هلا اخوي علي
الصور للاسف ماعرفت انزلها وبنفس الوقت انشغلت

صحيح سفاري بنغالور افضل بكثير من سفاري تيكادي

سفاري تيكادي انا لما رحت له ماشفت الا فيل ماتشوفه الا بدربيل وسنجاب وقرد ههههه وكم غزال

اما بنغالور تركب سيارة جيب ربع لوحدك انت وعائلتك وتكون مشبكه حديد السياره ومن بوابه لبوابه النمور والاسود والفيله وغيره من الحيوانات تمر من قدام السياره وتكاد تلامسها

ماانصحك بحديقة الحيوانات ببنغالور روح بس السفاري لان السفاري بنفس مكان حديقة الحيوانات بس لاتضيع وقتك بالحديقه على قولتنا مالها سنع

الالعاب المائيه صحيح بالسنتيمتر بس مو بكلها انا ولدي عمره 6 سنوات لعب بكل العابهم المائيه اللي للكبار والصغار

والالعاب المائيه نفس الحديقه فيها العاب عاديه مو مائيه اللي نسميها ملاهي هههههه العاب للكبار والصغار مائيه وغير مائيه ومختلف الاعمار

طبعاً لاتطيح بنفس غلطتي بالحديقه المائيه اللي هي انك تقص التذاكر السريعه لكل اللي معك ( التذاكر السريعه اللي اذا جيت لعبه ولقيت اللعبه زحمه يحطونك اول واحد عشان هالتذكره اسمها fast ع مااعتقد )

اذا بتقص تذكره سريعه قص لك وللعيال اللي اعمارهم من خمس وفوق اما ام العيال واللي اعمارهم اقل من خمس سنوات قص لها تذكره عاديه لان هالتذكره تفيد باماكن الزحام والزحام يكون في الالعاب المائيه وانا قصيت تذكره سريعه لان العيال مدري وش سالفتها ولا استفادت منها شي لانها مالعبت بالالعاب المائيه اما انا والولد ماطلعنا من الماء كل الوقت هههه

بالنسبه للمغاسل ماانصحك ابداً بمجرد التفكير انك تغسل ملابسك برا بالمغاسل

انت راح توصل بنغالور ثم ميسور ثم كورغ ثم ويناد واذا وصلت اوتي في فندق جي بارك اسعارهم حلوه للغسيل غسل عندهم يعني الله يعينك تجمع الملابس الى اوتي او ام العيال تغسلها لاتفكر تغسل برا

كذلك فندق ذا فوغ اسعار غسيل الملابس ممتازه اما باقي الفنادق غاليه جدا مثلاً بكوتشي فندق كراون بلازا قاعد اقرا اسعار الغسيل شدني سعر غسيل الثوب يوازي 25 ريال سعودي

اتمنى افدتك بشي ولو القليل

واسال انا اخوك لايردك الا لسانك بالخدمه

مواضيع عشوائيه ممكن تكون تعجبك اخترناها لك: