رايح لاوربا وين افضل طيران الاماراتية والا القطرية

**ahmedali** · 01-11-2015, 10:22 PM

مرحبا يا اخوان
كيفكم
انا طالع من الكويت لى ميونخ
ومحتار بي طيران الاماراتية والا القطرية ؟؟

ين افضل براي من جرب

ولكم جزيل الشكر

مواضيع عشوائيه ممكن تكون تعجبك اخترناها لك:

**ahmed3** · 01-11-2015, 10:22 PM

اكيد القطرية افضل

بس للامانه كلهم حلوين بس اهم شي عندك السعر والترانزيت يعني لو اترانزيت الاماراتية اطول وسعرها اغلى بقولك القطرية والعكس

وكلهم على مستوا عاااااااااالي

وانتمنالك سفره سعيدة

**alifun** · 01-11-2015, 10:22 PM

الاماراتيه
وحتى لو كان الترانزيت طويل مطار دبي مافي حد يمل فيه
انترنت مجانا ومطاعم ومحلات .. الخ

**ahmed1** · 01-11-2015, 10:22 PM

الاماراتيه طبعا

**ahmedgaper** · 01-11-2015, 10:22 PM

الاماراتيه افخم و احسن .. و يكفي المطار اللي يجنن و يونس حتى لو طال الترانزيت

**alifun** · 01-11-2015, 10:22 PM

اخوي موب حنا الي نحدد...انت بالضبط تحدد بنفسك
فيه مثلث (الخدمة/السعر/الوقت) انت تحدد اي اضلاعه اهم بالنسبة لك
اذا الوقت اذا خذ الاسرع
اذا السعر فالارخص هو اختيارك
اذا تبي الجودة دور على الي يخدمك باي سعر
اذا تبي كمبنيشن بينهن انا اقولك نوع الطياره هو الي يحدد لان مستوى الخدمة يحتلف كثير بين طياره والثانية بكل شركة
وعلى اساسه اختار انت االشركة الي تقدم لك خدمة متميزة وسعر افضل بوقت مناسب
عموما الشركتين متقاربتين ولكن هناك اختلاف بين طياره واخرى يحدده وقت سفرك وتاريخه

تحياتي

**alifun** · 01-11-2015, 10:22 PM

اخوي الخدمة تقريبا نفسها. بالنسبة لي دايما اسافر عالقطرية بسبب قصر مدة الترانزيت وهذا مهم جدا بالنسبة لي. ومشكلة الاماراتية الترانزيت طويل عادي 4 و 5و6 ساعات.صراحة تهلكة اما القطرية فأذا كثرت 3 ساعات ونص تقريبا في اغلب رحلاتي معاها ولحد يقولك مطار دبي ومطار دبي. عرفنا وفهمنا ان المطار حلو بس الواحد يبي يوصل بهالخمس او 6 ساعات اللي بيقعد فيها بمطار ليش يضيع وقته وعمره بمطار الا اذا بيخصصون لك غرفة مجانية بالمطار فهذا امر اخر. لاتضيع وقتك واشتر راحتك سواء الاماراتية او القطرية الخدمة وحدة..والطيارات تقريبا نفس الشي للرحلة هذي. اشتر راحتك بأقل ترانزيت نصيحة.
بالنسبة لميونخ عالقطرية.. بالروحة ترانزيت ساعتين تقريبا وبالرده ساعة ترانزيت اما الاماراتية نفس القطرية ولكن مثل ماقلت يعيب طيران الامارات الترانزيت الطوييييييييييييييييييل. وبالتوفيق.