الموضوع: رحلة في بداية عام

السلام عليكم ...

مثل ماهو بالموضوع ابسافر ببداية السنة وتحديدا ب 26 يناير لمدة 10 ايام ونبي نحجز بعد كم يوم على الخطوط القطرية ب 2224 ريال من الرياض الدوحة 4 ساعات وبعدها جاكرتا والرجعة نفسها بس ابعرف كيف الحين مثلا حجزت وخلصت كيف طريقة الدفع يعني من وين ادفع لهم ؟؟ وبعد كم يوم ينلغي الحجز اذا مادفعت ؟؟ ولازم اطلع جواز قبل احجز لاني بطلع بعد شهر او اقل ؟؟ وتخبرون انا رجالن اول مره اسافر قلنا نروح نشوف الدنيا انا وثنين من اخوياي طبعا القطة من 3000 ريال يعني 9000 ريال كلنا السوال هنا هل تكفي لاني سمعت ببداية السنة يصير رخيص كل شي باندونيسيا. وهل نقدر نروح بالي لانها على قولكم غالية . وانا الصراحة ماودي اخذ عزبة وحوسة معي احس انها قروشة لاني مو فاضي انقلها معي <<زوول كبير وانت وش تشورون علي اخذ عزبة ولا لا ؟؟

وهذا اول موضوع لي عندكم واسف على الاطالة ..

تحياتي من الموبايل

مواضيع عشوائيه ممكن تكون تعجبك اخترناها لك:

• مطلوب مساعدة في اختيارات السكن والجدول
• عطوني رأيكم بهذه الفنادق للي جربها
• محتار بين اندونيسيا وتايلند
• ممكن مشورتكم يااهل الخبرررره
• بساااااااااااافر الى بلادالاندومي واسئله محيره
• تم قطع التداكر ولله الحمد وجينا للحجز ببطاقة فيزا تسوالراجحي مسبقة الدفع ومشاكل الحجز
• ارخص الاسوواق في باندوق وجاكرتا
• استفسار يارواد العمه
• ممكن مساعده
• السكن في كوتا، بالي
• رحلتي بعد اسبوعين محتاج حضوركم
• مسآفر إلى اندونيسيآ وأرجو مساعدتكم
• للمسافرون على بلاد العمة يرجى الحذر من حجوزات السكن
• رحلتي بكره واحتاج مساعده
• مـــاضــــي اندنوسيا
• أشتشارة هامة مقدمه لكم
• باقي اسبوغين علي السفر ارجو المساعده
• وضع الجبل من حيث الامان سائق لعائله
• احتاج شركات الخطوط الاندونسية
• استفسارات ياليت تفيدوني

وعليكم السلام ورحمة الله وبركاته
اول شي تاريخ السفر من متى 26يناير الى ؟؟ علشان نفيدك,, اذا كنت رايح ب26 معناته تاصل جاكرتا 27 وكذا فيه يوم راح عليك يعني صارت المده 9 ايام والرجعه مثل يوم يبي يروح عليك يعني 8 ايام
مدتك 8 ايام وهي مده قليله اذا كنت تبي تطلع لكم منطقه فا نصيحتي لك تخليها منطقتين اذا كنت تبي بالي تخليها بالي وجاكرتا او بونشاك وجاكرتا
بالنسبه للحجز ماتحجز الا برقم الجواز علشان كذا لازم تطلع جواز وتحجز وتروح لاقرب مكتب سياحي وتعطيهم رقم الحجز وتسدد من عندهم
انا سافرت على الخطوط السعوديه وسددت من عند الصرافه بالنسبه للقطريه مادري شلون طريقته لكن مثل ماقلت لك رح لاقرب مكتب سياحي واعطه رقم الحجز وهو يسدد لك
العزبه تنفعك اذا كنت رايح لبونشاك
القطه حلوووه للسكن والتكاسي والتمشيات والمطاعم يعني شامله كل شي ان شاء الله
واي استفسارات ثانيه لايردك الا لسانك
بالتوفيق

شكرا لك اخي برزان
يعني قصدك اضبط الحجز عشان يصير 10 ايام في اندونيسيا هذي محلولة
بس اذا جيت احجز بالخطوط القطرية مايطلبون رقم الجواز والخطوط السعودية يطلبون رقم الجواز ؟؟ واذا حجزت اليوم وبسددهم بعد يومين ينفع ؟؟ والعزبة شكلي اباخذها معي . من الموبايل

انا اعطيك العلم , خلي 6 ايام بالي بس انتبه تراها غاااااليه يعني قطتكم ذي اذا بتفلوها مره مرح تكفيكم
و4 ايام بونشاك.


