افيدوني بخصوص الفيزا

**Aamrm** · 03-04-2015, 07:45 PM

السلام عليكم ورحمة الله وبركاته

كيف حالكم عساكم طيبين ؟

انا ان شاء الله هالصيف راح ازور امريكا

وانا ضبطت كل اموري فيزا وحجوزات طيران وكل شي ولله الحمد

بس عندي استفسار بخصوص الفيزا المسبقة الدفع

وش افضل بنك يقدمها مع اقل سعر صرف ثابت

حاليا انا عندي مداد " بنك البلاد" وقالولي ان سعر الصرف في امريكا ثابت وهو 3.78

بس اللي عنده تجربه فيها او تجربة مع بنك اخر ياليت يفيدني

ولكم جزيل الشكر

مواضيع عشوائيه ممكن تكون تعجبك اخترناها لك:

**يوووسف الحربي** · 03-05-2015, 10:04 PM

وعليكم السلام ورحمة الله

بخصوص الفيزاء اخوي انا اشوف انك تفتح حساب بنكي في امريكا

انا الان في امريكا ولدي بطاقة من بنك ويلز فارقوا طبعاً مكتوب عليها visa

واستخدمها في اغلب مشترياتي سواء على الانترنت او نقاط البيع ..
طبعاً فتح الحساب مجاناً ويعطوك بطاقة مؤقتة وبعدها باسبوع تجي البطاقة الاصل
وانت اذا فتحت الحساب حط المبلغ اللي تبي فيها ..

وبرضوه عندهم بطاقة يسموها GivtCard
هذي مثل بطاقة مسبقة الدفع بالضبط
انت تحط فيها المبلغ وتشتري لكن الفرق انك تستخدمها مرة واحدة فقط

مثلاً لو حطيت فيها 100 دولار واشتريت فيها اول مرة ب 50 وثاني مرة 50 خلاص البطاقة تنتهي صلاحيتها

اتمنى وصلت لك الفكرة واسف على الاطالة .

**Abdullah_o2** · 03-06-2015, 07:01 PM

يوسف الحربي الله جابك ,, انا كذلك رايح امريكا وفتحت حساب في سيتي بنك الامريكي .. وسألوني تبي بطاقات فيزا او ماستر كارد انا ترددت مابي ادخل بهالمتاهه قلت استشير راي المجربين مثلك بالاول

هل تنصحني اذا جيت امريكا افضل اسوي هالخطوه ؟ و اي البطاقات تنصحني فيها للشراء عن طريق النت ؟ و هل بطاقات الماستر كارد لها سلبيات ..؟

يعطيكم العافيه والله يسهل امورك اخوي

**يوووسف الحربي** · 03-07-2015, 01:40 AM

المشاركة الأصلية كتبت بواسطة Abdullah_o2

يوسف الحربي الله جابك ,, انا كذلك رايح امريكا وفتحت حساب في سيتي بنك الامريكي .. وسألوني تبي بطاقات فيزا او ماستر كارد انا ترددت مابي ادخل بهالمتاهه قلت استشير راي المجربين مثلك بالاول

هل تنصحني اذا جيت امريكا افضل اسوي هالخطوه ؟ و اي البطاقات تنصحني فيها للشراء عن طريق النت ؟ و هل بطاقات الماستر كارد لها سلبيات ..؟

يعطيكم العافيه والله يسهل امورك اخوي

هلا فيك اخوي
بالنسبة للماستر كارد معندي خلفيه عنها .. لكن اعتقد مثل بطاقات الائتمان عندنا في السعودية لها رسوم سنوية

اما بالنسبة للفيزاء إللي معي هي تقريباً مثل بطاقة الراجحي مكتوب عليها visa
وتستخدمها في اي مكان في امريكا
وانا استخدمتها في اكثر من موقع عن طريق النت وماشيه مثل الحلاوة ..

لكن لاحظ انه في الاسبوع الاول راح ترفض البطاقة الشراء
وذلك بسبب انك عميل جديد ومن باب الحماية البنك يسوي هالشغله
فإذا واجهتك هالمشكلة مر ع البنك عشان يفتحون بطاقتك بدون لمت .