بسم الله الرحمن الرحيم
عنوان دكتور نيثن
Senhil Nathan
Suite-8
103 Harley Street
London W 1 G 6AJ
phone 02074874899
Fax 02072243975
Mobil 07876567575
السلام عليكم ورحمة الله وبركاته
تحيه طيبه وبعد
اليوم راح أتكلم عن تجربتي الشخصيه مع الدكتور نيثن الاصل هندي
كنت رايح علاج اطفال الانابيب على نفقة وزارة الداخليه سنة 2005 -2006
وسويت تحاليل تكرمون السائل المنوي وطلع عندي صفر وقالي الدكتور محمد الطرانيسي لازم نسوي لك جراحه فتح الخصيه عشان نشوف هل داخل الخصيه يوجد حيونات منويه او لا
قلت حق الدكتور حولني على دكتور مختص المسالك البوليه قالي انا ما بعرف قالي انت شوف اصحابك
قلت أن شاءالله رحت وأتصلت على المترجمه اللي تتابع معاي وقالت انا أبعث ناس كوتين على دكتور نيثن طبعا قالت لازم الدكتور الطرانيسي اهو اللي يحولك يكتب كاتب تقرير إلي المكتب الصحي الكويتي
ورحت الدكتور وسويت فحوصات وطلع عندي الفتق (البعج) أسفل البطن ولازم عمليه جراحيه وسويت العمليه الحمدالله وانتهيت منها
وقالي عندك أنسداد بالحبل المنوي وقالي لازم تسوي العمليه وسويت العمليه الانسداد وطلع معاي انسداد ثاني بالجهه اليمين وقالي هذي صعبه تنجح من كثر العمليات الجرحين يخيطون على الحبل المنوي وهم مايدرون
قالي مدام أنت عندك الحيونات المنويه داخل الخصيه قول الحمدالله غيرك صفر من كل النواحي
الحمدالله رب العالمين على النعمة
وبعدين رجعت حق الطرانيسي وقالي أحنا نبي لو حيوان واحد فقط وسوينا البرنامج العلاج البطئ
وأخذت زوجتي البخاخ وبعد فتره اخذت الابر الهرمونات وبعد فتره سوت تحاليل دم وسونار داخلي يشوف الدكتور البويضات الناضجه والحمدالله كل التحاليل اطلعت سليمه واخر مرحله اهي الابره التفجريه
طبعا الابره التفجريه لحد يفهم غلط الدكتور يحط قنبله هههههههه لا المعني اهي تطلع البويضات
وتم موعد لنا لسحب البويضات من الرحم وسويت عمليه جراحيه صغيره لفتح الخصيه ليحصل الدكتور على الحيونات المنويه والحمدالله بفضل رب العالمين حصل كثير حيونات المنويه وتم تلقيح البويضات وبعد 5 ايام رجع الاجنه بالرحم وبعد 14 يوم اطلعت النتجه بالحمل الحمدالله وقعدت بلندن الي الولاده
مواضيع عشوائيه ممكن تكون تعجبك اخترناها لك:
رد مع اقتباس
المفضلات