السلام عليكم

رمضان مبارك عليكم جميعا

عندي كم استفسار وابي المعونة والمشورة الله يحفظكم جميعا

رحلتي لامريكا في 25 يوليو وجدولي ضم عدة مدن وودي استفسر عن كم شغلة

1 - سان فرانسيسكو 3 ايام وودي اسأل عنها ايش الاماكن السياحية حق 3 ايام وهل استأجر فيها سيارة والا ما يحتاج لان شفت البعض يقول استأجر والبعض ما ينصح ابي تجربة من مجرب او واحد عنده خبر ايهم اوفر لي واريحلي سيارة او بدون احنا اثنين بس

2 - بطلع من سان فران يومين لمنتزة يوسيميت استأجرت فندق فيها يومين والمسافة تقريبا سيارة اربع ساعات للمنتزة من سان فران وانا بستأجر سيارة وبروح له وسمعت انه مرتفع عادي السيارة الصغيرة توصل هناك

3 - ايش احسن مدينة على طريق هاي واي 1 بين سان فران ولوس انجلوس اريح فيها ليلة واتمشى

4 - هل تكفي 6 ايام في لوس انجلوس اقدر ازيدها يوم اللي هوه اليوم حق الراحه اللي سألت عنه في رقم 3 والا اتركها 6 ايام واريح يوم في مدينة تستاهل بين سان فران ولوس انجلوس

5 - اول مرة اروح امريكا وحبيت استفسر عن التأمين اللي تاخذه بعض الفنادق على السعر هل هو ضروري يعني مجبور تدفعه لاني سمعت ان بعضهم انسحب منه مبلغ التأمين وما رجع له
واذا كان مجبور ادفعه ايش رايكم ادفعه كاش مو من الفيزا حتى اضمن اني استرده وانا طالع

6 - كمان بعض المسافرين يقول انسحب منه مبلغ الفندق من الفيزا مرتين وقت تسجيل الدخول ووقت الخروج وبعضهم الى الان ما رجع له المبلغ تدبل عليه - هل صار معاكم كذا واذا صار ايش احسن طريقة لحل هذي المشكلة

7 - اخيرا بخصوص الرخصه السعودية تمشي هناك اقدر استأجر بها او لازم رخصه دولية

ملحوظة انا لغتي تمشي الحال متوسط اقدر ادبر حالي هل لما يلاحظوا هذا مكاتب تأجير السيارات ما يأجروني سيارة والا عادي

وبس

شاكر لكم فزعتكم

مواضيع عشوائيه ممكن تكون تعجبك اخترناها لك: