسلم السيارة في مطار جنيف ..

المشكلة .. انه عمي خبير في السفر .. وقالي لازم تلغي فيينا من الخطة .. لأنها مشوار وبعيدة عن أنترلاكن .. حول 900 أو 800 كيلو .. يعني راح ياخذ السفر منك نهار كاااامل ..

ويقترح اني اسافر مباشرة من سالزبورج لأنترلاكن !!!

وزملائي اللي راحوا النمسا .. يقولون والله انك منت بصاحي .. تسافر النمسا .. وما تزور فيينا ..

لازم تزورها .. تستاهل التعب ..

فأبي نصايحكم ..

والأهم من هذا كله !!!

هل المدة كافية ..

الـ 20 يوم .. كيف تقسموها على المدن اللي أنا راح أزاروها .. يعني كم يوم تستاهل كل مدينة ..

واحسبوا حساب انه في يومين ضايعة في السفر .. لا تنسون

تكفون لا تبخلون علي ..

وأواعدكم وعد حر .. لو الله أعطاني العمر ..

بأعطيكم تقرير .. ما تحلمون فيه أبد ..

مواضيع عشوائيه ممكن تكون تعجبك اخترناها لك:

• حجوزات الخطوط القطرية فاقت التوقعات في الرحلات اليومية إلى طوكيو
• ياشباب وين احصل العروض الزينة
• مواقع التراث العالمي حول العالم
• سفره في شهر سبتمبر
• استفسار عن موقع ياأهل الخبرة
• ما كملت 21 سنة و بطع ب تصريح السفر الي ماليزيا وتركيا
• صربيا للي يعرفها
• آخر مره اطلبكم للمساعده لانها اخر مرحله ساعدوووني
• مسافر في شهر هـ
• موضوع خطيييير صور معلومات أفضل المتنزهات الترفيهية في قارة آسيا
• مواصلات العلوي
• هل يداوم صرافين البطحا غدا الجمعة
• في عام المرأة.. رحلتان لـ ''مصر للطيران'' بطاقم نسائي فقط
• مساعده في يوم شهر عسل
• اريد مساعده لو تكرمتو ؟؟
• «موبايلي» تخفِّض أسعار المكالمات الصادرة أثناء التجوال في دول الخليج
• حدي متورط احد صار له مثلي
• هل الحجز غالي في العيد الي تركيا
• الإمارات توقع اتفاقية أجواء مفتوحة مع البوسنة
• كرت حساب الاميال

بالبداايه مبروك مقدماا ..والله يوفقكم ياارب ..
ليه ماتغير وجهتك وتزور فرنساا ..بدال سويسرا ؟؟
http://www.arabtravelersforum.com/travel420995/

ولك الخياار ..
http://www.arabtravelersforum.com/travel374526/

ــــــــــــــــــــــــــــــــــــــــــــــــــ ـــــــــــــــــــــــــــــــــــــ

بما انكم معاريس فرفرو على كيفكم

http://www.arabtravelersforum.com/travel334756/


http://www.arabtravelersforum.com/travel319329/

http://www.arabtravelersforum.com/travel137575-4/

تقبل مروري المتواضع .. وجهدي البسيط ..

الف مبروك اخوي
وان شاء الله تكون بداية حياة سعيدة

اخوي هل سبق رحت اوروبا؟

بصراحه انا وانا اقراء خط الرحلة تروعت وانا عزوبي زملت لسفرتكم من طولها فما بالك بمعاريس يعني مرهق بصراحه
خصوصا الوصلة من فينا الى انترلاكن هذي طويلة بصراحة
وفعلا مثل ماقال عمك وجود فيينا وجنيف بنفس الوقت يبي يخلي الرحلة طويلة زيادة عن اللزوم وتصير سفرتكم كلها مسك خطوط

صحيح طرقهم جميلة يالله من فضلك وتفتح النفس بس ياخوي بالنهاية انت الي تبي تسوق ماظنتي رايح لاوروبا شهر عسل علشان تمسك الدركسون كل الرحلة!

عموما لو ملزم تروح للدول هذي كلها على الاقل خل الوصول الى فينا بحيث تقلل من المسافة
اما الوصول الى فرانكفورت ثم الاتجاه جنوبا الى ميونخ ثم سالزبرغ شرقا ثم زيلامسي جنوبا ثم فينا شمالا
ثمر الرجوووع بعيدا مرة اخرى غربا الى انترلاكن السويسرية ثم غربا الى جنيف احسه متعب

طبعا علشلان اخلي الموضوع واضح بالنسبة لك ودقيق
حسبت المسافة ((بالضبط)) عن طريق google maps طلعت المسافة 2160 كم من فرانكفورت وحتى جنيف
حسب ماهو موضع بالصورة تحت وطبعا النقاط A ,B ,C ...الخ هذي المدن الي تبي تمرها





بخصوص مدة الرحلة وتوزيعها انا شخصيا مريت كل المدن الي ذكرت باستثناء فيينا
ولكن خذ ببالك زلامسي وانترلاكن بلدات صغيرة مره ولكنها اية بالجمال وحباها الله بمناظر خيالية
ولكن الساعة 8 المساء كل شي مسكر وعدد سكانها قليل
ما اعرف عن جو وظروف شهر العسل ولكن حقيقة رحنا لها شباب 3 ايام وطفشنا!
المدن الكبيرة احس ((من منظور شخصي)) يستحق يخصص لها مدة اطول

هناك رأي اخر يقول ان شهر العسل افضل يكون بمدن صغيرة وهادية او جزر مثلا- وهذا يرجع بالنهاية لكم -
المدن الكبيرة فيينا وطبعا لاشك انها تستحق الزيارة مع الاخذ بالاعتبار بعدها
وميونخ وجنيف
شخصيا ارى ان يخصص لجنيف 5 ايام وفيينا 4 ايام وميونخ 3 ايام وفرانكفورت-عند الوصول - يوم واحد
ويومين سالزبورغ- ان امكن تلغيها وتوزع ايامها على زيلامسي وميونخ ارى شخصيا انه افضل-
و 3 ايام زيلامسي
ويومين انترلاكن

مع الاخذ بالاعتبار ان جزء كبير من هذه الايام يبي يروح بالسفر

تحياتي لك