بخصوص الترانزيت والعفش؟؟

**ahmed2** · 01-11-2015, 09:08 PM

السلام عليكم ورحمة الله

أسعد الله صباحكمـ/ـمسائكم بــــكل خـــيـــر
كيف حالكم انشاالله طيبين
ياجماعة الخير عندي سؤال محيرني وبحثت وماحصلت الإجابه الصحيحه
اللي هو موضوع ((الترانزيت))
السؤال //////الترانزيت أي كانت مدته سواء ساعه وحده او يوم كامل او يومين
وفي أي خطوط كانت حلوو
بخصوص العفش في الترانزيت هل العفش ينزل في بلد التوقف وارجع اشحنه مره اخرى ولا يستمر إلى أخر محطه وايضاً البوردينج لازم اقص ثاني؟؟؟؟؟؟
انا بإذن الواحد الاحد طالع لماليزيا طبعاً غير الخطوط السعوديه يعني ترانزيت واول مره اجرب الترانزيت فياليت من الأخوه الكرام يفيدونا بالإجابه المعتمده,,

ولكم جزيل الشكر
اخـــوكـــم
Departures

مواضيع عشوائيه ممكن تكون تعجبك اخترناها لك:

**ahmedali** · 01-11-2015, 09:09 PM

مرحبا عزيزي وياغالي والطلب رخيص

بنسبة لشنط فلا ماتنزل في الترانيزت وتستلمها في اخر محطة لك برحلة

اما مسالة البوردنق كارد فهناك نوعين

النوع الاول انهم في اول محطة لك واول مادخل شنطك على طول يعطونك التكت والبوردن قارد يعني من السعودية مثلا الى دبي ومن دبي الى ماليزيا

والنوع الثاني يكون لا يعطونك بس البوردنق مثلا من السعودية الى دبي وبعدها اول ماتوصل اهناك اتروح انت الى مكتب تحويل الرحلات

بس الاغلبية يكون الطريقة الاولى لان اخر سفرات لي كانو يعطوني البوردنق كارد من البداية لكل رحلاتي

وشكلهم بطلو الطريقه الثانية بس انا قلت اقولك احتياط

وعلى فكرة الترانزيت جدا سهل وممتع ويحسسك انك فعلا مسافر

واي استفسار انا بلخدمة

**ahmed2** · 01-11-2015, 09:09 PM

وين باقي الأخوان منتظرين تجاربكم

بإنتظاركم ,,,,,,

**alifun** · 01-11-2015, 09:09 PM

الطريقة الثانية اللي قلت يا أخ حلو و مدلع هي لا زالت ماشية
إذاكانت رحلتك االثانية على شركة طيران غير شركة الطيران على الرحلة الأولى , مثلاً : لمن سافرنا الصيف الماضي إلى استراليا
طلعنا من مطار الدوحة على القطرية إلى دبي و رحلتنا الثانية من دبي إلى استراليا على الخطوط الماليزية , فلمن وصلنا دبي رحنا لمكتب تحويل الرحلات و أخذنا البوردنج لرحلة استراليا , و ما رضو القطرية يعطونا بوردنج للخطوط الماليزية لما كنا انشيك في مطار الدوحة , و قالو لنا هذا نظام عالمي إذا اختلفت الشركة الناقلة , اما إذا كانت رحلتك على نفس الشركة الى اخر محطة لك فممكن
و الله أعلم

**ahmed2** · 01-11-2015, 09:09 PM

مرحبا اخوي الدرهم وهاي شي بديهي لان الشركة الناقله اختلفت لهشي ماراح تاخذون البوردنق كارد من البداية

ولاكن لو الشركة نفسها ممكن يعطونك كل البورنق كارد واحيانا لا يعني بصيف 2005 ماعطونا كل البوردنق كارد ورحنا لتحويل الرحلات ولاكن في اخر سفرات يعني في 2008 و2009 وا2010 تغير صارو يعطونا كل البوردنق من البداية لهشي اذا عطوك البوردنق كارد من البداية فخلاص لمى توصل مطار الترانزيت ماعليك الا انك اتروح للبوابه الي بتسافر عليها ويكون رقمها على البوردنق واحيانا اتغير لهشي انت اتاكد من الستعلامات بلمطار اما لو ماعطوك فتروح لمكتب تحويل الرحلات وهم بيعطونك البوردنق

واتمنالك رحلة سعيدة

**ahmedali** · 01-11-2015, 09:09 PM

شوف بسيطه تتاكد من اول مكان تشحن فيه عفشك وين راح ينزل ولا تطلع من الكونتر والا وانت شايف الليبل علي شنطك مكتوب عليه الوجه الاخيره للك
ولا تحتار ولا شي

**ahmed1** · 01-11-2015, 09:09 PM

الدرهم,,
حلو ومدلع,,
الفارس,,
بيض الله وجيهكم أنا أشهد انكم ماقصرتوا جزاكم الله خير وعسى الله يقدرنا ونرد جمايلكم

اخــــوكم
Departures