الموضوع: إستفسارات بخصوص السفر لتركيآ ؟

وعليكم السلام ورحمه الله وبركاته ..

1-اول سؤال اتوقع ايه

2-ثاني سؤال كل ماحجزتي مبكر صار ارخص ولاتخافين ماراح يفوتك شيء ان شاء الله ()وماشاء الله وقتكم جميل ومناسب

3-هو الجيد من جده يعني تروحين على الخطوط التركيه اذا قدرتي
4- ماااااله داعي تسافرين مع قروب او تروحين مع حمله انا اعلمك جدول لمده اسبوع اذا انتي تبغين طربزون ( جنه الله في ارضه )او اسطنبول ( تطور مع حضار اسلاميه قديمه ) ؟ اختاري وحده اذا كنتي تبغين اسطنبول !

اسطنبول :- طبيعي اذا كان مده رحلتكم 7 ايام فبيكون اول يوم وآخر يوم محذوف لانه محد يحسبه يعني بنصير 5ايام
1- الذهاب الى قصور العثمانين والمسجد الازرق وايا صوفيا ودولما بهجه تقدرين تاخذين باص سياحي ويوديك بهالاماكن
بس اهم شيء تسكنين بالتقسيم منطقه مشهوره جدا جدا ولاتنسي تروحين شارع الاستقلال القريب منه وتاكليم برجر شك شاك العالمي وبتكونين ساكنه باوروبا

2- ثاني يوم الذهاب الى جزيرة الاميراااات ( عشششق ابدددي ) :$ الجزيره جميله وفيه تركبين الحنطور ( حصان وعربه ) الدنيا كلها بعربات وسياحل ومافيه الا سيارات شرطه واسعاف والزبايل وحقات النقل والمطافي ( بس تمشي بهذي المنطقه ) تاخذين لك حصان يمشيكم ساعه بالجزيرة ومده راحه بعشر دقايق بيكون واقف عند محل كوفي اشربي وروقي وبعدين بيرجعك

3- يوووم تروحين فيها بالعصر بجوله بحريه بمضيق الفسفور والذهاب الى حديقه ايوب سلطان او سلطان ايوب مدري وش اسمه صراحه بس قريبه من ميدان التقسيم يعني يوم راحه وان بغيتي بعد روحي لتل العرائس بالجانب الاسيوي
4- الذهاب الى بورصه والمبيت بها بورصه تروحين للشجره الي عمرها 600 سنه وتروحين لمحل يبيع حلقوم ويوديك بيت حرير المهم طبيعتها حلوه وروحي اسكني فيها

5 - وانتي في بورصه روحي يلوا فيها مياه كبريتيه وبعدين من بكره روحي لاسطنبول وروحي ارجعي لارض الوطن

اما طربزون روحي فيها لازنجول وايدر وريزا بعدين بشرح لك اذا بغيتيها ولاتفوتك ابد طربزون ماراح تتخيلين قد هي كيف جميله من الموبايل

أختي جميلة .. أفدتيني كثير عسى ربي يوفقك دنيآ وأخره
جدولك أعجبني جداً ومناسب لنا
طيب أقدر أروح لإسطنبول والشمال التركي بنفس السفره ؟
يعني أول يوم إسطنبول وبعدين طربزون وباقي مناطق الشمال التركي .. ينفع ؟
أنا شفت صور لطرابزون بعد ماقرأت مدحك لها وأعجبتني جداً
تنصحيني أحول لها بدل من إسطنبول ؟
ثآني سؤال : لما أبي أروح لهالأمآكن الجميله هل أقدر أتفاهم معهم بدون قروب يرشدنا ؟
ثآلث سؤال : ميزانيتنا 15 الآف تقريباً فهل تكفي لثلآثة أشخآص لمدة إسبوع ؟

أسفه ع الإطآله بس أبي أستفيد أكثر منكم

وعليكم السلام ورحمة الله وبركاته

حياك الله في المنتدى وان شاء الله تُفيدنا وتستفيد

إذا كنتم سعوديين فلا تحتاجون إلا فيزا دخول في المطار او تاخذونها الكترونيا وهذا افضل

لكي ترتاحوا من زحمة شراء الفيزا بالمطار

سعر الفيزا عشرين دولار امريكي لكل شخص

------

نعم تستطيع الذهاب لطرابزون ولو تجعلونها قبل اسطنبول افضل
يعني توصلون لمطار اسطنبول ومن ثم تذهبون لها مباشرة

اذا كنتم من عشاق الطبيعة الجبلية
تجلسون مثلا اربعة ايام بطرابزون وثلاثة ايام بإسطنبول
افضل لكم التنقل في اسطنبول عبر الترام والميترو والباص لان التكاسي غالية واغلبهم نصابين

يجلس يدور فيكم حتى يحصل على مبلغ اكثر !

15الاف تكفي ان شاء الله اذا كان الترتيب لرحلتكم مبكراً وسكنتم سكناً متوسطا وابتعدتوا عن استخدام التاكسي

بالتوفيق من الموبايل

هلا اخوي تحتاج فيزا ولكنها اما تطلعها اون لاين او من المطار عند الوصول وهي سهله جدا وقيمتها 20 دولاربالنسبه للحجوزات افضل انك تحجزي بدري خصوصا الطيران لان الاسعار راح تفرق فيه الافضل والاريح انك تحجز على الخطوط السعوديه من تبوك الى اسطنبول عن طريق جده وهناك رحلات من العقبه بالاردن الى اسطنبول مباشره على الخطوط التركيه اذا كنت حاب تجلس بالعقبه يوم اويومين حلوه قارن اسعار الطيران وخذ الافضل
بالنسبه للقروبات هناك قروبات من عمان ولكن ارى انك تستطيع الاستغناء عنها احجز الطيران وبقبل الرحله بشهر اوشهرين احجز الفنادق
ورتب الاماكن التي تود زيارتها وطرق الوصول لها افضل لك وحتى تسهل الرحله وتنبسط وماتشيل هم هناك
انصحك بالتنقل بالمترو والترام والابتعاد عن التكاسي
وبالتوفيق ياولد ديرتي وتروح وترجع بالسلامه

صوت تميم
ألف شكر على الإفآده
ويآريت تضعوا لي رآبط الموقع الإلكتروني اللي أخذ منه الفيزا
ولو فيه شرح للطريقه أكون شآكره لك ربي يوفقك


M3and zmanh
هلآ وغلآ فيك يآولد ديرتي .. أنا أختك
وألف شكر على الإفآده .. إستفدت منك
أنا حآولت أرسل لك خآص لكن للأسف مشآركآتي قليله ..
يآريت تعطيني رقم الفنآدق اللي حجزتها ..
ولو تعرف شخص ثقه نستعين به هنآك عشان يدلنا أكون شآكره لك
أبي أستفيد من خبرتك خآصه إني من نفس بلدك ربي يوفقك
وكيف من نآحية اللغه .. هل تعبت هناك بهذا الخصوص؟