الموضوع: طــيران الامـــارات والطيـــران التــايلندي

الـــســــــــــــــلام عليكم ورحمة اللـــه وبركــــــــاته..
،
،
بخــصــوص طيران الامـــــارات..

انشـــاء الله رايحين على طيران الامارات لتايلند ..

عدد الافراد : شخصين بالغين وطفل رضيع.

ســـؤالي :-

هل يجب ان نحجز سرير طفل رضيع قبل موعد الطيران؟

( علما انه كلمناهم وحجزنا تذاكر لشخصين كبار بس الطفل الرضيع قالو ماله تذاكر للسيت لانه بكون في Baby cott ، بس المشكلة انه قالو حجز سرير الطفل حسب اولية القدوم للطائرة)

هل هذا الكــلام صحيح؟ اخاف نتوهق اذا يا موعد السفر وما نحصل سرير للبيبي...

ووجبة الاطـــفال ؟ هل يجب حجزها قبل موعد السفر ام عند ركوب الطائرة نطلبها؟

ما هي كمية الاكل والسوائل المراد حملها في الطائرة للطفل؟

انا ابا اشل غرشتين اكل صغار قد قواطي الماي اللي صغار وايد.. و180 مل ماي..

ونفس الاســـئلة بالنسبة للطيـــران التايلندي ايضــا..

مواضيع عشوائيه ممكن تكون تعجبك اخترناها لك:

• هدايا من الحج
• خصومات على تذاكر الطيران
• استفسار بخصوص و تأكيد الحجز
• ممكن مساعدتكم وخبرتكم
• استفسار بخصوص موقع هل القانون لايحمي المغفلين ؟؟؟
• ساعـــــــــــــــــــدوني
• أستغلال دول عربية للسائح السعودي دون سواه
• أكملو لي فرحتي
• السفر
• ســـــــــــــــــــــــــــــــاعدوني في الاختيــــــــــــــــــــــــــار
• بخصوص أستخدام الكمبيوتر المحمول في الطائرة الخطوط السعوديه
• احتاج خطة سفر الى المانيا و هولندا و بلجيكا
• وين احصل المواقع المقارنه بالاسعار الخطوط ، الفنادق
• بالنسبه لاصدار التذكره من النت الخطوط السعوديه
• استفسار عن موقع الحجز هل هو مضمون م هل هناك من جربه؟
• شركه تسوق لبطاقات تخفيض سياحيه تدفع ريال رسوم والله يخلف عليك مجرب
• استفسار بسيط وارجوا الرد لو تكرمتوا
• أحد سمع عن نورث افريكا كلوب
• باروح تركيا الفزعة يالربع
• لقطت البارحة يورو وش أسوي فيهن ؟

مثل ماقال الاخ هناك كراسي معينه وهي في الامام لوضع السرير

واكل البيبي عادي تطلبه وانته في الطيارة من عند الموضيفين

وعن الاكل الي بتاخذونه عادي مسموح بس الماي غير مسموح

ورحلة سعيده

حبيت اوضح لك نقطه
اذا الرضيع عمره اكثر من اربع شهور ماراح يناسبه البيبي كوت لانه صغير جدا يعني للمواليد بس
وانا اللي فهمته ان الطفل اكبر من 6 شهور لانكم بتطلبون له اكل
والمقاعد اللي يتوفر فيها مكان لسرير الطفل هي المقاعد الاولى في الدرجه السياحيه
اتمنى اني افدتك

مشـــكوريـــن على المســـاعدة ...

دقيت على طيران الامــارات وقالولي ان المقاعد الاولى في الــ Blocking list وما تنعطى الا وقت ركوب الطــائرة...

