الموضوع: استراليا او اوروبا

السلام عليكم
انا ناوي اسافر ان شاء الله بس محتار جدا
السفر بإذن الله في سبتمبر
فكرت في استراليا وودي اسافر لها راح تكون ربيع
واخاف ما تعجبني..؟؟
وكمان فكرت في المانيا (بادن بادن)..؟؟
انا نفسي في مكان مريح يعني مافيني للسفربين المدن بمسافات طويله
او جزيرة بالي وماليزيا..؟؟
(لفيت العالم وانا مكاني)
اذا فيه جزر استراليا منتجعات فيها خصوصيه وماتكون بعيده او في احد مدنها
قلت ممكن اتوقف في سنغافوره ...
اللي سافروا اوروبا واستراليا احتاج رايكم
اعطوني ارائكم

مواضيع عشوائيه ممكن تكون تعجبك اخترناها لك:

• وجهة للسفر مع العائلة نوفمبر
• فئات التذاكر يا خبراء و موظفي الخطوط
• طيران ناس لكل الناس دقة في المواعيد وفي الأخير الوصول بعد ساعة
• استفسار
• حان الوقـت يا صديقـي لـ تحظى بـ ترحيـب حـار
• بعض النصائح والأرشادات لترتيب وتجهيز رحلتك
• كيف تختار الهدايا التذكارية من البلد الذي تسافر إليه
• سياحة في ديسمبر محتار في دولة؟ ممكن مساعده يا شباب
• اريد شهر العسل خارج السعودية ومعي 50 الف ريال
• محتار وابي مساعدة
• استفسار
• السفر من ميونخ إلى زيورخ
• ابي رايكم في السياحه في صلاله
• استفسار عن تاجير السيارات باوروبا
• إلي عنده خبرة عن بطاقة ضيف الاتحاد وكيف نستفيد من الاميال
• هل الجوازات تداوم الاسبوع القادم ؟
• باختصار هل موقع ترافل جيغسو مضمون ؟
• هل جربت السفر للخارج في شهر رمضان ؟
• يهمني رأي الجميع بدون تحديد
• ابي رايكم بافضل ثلاث مدن اوربيه

استراليا ( متعه , مغامرات , طفوله )
اوروبا ( طبيعه , هدوء , استرخاء , جنة الله في اراضيها )
هذا رأي الشخصي والبحت ..

حبيت انوه عليك ان استراليا عكسنا بالفصول حاليا هم في بدايه شهر
الشتاء الى اخر 8 وبدايه 9 .. وبعدها الربيع جوهم لطيف بس عيب شمسهم تحرق عكس شمسنا وبردهم جميل عكس بردنا اللي يدخل بالعظام
استراليا اذا ودك تشوف طبيعتها شف طبيعتها في صحراءهم طبعا مش نفس صحراءنا وبرنا لا هم ارقى ههههه جد والله.. ما اعتقد
راح تلقى جو اوروبا فيها ولا طبيعه اوروبا الخضرا .. الا في نيوزلندا

انت مش محب للسفرات البعيده خذلك ترانزيت على الماليزيه في ماليزيا
وانت رايح وانت راجع .... تريح لك كم يوم

منتجعات استراليا دون المستوى .. منتجعات شرق اسيا احلى منتجعات
في العالم

احلى مدن في استراليا
سيدني - المدينه العصريه والاقتصاديه
ملبورن - المدينة الدراسية هاديه لكن تستحق الزياره خاصه وقت الشتاء عشان رحلة الثلج
قولد كوست - مدينة الاحلام والطفولة .. مشهوره برحلاتها الكثيره ومغامراتها وحدائقها الواحد يرجع طفل فيها

انت شكلك رايح شهر عسل .. وتبي منتجعات وطبيعه وراحه
الوجهة الامثل لك هي شرق اسيا تجمع بينا 3 اشياء

بادن بادن مافيها منتجعات ولا استراليا فيها المنتجعات اللي تستاهل

شكرا لك Deem
انا فكرت اتوقف في سنغافوره كم يوم بس انا ابغى طيران الامارات
رحلتي مو شهر عسل بس اجازه وراحه من العمل..
ياليت اللي عنده كمان رأي يفيدني

اخوي بو ثامر اساسا الامارات ماتوقف لرحلات استراليا الا في بانكوك
وسنغافوره
اذا كنت رايح للسيدني كوجهة اولى راح عندك خيارين
رحله مباشره 14 ساعه أو ترانزيت في بانكوك
اذا كنت رايح لملبورن او بررزبن
رحله مباشره أو راح توقف ترانزيت في سنغافوره ..