نصيحه لا تجلس ف جاكرتا دقيقه, لو تحجز طيران داخلي من جاكرتا الى بالي ذهاب وعوده يكون افضل لك بس احسب وقت الوصول لجاكرتا و الاقلاع الى بالي حاول يكون بينهم 3 ساعات


و 4 ايام بونشاك , جيب معك عزبه انصحك انصحك انصحك بالعزبه ضروريه اذا تبي بونشاك

رحله موفقهولاتنسى تسجل جواز السفر بموقع السفاره
نقطه مهمه لا تتهاون ممكن يضيع او ينسرق

المشاركة الأصلية كتبت بواسطة فارس_الشمري
http://www.arabtravelersforum.com/tr...8/#post8365115

السلام عليكم ...

مثل ماهو بالموضوع ابسافر ببداية السنة وتحديدا ب 26 يناير لمدة 10 ايام ونبي نحجز بعد كم يوم على الخطوط القطرية ب 2224 ريال من الرياض الدوحة 4 ساعات وبعدها جاكرتا والرجعة نفسها بس ابعرف كيف الحين مثلا حجزت وخلصت كيف طريقة الدفع يعني من وين ادفع لهم ؟؟ وبعد كم يوم ينلغي الحجز اذا مادفعت ؟؟ ولازم اطلع جواز قبل احجز لاني بطلع بعد شهر او اقل ؟؟ وتخبرون انا رجالن اول مره اسافر قلنا نروح نشوف الدنيا انا وثنين من اخوياي طبعا القطة من 3000 ريال يعني 9000 ريال كلنا السوال هنا هل تكفي لاني سمعت ببداية السنة يصير رخيص كل شي باندونيسيا. وهل نقدر نروح بالي لانها على قولكم غالية . وانا الصراحة ماودي اخذ عزبة وحوسة معي احس انها قروشة لاني مو فاضي انقلها معي <<زوول كبير وانت وش تشورون علي اخذ عزبة ولا لا ؟؟

وهذا اول موضوع لي عندكم واسف على الاطالة ..

تحياتي من الموبايل





وعليكم السلام ورحمة الله وبركاته



ماقصرو الأخوان اللي قبلي



بالنسبة أخي فارس أنت ذكرت موعد المغادرة ولم تذكر موعد العودة ياليت تفيدنا فيها ومدة الرحلة قليلة جداً لأنها ع كذا الصافي 8 أيام فقط ... الأفضل أن تقوم بزيادتها يومين يعني بصير المجموع 12 يوم تنقص منها يومين طيران يتبقى لك 10 أيام صافية حلو جداً كذا

وبالنسبة لحجز التذاكر الأفضل أن تتوجة إلى أقرب مكتب حجوزات وتقوم بالدفع عنده ، أذا حجزت قبل السفر بفترة قليلة راح يكون السعر غالي والأفضل أن تقوم الحجز من الآن ولاتدفع عليها أي رسوم "" حجز مؤقت "" قبل سفرتك راح يتصل عليك المكتب ويقول لك خلاص أكد حجزك أو لا أذا اوك خلاص تروح المكتب وتدفع المبلغ كواقع تجربة أخي الكريم



والجواز من الآن قم باستخراجه لا تعلم هل يكون زحمة أو لا في الجوازات



وبالنسبة لمبلغ الميزانية الأفضل أن تقومون بزيادته لأنك ذكرت أنكم بتروحون لبالي ويكون معكم مبلغ لحالة الطوارئ لا سمح الله



