الموضوع: ماليزيا اندونيسيا سويسرا الغردقه والله محتااااااار

السلام عليكم

أسعد الله أوقاتكم بكل خير

أنا بصراحة محتار .. واخترت أعضاء هذا المنتدى الغالي علشان يساعدوني في إختيار وجهتي ..


زواجي يوم 29 جولاي .. وأنا مخطط على اني أسافر في 1/8 ..


بصراحة خبرتي في السفر محدوده .. علشان كذا أبغى أسافر دوله عاداتها قريبه من عادتنا .. وأيضاً أبغى زوجتي تأخذ راحتها من ناحية الحجاب .. وأنا أخذ راحتي في اني أصلي في أي مكان في البلد ..


ميزانيتي تقريباً من 20000 الى 35000 ..


أنا كنت أفكر في اني ازور جنوب افريقيا ولكن لغيت الفكره بسبب كأس العالم ..

أنا محتار بين ماليزيا + اندويسيا .. أو الغردقه في مصر

مواضيع عشوائيه ممكن تكون تعجبك اخترناها لك:

• هل الافضل السفر مع العائلة الكريمة او السفر مع الصاحب والصديق
• تنبيه على كلمة في
• تكفوووووون وين مكتب الخطوط القطرية بالرياض
• أرجو المساعده
• مسافر جديد
• بغيت مساعدة يا حبايبي
• بخصوص الــ ؟؟
• الفزعة يا خبراء
• مساعده في تنظيم السفره
• هل يمكن تغيير موعد الرحله الكترونيا ؟
• استفسار عن السفر الى تايلاند
• ترتيب الشنطة في السفر
• هل تغيير بطاقة الفيزا مسبقة الدفع يؤثر على حجوزات الفنادق في بوكينق؟
• مشكلة في الجواز
• استفساااار لشهر عسل في نوفمبر
• طيران فلاي دبي نصب واحتيال
• الجو في باريس اخر يناير والمواصلات باريس
• أيهما أفضل من ناحية المقاعد بوينج أو إير باص ؟؟
• خطوات التخطيط للسفر لأي دولة
• شهر عسل برنامج فى ماليزيا لمده 12 يوم 11 ليلة

ألف مبرووووك مقدمآ
الغردقة بلد صغير ويومين ثلاثة كثيرعليه مدينة صغيرة وبهذى الفترة الجو حار بالنهار وزرتها بهذى الفترة
كثير من يمدح أندونيسيا لكن مازرتها وهي ع البال
بس ماليزيا وجمال جزرها ومناطقها من الأماكن التي ارشحها
وننتظر ردود بقية الأعضاء ولك الإختيار مع تمنياتي لك بالتوفيق وزواج مبارك

النمسا .........

هلا اخوي حلو ومدلع ..

يعطيكـ العافية يالغالي ..

أنا ناوي أطلع 1/8 .. يعني قبل رمضان بـ 10 ايام .. وان شا الله راجع على بداية رمضان ..

يعني خلال الثلاثة الأيام الأولى ..

استراليا فكرت فيها .. وايضاً فكرت اني اروح كراست شيرس .. ولكن نظراً لبعد المسافة غيرت رأيي ..

حرام أضيع يوم كامل في السفر .. وانا وقتي قصير جداً قبل رمضان ..



سويسر حلوه .. فكرت اروح لوزين .. ولكن نظراً لان مالي خبره في السفر اجلت سويسرا إلى السنه الجايه ..

ممكن تعلمني كم درجه الحرارة في ماليزيا .. في كوالالمبور مثلاً ..

أنا سمعت ان الجو بارد في جنتنج والكاميرون .. كم درجه الحراره في شهر 8 ؟


مصر أنا زرتها كثير .. كنت أفكر اني اروح الغردقه فقط .. ولكن اخوي صاحب الرد الأول يقول ما فيها شي وان الجو فيها حار ..

يعني ماليزيا أنسب .. صح ولا لا ..

