هلا اخوي التوزيع الجديد اراه من وجهة نظري ممتاز جداً

بالنسبة للبرنامج امامك طريقتين

الاولى انك تحجز الفنادق عن طريق البوكينق وتشوف مجموع الاسعار للفنادق بالبوكينق كامل كم يكلف وتكلم السائق تشوف كم ياخذ وتشوف المجموع النهائي كم

الثانيه انك تكلم مكتب وهي كثيره في كيرلا يحجز لك السياره والسائق والفنادق ويعطيك السعر كامل كم يكلف

وانت لك حرية الاختيار ولو اني ارشح الطريقه الثانيه

نصيحه : المكتب اللي تتفق معه وزع المبلغ ع دفعات

لو فرضنا قيمة البرنامج 15500 كم هو برنامجي ولكن برنامجي 26 يوم
يكون دفعات السداد كالتالي

الاولى عربون مثلاً 2000 ريال

الثاني عند الوصول تدفع 8000

الثالثه قبل المغادره بيوم 5500

بالطريقة ذي وانت ع مااعتقد عدد ايامك اقل فمعناته القيمه لابد ان تكون اقل المكتب اللي مايوافق ع طريقة الدفع ذي لاتوافق الذهاب معه حتى لو اقنعك وقال سارسل لك ايصالات الدفع للفنادق ومن هالكلام

واذا وافق يرسل نص الاتفاق بينكم ويبين فيها طريقة الدفع ويختمها بختم المكتب ويرسلها لك واتس كذا تكون انت بالسليم وتضمن عدم تلاعب المكتب معك او حتى تفكيره بتغيير الفنادق التي اخترتها

اما بالنسبه للسائق اللي معي فهو ع المشاوير

ممكن انك تعطيه اسماء الفنادق وتقوله ابي حجز بالفنادق ذي مع السياره والسواق وهو يدبر امورك

بصراحه الرجل غير مسلم ولكن الشهاده لله انه امين نسيت اغراضي جوالاتي واحيان محفظتي واحيان فلوس ينسونها البزران واحيان ايبادات البزران وثاني يوم القاه جايبها لي
ايضاً ودود مع الاطفال ولا ينزعج او يتضايق من الازعاج والرجه اللي نسويها بالسياره مبتسم ويضحك وشخص مهتم بالنظافه الشخصيه ونظافة السياره قعدت اسوي له دعايه شكله هههههه
بس الحق حق ياغالي تقبل تحياتي

مواضيع عشوائيه ممكن تكون تعجبك اخترناها لك: