الف مبروك اخوي
وان شاء الله تكون بداية حياة سعيدة

اخوي هل سبق رحت اوروبا؟

بصراحه انا وانا اقراء خط الرحلة تروعت وانا عزوبي زملت لسفرتكم من طولها فما بالك بمعاريس يعني مرهق بصراحه
خصوصا الوصلة من فينا الى انترلاكن هذي طويلة بصراحة
وفعلا مثل ماقال عمك وجود فيينا وجنيف بنفس الوقت يبي يخلي الرحلة طويلة زيادة عن اللزوم وتصير سفرتكم كلها مسك خطوط

صحيح طرقهم جميلة يالله من فضلك وتفتح النفس بس ياخوي بالنهاية انت الي تبي تسوق ماظنتي رايح لاوروبا شهر عسل علشان تمسك الدركسون كل الرحلة!

عموما لو ملزم تروح للدول هذي كلها على الاقل خل الوصول الى فينا بحيث تقلل من المسافة
اما الوصول الى فرانكفورت ثم الاتجاه جنوبا الى ميونخ ثم سالزبرغ شرقا ثم زيلامسي جنوبا ثم فينا شمالا
ثمر الرجوووع بعيدا مرة اخرى غربا الى انترلاكن السويسرية ثم غربا الى جنيف احسه متعب

طبعا علشلان اخلي الموضوع واضح بالنسبة لك ودقيق
حسبت المسافة ((بالضبط)) عن طريق google maps طلعت المسافة 2160 كم من فرانكفورت وحتى جنيف
حسب ماهو موضع بالصورة تحت وطبعا النقاط A ,B ,C ...الخ هذي المدن الي تبي تمرها





بخصوص مدة الرحلة وتوزيعها انا شخصيا مريت كل المدن الي ذكرت باستثناء فيينا
ولكن خذ ببالك زلامسي وانترلاكن بلدات صغيرة مره ولكنها اية بالجمال وحباها الله بمناظر خيالية
ولكن الساعة 8 المساء كل شي مسكر وعدد سكانها قليل
ما اعرف عن جو وظروف شهر العسل ولكن حقيقة رحنا لها شباب 3 ايام وطفشنا!
المدن الكبيرة احس ((من منظور شخصي)) يستحق يخصص لها مدة اطول

هناك رأي اخر يقول ان شهر العسل افضل يكون بمدن صغيرة وهادية او جزر مثلا- وهذا يرجع بالنهاية لكم -
المدن الكبيرة فيينا وطبعا لاشك انها تستحق الزيارة مع الاخذ بالاعتبار بعدها
وميونخ وجنيف
شخصيا ارى ان يخصص لجنيف 5 ايام وفيينا 4 ايام وميونخ 3 ايام وفرانكفورت-عند الوصول - يوم واحد
ويومين سالزبورغ- ان امكن تلغيها وتوزع ايامها على زيلامسي وميونخ ارى شخصيا انه افضل-
و 3 ايام زيلامسي
ويومين انترلاكن

مع الاخذ بالاعتبار ان جزء كبير من هذه الايام يبي يروح بالسفر

تحياتي لك