جدول سياحى لباريس 5 ايام ويومين لميونخ

**شهد على** · 06-04-2018, 01:20 AM

السلام عليكم الاعضاء الكرام
اريد جدول سياحي لشخصين السن 45 سنة 5 ايام لباريس ويومان ميونخ لتقديمه للسفارة الفرنسية فى القاهرة
الرحلة خلال شهر 8 اغسطس
هذه اول مرة ازور فيها باريس
ارجو المساعدة بالجدول من اهل الخبرة بالمنتدى

مواضيع عشوائيه ممكن تكون تعجبك اخترناها لك:

**ayda.nofal** · 06-04-2018, 12:09 PM

السلام عليكم
يمكنك اخي الاطلاع على الروابط
جدول لمدة أربعة أيام في باريس
باريس دزني جنيف انترلاكن

..: : اليوم الاول : :..

* "افتراض الوصول ظهرا": أخذ قسط من الراحة في الفندق بعد الوصول ، ساعتين لا أكثر.

* عصرًا : تركبون الباص السياحي وتلفون الاماكن السياحيه كلها في ساعتين بس كاستكشاف المناطق السياحيه تنزلون كنيسه نوتردام وتتصور وتردون تركبون الباص تاخذون لفه لين يخلص وفليل تردون شارع الشانز وتتمشون وتشترون التذاكر السياحيه لديزني وبرج ايفل وبعدين الفندق ورقاد ..

..: : اليوم الثاني : :..
* صباحا & ظهرا & عصرا : الاستيقاظ ، الفطور في الفندق الساعه 10 تروحون قوس النصر وتركبونه وتتصورون من فوق وعقب تاخذون تكسي للغاليري لافيت وتتمشون فيه لين الساعه 3 الظهر تطلعون تتمشون في منطقه الاوبرا وتتغدون في أي مطعم وعقب ع طول تسيرون بالتاكسي برج ايفل تركبون برج ايفل وتتصورون وتخلصون وتسيرون القارب في نهر السين وتركبونه بيكون حل الليل بيردكم بتيلسون ع نهر السين وتشوفون برج ايفل لين الليل وعقب تمشو لين الفندق لان بيكون قريب لاتركبون تكسي تمشو حلات شوارع باريس فليل بتوصلون الشانز بتتعشون وبتردون الفندق ترقدون

..: : اليوم الثالث : :..
* صباحا & ظهرا & عصرا & مساء : الاستيقاظ باكرًا ، الفطور في الفندق ، التوجه الى محطة رير ثم التوجه لديزني لاند والعودة آخر اليوم.

(( اذا تحبون التسوق في قرية لافيلاج " قرية الماركات المخفضة ، موقعها قبل محطة ديزني بمحطة واحدة ، فاذهبوا اليها اولا لانها تقفل الساعة 8 مساء )).

(( استديوهات ديزني لاند تقفل الساعة 7 ، والبارك يقفل الساعة 10 )).

..: : اليوم الرابع : :..
* صباحا & ظهرا الاستيقاظ ، الفطور في الفندق. التوجه الى هضبة المونمارت والتجول هناك (( ارسمو لوحة من احد الرسامين المنتشرين على الشوارع ، تمتعو بالاجواء الهادئة ، التقطو أحلى الصور ، تناول وجبة غداءك و ودع هذا المكان الرائع )). ردو الفندق ارتاحو وعقب طلعو متحف اللوفر مشي