الاخ ابو ثامر
استراليا مارحت لها ممكن الاخوان يفيدونك
اوروبا مناسبه ولا تنسى الارياف والتنقل بالسياره افضل وهذا الغلط الي فاتنا الصيف الماضي
اذا انت من محبي الارياف تنقل بالقرى بينهم وناسه
ماليزيا تعجني وخصوصا الجزر مثل بيننانغ
انت حدد الوجهه وربي معاك

استراليا وانت مغمض اكيد مافي اي مقارنه

فنادق استراليا ارقى بوايييييييد واحلى من اوربا وجوها احلى وطبيعتها احلى بوايد وانا رايح للثنين واقولك استراليا اكيد

واي استفسار عن استراليا انا موجود والاماراتية اتروح اترانزيت بانكوك او سنغافورة او هونغ كونغ وممكن اتروح رحلات مباشره من دبي

واستراليا ارخص من اوربا وجوهم وايد حلووووو

ليدي بيرد-وفاء-حلو ومدلع
اشكركم على رايكم
اللحين الاماراتيه اذا بروح سيدني مافيها توقف سنغافوره فيها بانكوك
وانا ابغى سنغافوره في على ملبورن واوكلاند نيوزلندا
اخوي حلو ومدلع اذا ممكن تقولي اهم المدن اذا بروح
واذا عندك فكره عن منتجعات فخمه ممكن الغي سنغافوره وتكون كم يوم في منتجع للراحه
وشاكر ومقدر لك انتظرت ردك لان انت رحت اوروبا واسيا واستراليا فمهم رايك بالنسبه لي..

المشاركة الأصلية كتبت بواسطة abu thamer
http://www.arabtravelersforum.com/tr...6/#post3911556

ليدي بيرد-وفاء-حلو ومدلع
اشكركم على رايكم
اللحين الاماراتيه اذا بروح سيدني مافيها توقف سنغافوره فيها بانكوك
وانا ابغى سنغافوره في على ملبورن واوكلاند نيوزلندا
اخوي حلو ومدلع اذا ممكن تقولي اهم المدن اذا بروح
واذا عندك فكره عن منتجعات فخمه ممكن الغي سنغافوره وتكون كم يوم في منتجع للراحه
وشاكر ومقدر لك انتظرت ردك لان انت رحت اوروبا واسيا واستراليا فمهم رايك بالنسبه لي..



اذا بتروح سيدني الترانزيت وفي الروحه والرجعه بيكون بانكوك
اما اذا نويت تروح ملبورن او برسبن راح توقف في سنغافوره ..

اهم المدن في استراليا قولد كوست - سيدني - ملبورن ( حسب الاهميه)
ملبورن احلى مافيها رحله الثلج اذا كنت تبي تروح وتشوف الثلج الرحلات
من نص 6 الى اخر شهر 8 ..

اممم صراحة انا حسب معلوماتي المتواضعه منتجعات في استراليا او في هالمدن ماعندي علم وما اعتقد راح يكونون فخم مثل فنادق شرق اسيا

انا ان شاء الله 6-28 بكون في قولد كوست هي وجهتنا للمره الثانيه في استراليا فقط ..

اذا حاب تجمع بين نيوزلندا و استراليا وعلى الطيران الاماراتي
سنغافوره -قولد كوست - سيدني - اوكلاند - ملبورن - سنغافوره
في نيوزلندا لو حاب تضيف مع اوكلاند كوينزلاند تستاهل العنوه والزياره

توزيع الايام راجع لك

مرحبا اخوي وانا اسف على التاخير بس لاني كنت مسافر وتوني راجع

مثل ماقلت لك استراليا احلى بوايد والاماراتية اتمر مثل ماقلت لك على بانكوك وسنغافورة وهونغ كونغ وانا رحلتي كانت في الروحه من الدوحه الى دبي وبعدها الى سنغافورة وقعدنا 4 ايام وفعلا هي تستاهل وبعدها رحنا على برسبن واستقبلتنا سياره ودتنا على غولدكوست وقعدنا اسبوعين وبعدها على ملبورن وقعدنا 5 ايام وبعدها على سدني وقعدنا 10 ايام وبعدها على بانكوك وقعدنا 5 ايام وبعدين دبي وبعدها الدوحه
المناطق الي اعجبتني وايد هم غولدكوست وسدني وسنغافورة
ملبورن حلوة وفيها رحلة الثلج جميله بس لو عندك مدة كاقيه لو ماعندك انا اقلك الغيها وبانكوك نفس الشي على حسب المدة ولو في خيرات مثل ماليزيا او سنغافورة او هونغ كونغ انا افضلهم اكثر من بانكوك الا اذا بتروح للجزر