والعزبة ماتحتاجها هناك كل شيء متوفر في البقالات السعودية



أتمنى أني أفدتك قليلاً بما أملك من معلومات



واذا فيه أي سؤال أخر أنا جاهز



تقبل مروري وتحياتي ،،



أخوك /



haksa77

حياك الله اخوي

انا بعطيك اللي عندي والباقي الأخوان يفيدونك

شوف يآبعدي .. جاكرتا لا تجلس فيها ولا دقيقة لأنها صراحه مافيه شيء يستاهل الجلسلة فيها .. مدينة مثل اي مدينة بالعالم ههههههههه
يعني مثل الرياض وجدة وكذا .. ما اشوف فيها شيء مميز صراحه ... اول ماتوصل لجاكرتا .. اجلس يوم مثلا تريح وكذا
وروح لـ بونشااااك ودور على هوتيل سيروني3 في بونشاااك .. صدقني تعيش اجواء خياليه فيه
طبعا الفندق للأسف موب موجود ببكوينق .. حاول تحجز من مكتب سياحة حولك بالسعودية

انا عن نفسي حجزته مباشرة من الفندق يوم رحت لهم ...


موفق ورحله سعيدة

عزيزي الدفع اما عن طريق الفيزا او وكيل سفرك المعتمد ، بالنسبة للفترة فهي فترة ممطرة وجو رطب وحار في جاكرتا

ارى ان الاخوه قامو بمساعدتك من ناحية التخطيط والوقت ولكن لم يقل لك احد أن الميزانية غير كافية وخطرة في السفر

انصحك بالغاء فكرة السفر بهذى الميزانية فهي لن تغطي أكثر من 6 أيام

الميزانية للشخص 150 دولار باليوم وتقل الى 70 دولار الى كان هناك قطه بين 3 وكل ما زاد العدد قلت الميزانيه على الفرد ( هذا بخصوص السكن والاكل )

الان70 في 3 اشخاص يساوي 210 دولار باليوم ويعني 800 ريال ميزانية اليوم ( المزيانية العادة من 700 ولغاية 1200 لليوم )

800 ريال هذه ستكون فقط للاكل والسكن والمواصلات

800 ضرب 9 ايام الذي ترغب بالسفر فيها يساوي 7200 ريال

تتبقى 1800 ريال لثلاث اشخاص للرحلات

أي أن مصرفكم للرحلات والوناسة 200 ريال باليوم لثلاث اشخاص

يعني الشخص 66 ريال

بالله عليك هذا ينفع ؟

السفرة الي ما تدلع صاحبها ما أحسها سفرة

ولك بالاخير القرار

وعليكم السلام ورحمة الله وبركاته







حبيت اضيف نقطه بالنسبه للجوزات ماعاد صار مثل اول تروح وتقدم على جواز وتطلعه في اليوم الثاني الحين صار نظام مواعيد







النقطه الثانيه الميزانيه



اذا بتاخذ معك عزبه بتوفر عليك كثير وهو الافضل والاصح



الصرف في الجبل الفلا تستاجرها بحدود (200) إلى (250) في اليوم



السواق (180) إلى (200) ريال وانصح بركوب الدبابات للمزارات القريبه من السكن اوفر للشخص تقريبا (15) ريال يوديك ويجيبك



الاكل والشرب بالامكان الاستغناء عنها اذا كان معاك عزبه اما في حال عدم وجود عزبه احسب على 60 ريال يومي للشخص وتزيد شوي (180) ريال لاحظ انك بتوفرها بوجود عزبه



المزارات احسب كل يوم للشخص (80) ريال



ومبلغ (200) ريال للوازم الاخرى والجانبيه لكم الثلاثه



المجموع اليومي (900) ريال تقريباً اضربها في عشره تصير (9000) مفصله



بس فيه ضريبة دخول البلاد وضريبة خروج

الدخول (132) ريال للشخص الخروج (50) ريال للشخص



واذا كان تبي تشتري هدايا الافضل كل واجد يحط مبلغ خارج القطه في جيبه