معليش ابتعبكـ معي

لا ولو تعبك راحه وانا موجود وجاهز ارد على كل استفساراتك

تبي الصراحه اتمنيت زواجك بداية شهر 7 كان على طول قلت لك استراليا بدون تردد وكان ماراح تندم بس معاك حق الوقت مايسمح

بنسبة لماليزيا فجوها رطب والحرارة اقل شي 27 واعلى شي 33 يعني ماتزيد عنهم وطبعا هي مدينة ممطرة بس مب على طول يعين احيانا
بنسبة للكاميرون وجنتنغ فهم باردين ولاكن مانصح انك اتروح للكاميرون لان مافيها شي
وبنسبة لجنتنغ هي عبارة عن فندق ومدينة ملاهي وتبعد عن كوالالمبور 45 دقيقة يعني تقدر اتروح لها وترجع بنفس اليوم والحراره تبي الصج مومتذكر بس هي باردة لانها فوق بلجبل ونفس الشي كاميرون فوق بلجبل لهشي يكون جوهم بارد وعلى فكرة ماليزيا جوها مداري يعني ثابت طوووووول السنه ومايتغير سوان بشهر 8 او شهر 1 كله نفس الشي والجو نفسه

وبنسبة لسويسرا حرام عليك الموضوع مايبيله زيادة خبرة انا اشوف ان الموضوع عادي والميزانية حلوة والمدة بعد فشنو الي يمنع انك اتروح 5 او 6 ايام جنيف واتزور منخلالها المدن القريبه مثل لوزين وبعدها اتروح 5 او 6 ايام باريس وتستمتع اهناك

بس طبعا القرار بالاول والاخير لك واكيد ماليزيا اسهل بتعامل وبلاجرات واسهل بعد كحياة ولاكن هذيك بتكون تجربة جديده لك

وبنسبة للغردقة انا بعد سمعت انها ماتسوا وحدها يومين بسسسسس

واذا عندك اي استفسار انا بلخدمة

أخي العزيز لاتنسى لنكاوي فهي من أجمل الأماكن لشهر العسل وكم يوم بعد بينانج وأقرب مكان للنكاوي بوكيت بتايلند وهناك أيضآ بورت ديكسون ويمكن الوصول إليه من كوالالمبور بكل سهولة ويمكنك الإطلاع على تقرير الأخت العزيزة صوت السهارى التي كتبت تقرير مميز عن فندق أفالون من خلال هذا الرابط :
http://www.arabtravelersforum.com/travel269560/
وكذلك تقارير الأخوة و الأخوات عن ماليزيا وتايلند وأندونيسيا وكذلك سنغافورة
وتقبل تحياتي

المشاركة الأصلية كتبت بواسطة !.. Nayef ..!
http://www.arabtravelersforum.com/tr...7/#post3649217

أشكركم على مساعدتكم ..

ثانياً لدي عتب على المشرف ( هدوء الكون ) الذي ( خرب ) موضوعي تحت ذريعة ( يمنع تداول اسماء المكاتب السياحيه )

رغم أني لم أذكر أسم أي مكتب سياحي ..


عشنا وياما شفنا ..




وسع صدرك أخوي نايف

ما خربت موضوعك ولا شي بس بينت لك تداول أسماء المكاتب السياحيه ممنوع في المنتدى

وبعدين ما حذفت ولا أي شي من استفساراتك ..

موفق في رحلتك وأنا أختك ..


تحياتي وتقديري ..

ماليزيا طبعا

انصحك تطلع الغردقة من القائمة

مدينة صغيرة . كئيبة . ومافيها اماكن للتمشية

ماليزيا وبقووووه انا رحت لماليزيا مرتين وبصراحه ودي ارجعلها بالصيف
واندنوسيا بعد مررره حلوه ...بلا الغردقه بلا خرابيط ...واذا تبي اي شيى علمني وانا اساعدك
خصوصا المده اللي بتروحلها كافيه لماليزيا ..

الف مبروك اخوي نايف وعسى الله يتمم عليك بالف خير ويرزقك الذريه الصالحه ويسعدكم .. انا كنت افكر نفسك في ماليزيا او دوله اوروبيه او جزيره وانا اميل للجزر كشهر عسل .. بالنسبه لماليزيا ومن خلال بحثي المكثف عنها حلوه بس فيها عيبين شرعيين الاول بعدها عن الخليج رحله 7 ساعات ونصف ثاني شي اذا بغيت تروح وتتنقل من مدينه الى اخرى يبيلك سفر بطياره ساعه اقل شي يعني اجدها متعبه كشهر عسل وانت تدور الراحه والرومانسيه يعني ماليزيا تنفع في سفرات ثانيه بأذن الله ما تنفع شهر عسل مع انها حلوه جدا نظرا لتعب السفر اليها والتنقل بين مدنها ... ثانيا بالنسبه لسويسرا فما عليها كلام دوله جدا راقيه وجميله وفي مناطق حلوه وطبيعه خلابه اهي مع نيوزلاندا لكنها مكلفه نوعا ما مقارنة بالاختيارات الاحرى .. اما الغردقه فشاهدتي فيها مجروحه لاني احب هالمنطقه لانها جوها هادئ ومافيها عرب كثير عكس شرم الشيخ .. والله يوفقك