بس الحمدلله بعد عدة محاولات معاهم...طبعا خايفة ما احصلة لان بنتي من النوع اللي ما يقعد مكان واحد ..وبعد الحنة والرنة عليهم حجزولي اياه.. ^_^

والطيران التايلندي ما حجزلي المقاعد بس قالولي ان احنا اول القــائمة يعني لنا الاولية يوم بنركب الطيارة..وحجزت وجبة اسلامية ...
وســـلامتكم

مثل ماقالو الاخوان بس اخوي انت حاجز على شركتين طيران بنفس الوقت ؟؟

وترا بعظ شركات الطيران عندهم خدمة حجز المقعد قبل السفر ب 36 ساعه

وبنسبة للماي بعظ المطارات تمنعك من دخول الماي او المواد السائلة بس ممكن تاخذ الماي من السوق الحر وهاي مسموح ادخله الطياره

هلا بالاخ حلو ومدلع...

بالنسبة لنا حاجزين طيرانين بالفعل ..لان طيران الامارات عتايلند ترانزيت ..والطيران التايلندي على اليابان انشــاء الله..

وفي الردة نفس الشي..

بعني عادي اشيل وياي ماي احين ولا لا...او وجبة اطفال اخاف ما يعيبها اكل الطيارة.. وعصير اطفال رضع بعد..؟

والوزن بالنسبة لطيران الامارات انا وريلي 30 كيلو بس البنوتة عليها وزن او لا؟

والطيران التايندي شو الاوزان مالتهم؟

والسموحة على كثرة الاسئلة..

الماي لا تاخذين معاج لان اكيد متوفر بالطيارة وتقدرين تطلبينه من المضيفة عادي بارد او ساخن..........لان حتى لو تشترين من السوق الحرة ما راح يدخلونه الطيارة واكل البيبي اخذي البودر او البسكويت اللي تقدرين تضيفين له الماء....وبعدين اخذي شي للطفلة حق ضغط الطيارة لانها ما راح تقاوم وتظل تبكي ...او راح تنام تشوفينها فجاة نامت ههههههه اذكر انا بنتي يوم صغيرة بس اقلعت الطيارة وقبل ما تتعدل بالجو الا وهي نايمة ....وما قعدت الا قريب نوصل بس كان درب بو ساعتين ونص ولحد اليوم كل ما تركب الطيارة تدوخ بتنام ههههههه اما الولد اللي كان اصغر منها كان يتاذى ومن النوع اللي ما يصبر طول الرحلة يبكي بس عطيناه المصاصة شوي ارتاح ...ولحد يومك لما نسافر تلاقينه بس يفتح حلجه ويسكره هههههههعلشان يخفف الضغط مع اكل الحلويات الله يعينه............انا العام حسيت بالم في اذني من الكويت للامارات فاشتريت قطرة فيها سائل غليظ علشان يخفف الضغط لان وراي تكملة الرحلة لباريس فقطرت في اذني والحمدلله ما رجع الالم ......الله المستعان انصحك حاولي تخلين البنت سهرانة ومو شبعانه نوم علشان تنام بالطيارة

مشكـــورة اختي فابيوليس على النصيحة.. والله يخلي لج عيالج ويحفظهم ^_^

بخصوص الماي ماراح اشل وياي غير الباودر..اما اكل بشل لي غرشة وحدة على الاقل احتياط..لاني طلبت لها وجبة اطفال..

والله يسهــل لنا سفرتنا..

اختي بلعكس من قال ان الماي الي من السوق الحر مايدخلونه معظم المطارات الي سافرت فيها كنت اشتري اكل وماي وعطورات من السوق الحر وتدخل الطياره عادي منها مطار هيثرو ومطار سدني ومطار بانكوك ومطار سنغافورة ومطار ماليزيا وغيرها من المطارات سوان الاوربية او الاسيوية والعربيه بعد
بنسبة لاكل الاطفال يبي وياج شي يثبت انه اكل اطفال اورقة مثلا من الصيدلية وخليها وياج احتياط

وحتى بطياره المضيفات بيوبون لج الماي سوان حار ولا بارد ويبي وياج بسكوت اطفال واكل اطفال ولاكن يكون صلب احتياط يمكن يمنعون دخول البودره لطياره الا معاج اكل ثاني احتياط