العصر :: متحف اللوفر عقب ماتخلصون منه تطلعون في الشوارع القريبه تتمشون وعقب تسيرون الشانز مقهى الفوكيت (ملك الوليد بن طلال) وتشربون هوت جوكليت مكانه جنب لويس فيتون
********************************************
ليوم الأول يوم الوصول
أكيد تعبانين بعد السفر و واصلين الفندق ع الظهر و أغلب فنادقهم الساعه 2 تدخل و إذا شقه الساعه 4
ريحوا شوي و روحوا لإيفل تمشوا عنده و ع المنطقه اللي حواليه و على أخر العصريه قبل الغروب خذوا من الفندق كروت لرحلة نهر السين طبعا الرحلات تنطلق من جنب برج ايفل و روحوا على اخر رحله اللي بتكون قبل المغرب و يجي وقت الغروب و انتو في القارب مررره الوقت حلو
بعدها قضوا وقتكم تمشي و أشوف انكم تسكنون قريب من الشانز عشان المنطقه مرره حيويه

ثاني يوم زوروا متحف الشمع مره حلو و عجبني العرض اللي نشوفه قبل ما ندخل جوا
بتطلعون و اليوم طوييل في باريس روحوا للكنكورد طبعا كلها جنب بعض تمشيها مشي و مناطق تتمشى فيها و لا يفوتكم الكريب حقهم لذييذ يعني بالترتيب (قوس النصر و تمشي على شارع الشانز و بعدها تلاقي المسله المصريه و تكمل مشي تدخل الكونكورد و كمل مشي و تلاقي اللوفر يعني في نفس الخط المستقيم )
ثالث يوم دزني لاند رحوا من بدري نصييييحه و كمان نصيحه ثانيه راح تلاقوا قدام كل لعبه زي المكان للتذاكر هذي اذا تبي تدخل بدون ما توقف في الطابور و يروح وقتك إدفع و إدعس بعدها روحوا للأوت لت لأنه مره قريب منها

رابع يوم بالصباح فرساي و بالعصر هضبة مونمارت و يمدي بالليل تروحون الحي اللاتيني
خامس يوم في الصباح روحو اللوفر و في العصر روحوا للقاليري لافييت كل الماركات فيه الغاليه و الرخيصه

لا تروحوا دزني لاند يوم سبت او احد لأنه اجازه و زحمه
و رحله سعيده ان شاء الله
********************************
نترلاكن في يومين .. اقتراحات عاجله 1- قمة يونفرويوخ من محطة انترلاكن اوست (ما ادري هل يصعد لها الان او بدري يمكن تستفسرون من الفندق وتذاكرها بحدود 180 فرنك للشخص 0 2- البحيره الزرقاء 3- المتحف الموجود في بلونبيرق (يصور الحياه السويسريه القديمه ) 4 - رحله بحريه في بحيرة برنز يصعد لها من محطة انترلاكن وست وكذلك شراء التذاكر 0
*************************
اذا يومين فقط فخلك في انترلاكن بالنفس، زورة قمة جانجفارو (قصر الثلج فيها) وشلالات تراملباخ وقمة شيلثرون (جيمس بوند)وأيضا ممكن تجرب تعق عمرك من الطائرة ببرشوت اذا تحب المغامرات، كل هالأشياء جنب بعض على خط واحد تجي أول شي محطة القطار اللي توديك جنفارو، على يسارك وانت جاي من مركز المدينة وبعدين بيجيك منحنى يمين وتكمل مع الشارع بتجيك على يسارك الشلالات وعلى يمينك البارشوت وقدام في النهاية على يمينك التلفريك اللي يطلعك لقمة جانفارو، ناس تسويها مشي بين محاطت انصلاق كل هالأشياء بحكم قربها من بعض ...

عندك بعض مركز المدينة السوق والبحيرات ممكن تزورهم وتستمتع فيهم ايضا ...

طبعا اعتمادا على همتك وقديج تزرو في اليوم، المفروض يومين مدة معقولة تخلص كل الأشياء المذكورة أعلاه أو عالأقل يوم ونص، الا اذا تراكض ممكن تخلصهم في يوم واحد ...

في أيضا شلالات وبعض القلاع والأماكن القريبة يعني على أطراف انترلاكن بس ما اتوقع بيمديك الوقت فما بذكر شي منهم ...

تحياتي ...

اهلا وسهلا