الموضوع: ابي فزعتكم في اندنوسيا

وينكم يالربع

ما فيه احد عنده رد على الاستفسارات

اولا = تاريخ السفر هل هو مناسب من ناحية الزحام هناك ؟

بإذن الله مناسب


ثانيا= ابغى ترتيب جدول للرحلة ؟
ترتيب جدول الرحله صعب كل شخص له نظامه الخاص

عن نفسي انا اذا البرنامج 12 يوم بدون يوم رايح و يوم جاي

بونشاك 4 ايام
بالي 5 ايام
جاكرتا 3
ثالثا= أفضل الفنادق والفلل في جاكرتا وبالي وبونشاك من ناحية الأمان بعد الله ؟

الفلل في بونشاك كنت استأجر بنفسي اذا ذهبت هناك في منتج اسمه كوتا بونقا

لكن فيه فندق ممتاز ومناسب جداً للعرسان راح اشوف لك اسمه وانزل لك رابطه هنا

بالي يوجد فلل بقيمة 200$ الليله و فيه فنادق ارخص بكثر تعتمد عالميزانيه

فالافضل تشوف بوكينج
http://www.booking.com/region/id/bal...tml?aid=358324

جاكرتا انا سكنت في فندق ASTON مارينا كان ممتاز ماادري هل تغير الان او لا ميزته جنب الملاهي والبحيره
لكن شوف هنا رابط بوكينج لفنادق جاكرتا
http://www.booking.com/city/id/jakar...tml?aid=358324


رابعا= ابسال عن السواقين والخدم كيف طريقة الترتيب معاهم ؟

السواقين اكثر من سفريه لي عائله و شباب الى اندونيسيا كنت اتفق معاهم هناك

لكن اذا حبيت فيه اندونيسي جاوي هناك في جاكرتا ممكن اعطيك رقمه تتواصل معاه ممتاز جداً


خامسا= هل تنصحون احول العمله او اخليها بالريا ل السعودي ؟


عن نفسي انا مثلاً ميزانتيتي 15 الف ريال

7 الاف ريال احولها الى دولارات من السعودية و اضعها بالمحفظة لانها قليله
5 الاف اضعها بالفيزا للتسوق
3 الاف احولها روبيه اندونيسية تنفعني في المطار و مع السواقين اول كم يوم


سادسا= كم رسوم فيزة دخول اندنوسيا ؟

25 دولار للشخص


سابعاً = افضل خطوط طيران الداخلي في اندنوسيا ؟
كلهم ممتازين
بس انت شوف الافضل لك من ناحية السعر و المواعيد
عندهم Lion و airasia


ثامنا = الميزانية المتوقعة للرحلة ؟
تكفيك بإذن الله من 8000 الى 20 الف
لان كل شخص يختلف في الصرف

انا رحت مرتين عوائل

مرة صرفت 15 الف بدون تذاكر
ومره صرفت 25 الف بدون تذاكر
ومع شباب صرفت فقط 5000 ريال

فهي تعتمد على تعاملك هناك واختياراتك واحتياجاتك

يعني راح تجد اشياء جداً رخيصة انت حال تنزل منها بالسعر

مثلاً السواقين يقولك اليوم ب 100$ من الصباح للمغرب
قوله انت ب 50$

تسلم يا ولد العم
ما تقصر لا خلا ولا عدم

المشاركة الأصلية كتبت بواسطة أبو عبدالله الجابري

تسلم يا ولد العم
ما تقصر لا خلا ولا عدم

الله يسلمك ياابن العم وبالخدمة في اي وقت (:

ولاتنسى التقرير بعد رجعتك بالسلامه ان شاء الله

ورحله ممتعه لكم ان شاء الله

افادك اخونا ..khaledalhrbi

ولاكن اعدل بعض الملاحظات .... الفيزأ الان

35 دولار وليس 25دولار

يوجد عند العودة ضرائب مطار 150 الف روبية لكل شخص .. الرجاء اخذ الحذر منها واضافتها واخراجها على جنب من الميزانية..

والافضل الصرف ان تصرف من الان حيث ان الريال مرتفع.... وقت سفرتك بتحصل الريال غير مطلوب لانه راجعين من الحج

وعليكم السلام اخوي ابوعبدالله
اولا : سعر الڤيزا للشخص الواحد 35 دولار واذا كان اكثر من شخص يتوجب عليكم الصرف ولاتعطونهم عشان يرجعون الباقي حصل قبل 4 ايام قدامي طردوا سعوديين وقالوا ماعندنا صرف واكلوا فلوسهم،
ثانيا: اذا اعطوك ڤيزا الدخول معها ورقه ثانيه احتفظ فيها للعوده راح يطلبونها منك واذا فقدتها تضطر ( تبخشش ) ب600 الف روبيه مايعادل 170 ريال سعودي.
ثالثا: بالنسبه للسكن اللي سعره مناسب ونظيف ومريح وبارد وامان بعد الله هذا في كوتا بونقا .
رابعًا : السواق انا معه الان والشغاله كذلك نظيفين ومرتبين وامناء ويعلمونك جميع الاماكن الحلوه واذا احتجت شي من اي مكان هم يطلعون يشترونه ويجون لان اذا جاهم سعودي دبلوا عليه السعر تواصل معي اعطيك ارقامهم وشرط انهم اقل سعر من اي شخص ثاني متعامل معهم انا واصدقائي كثيرين جدًا من زمان .

معلومه مهمه : اذا لقوا كل شي معك متوفر يحاجونك بحجز فندق كامل ايام الرحله وهذا تقدر تحجز عن طريق البوكينج وتطبع الحجز وبعدين تلغيه وسهل جدًا وفيه فنادق تحجز بدون ڤيزا .
كذلك راح تلقى ف المطار اللي يشحذونك او يقولون ادفع ونمشيك اتركهم ولاعليك،

وبالنسبه للطيران حجزت ع الاتحاد حلوووووه مررررره وخدمتهم راقيه وطائرات من اعلى واجود مايكون .


اسف ع الاطاله اتمنى افدتك وشكرًا لك.

رحله سعيده ممتعه ،