بس عزيزي في شغلات ابي اعرفهم منك يعني عدد الافراد واعمارهم والميزانية وعدد الايام وتاريخ السفره لان كلهم اشياء مهما
بنسبه لاوكلاند للامانه مارحت لها لهشي ماحب افتي في شي مارحت له
وبنسبة لمنتجعات في استراليا ففي وراح اسالك اكثر وهم في المناطق القريبه من غولدكوست
وممكن اتروح على بانكوك واتروحون بعدها على جزيرة بوكيت كم يوم وتستمتعون بلمنتجعات اهناك
وفي خطوط وايد تنقل على استراليا مثل القطرية والاماراتية والاتحاد والماليزية والتايلندية والسنغافورية والكوانزو والكاثي باسفيك وكلهم ظمن احسن 10 خطوط بلعالم ويستاهلون وعلى راسهم القطرية والاماراتية

وانتظر ردك على بعظ الاساله وانا موجود وبلخجمة ولو شفتني تاخرت اشوي ماعليك الا ترسلي رساله وان شاءالله ماطول عليك بارد

بعد اذن صاحب الموضوع ,,.بغيت اسال حلو ومدلع احنا ميزانيتنا اربع الاف دينار والوقت اول سبعه اثنين اكبار واثنين اصغار المده اسبوعين عشرايام في جولد كوست والباقي ماليزيا ,, خايفه من شي واحد هو المصرف في استراليا واحنا على فكره رحنالها 2006 بس هالمره معاي العيال ,,. انت اشرايك لاهنت ؟؟؟

اكيد اتكفي الميزانية واتزيد 4 الاف دينار يعني بلقطري قريب ال 53 الف واكيد بتكفيكم خصوصن ان انتو بس اسبوعين بس ليش ماتمرون على سدني اذا مارحتو لها فهي تستاهل لو 3 ايام
بس اختياراتكم حلوة وايد احجزو على الماليزية التذكره لشخص مابين ال 5 الاف الى 7 الاف ريال اما الاصغار اكيد اقل والسكن مابكلف وايد
تذاكركم وسكنكم مابتزيد عن ال 30 الف ريال وان كثرة 35 الف ريال والمصروف مب وايد لان ديرتهم مب غالية لو تصرفوون الف يال بليوم يعني 300 دولار استراليا بكلفكم 15 الف المصروف يعني الكل حوالي 45 الف الى 50 الف ريال وهي نفس ميزانيتكم بس بعد شيكو على كل الطيران لان الاتحاد تذاكرهم رخيصه والسنه الي طافت سوو عرض واييييييد حلو ورخيص ماتوصل التذكرة الا 4 الاف ريال يعني يا بلاش على استراليا
بس احجزو من بدري لان الحجوزات فلل علشان قرب شهر رمضان وخاصه بلعودة ماتحصلين مكان

واي استفسار انا بلخدمة

الله يعافيك ما قصرت ..,,

مرحبا
حلو ومدلع مشكور على تفاعلك مع المواضيع
احنا اثنين وطفل والميزانيه 25 الف ريال الى 30 مو مشكله
والايام 15 يوم

ممممممم ان شاءالله الميزانية راح تكفي
انا انصحك اتروح لغولد كوست وسدني بس وعن طريق طيران الاتحاد دايركت على استراليا لو ماتبي اتمر شرق اسيا

ولو تبي اتمر ممكن اتروح على الماليزية وتطلع 8 ايام غولد كوست و3 ايام سدني و4 ايام ماليزيا واتقسمهم يومين في الروحه ومثلهم في الرجعه

اسعار الفنادق والصرف حلوة ومابتخسرك وايد وارخص من اوربا بس حاول اتشوف اسعار التكت وان شاءالله اتحصلهم بسعر حلو

مشكور اخوي الله يعطيك العافيه

أستراليــا من أجمل الدول التي زرتها