الموضوع: في موقع Royal Caribbean ما رأيكم في independence of the seas هل هي رائعة بقدر Freedom

اورلاندو و ميامي بشهر اغسطس مايصلحون

المشاركة الأصلية كتبت بواسطة Muneera.bh
http://www.arabtravelersforum.com/tr...7/#post8354524

اورلاندو و ميامي بشهر اغسطس مايصلحون



أشكرك على مرورك


اختياري لفلوريدا بحكم نشاطاتها الترفيهية المتنوعة اكثر من ولايات امريكا الاخرى و دول اوروبا


صحيح أن الطقس حار ورطب في فترة الصيف على ميامي و اورلاندو


لكن الكثير من الاخوة الاعضاء كانت سفرايتهم ما بين June - Aug


و استانسوا كثيير

المشاركة الأصلية كتبت بواسطة aLKuwaitia
http://www.arabtravelersforum.com/tr...7/#post8354692

و عليكم السلام


الرويال كاريبيان اختيار موفق لكل المسافرين


بس كشهر عسل ليش تختار اورلاندو و ميامي؟ في مناطق مناسبه اكثر لشهر العسل .. انا اشوف اورلاندو عائليه مع اطفال مناسبه اكثر من شهر عسل ..
يعني ليش ما تخلونها لوس انجلوس .. لاس فيقاس .. سان دييقو .. نيويوورك .. هاواي .. الخ


1- جربت الاندبندس اوف ذا سيز العام في رحله باوربا .. روعه مثلها مثل كل سفن الرويال كاريبيان ..
2- في شهر 8 الحراره توصل في 30-32 يعني حر .. بس مناسبه للبحر و السباحه ..
3- الانشطه علي السفن ترا متقاربه بدرجه 80 الى 90٪ .. لان في اشياء اساسيه بكل السفن .. و من خلال الموقع الرسمي للرويال كاريبيان تقدر تشوف كل التفاصيل الخاصه في رحلتك و في السفينه اللي بتحجز عليها
4- بالنسبه عند الوصول الخيار لك .. الكروز راح يكون عندهم جدول رحلات لكل محطه وصول .. يا تحجز معاهم او تروح بكيفك .. اسعار رحلاتهم اغلى من لو تاخذها من برا .. بس اذا انت تبي شي مضمون و مرتب و ما تحاتي موعد الرجوع للباخره تحجز معاهم .. احنا حجزنا وياهم مره او مرتين و الباقي بروحنا .. اللي بروحنا استمتعنا اكثر
5- لما تحجز الغرفه لاتهتم وايد بهالكود لان هذا تصنيف الغرف لهم .. انت بس شوف تبي مع دريشه او بدون او مع بلكونه و موقعها علي خريطه الباخره
6- السعر يشمل معظهم الانشطه علي السفينه .. و كل الوجبات و السناكات المتوفره 24 ساعه علي الباخره .. في اشياء برسوم لكن اشياء اضافيه مثل المشروبات الغازيه و العصائر الخاصه .. و مثل مطعم جوني روكتس .. في مطعم للستيك ايضا برسوم .. في محل للكب كيب و الايس كريم بفلوس .. لكن صراحه ماراح تحتاج ابدا تدفع شي لان الاكل و الانشطه المجانيه فووووووووق المطلوب .. بالدور ال11 في مطعم البوفيه لكل الوجبات في كل ما لذ و طاب و اي شي تطلبه يوفرون لك اياه و مناسب لجميع الاذواااق .. 3 وجبات باليوم غير بوفيه الوجبات الخفيفه اللي بين الوجبات .. في الدور الخامس ايضا في كافيه شاي و قهوه و ماكولات خفيف فاتح 24 ساعه مجانا .. في مطعم بيتزا ايضا بالخامس مشمول بالسعر مفتوح 24 ساعه ..
و الانشطه طبعا مع العروض و المسرحيات و الشو اليومي و الجيم و غيره مشمول بالسعر
في صاله الالعاب تكون برسوم .. ماذكر في شي ثاني برسوم بعد
7- الفرق بين الديلوكس و السوبيرير الفرق بالحجم و بشي بسيط .. غالبا السوبيرير اكبر بشي بسيط لان يكون فيها سوفا ممكن تصير سرير ..


و اي سؤال تفضل .. علي فكره في السفينه اليديده كوانتم اوف ذا سيز .. يسمونها عالم الاحلام .. غير عن كل السفن و كل شي فيها واو .. حاجزين فيها ان شاء الله حق شهر 1 .. اذا حصلت عليها اي رحله مناسبه لوقتك لا تتردد تحجز فيها





يسلمو الف شكر


إجابتك ساعدتني كثــير


و شوقتيني اكثر للسفينة الجديدة

رووعة ما بعدها روعة


بس للاسف ما اقدر احجز عليها


شـاكر لك معلوماتك

Port Canaveral, Florida; CocoCay, Bahamas; Charlotte Amalie, St. Thomas; Philipsburg, St. Maarten; Port Canaveral, Florida




هل خط الرحلة يحتاج فيزا غير الامريكية ؟

^ ^مع الرويال كاريبيان ماتحتاج فيزا لأي جزيرة

اولا مبروك مقدما . بعد اذن صاحب الموضوع لاني مهتم بامر الباخره ماالاختلاف في مسميات البواخر كلها تحت شركه رويال كاربييان والاختلاف فقط في مكان التحرك ام ايضا من الداخل هناك اختلافات اعتذر عن الاطاله بس حبيت افهم الموضوع لاني بجهز لشهر العسل من الموبايل

المشاركة الأصلية كتبت بواسطة روميو1980
http://www.arabtravelersforum.com/tr...7/#post8355444

اولا مبروك مقدما . بعد اذن صاحب الموضوع لاني مهتم بامر الباخره ماالاختلاف في مسميات البواخر كلها تحت شركه رويال كاربييان والاختلاف فقط في مكان التحرك ام ايضا من الداخل هناك اختلافات اعتذر عن الاطاله بس حبيت افهم الموضوع لاني بجهز لشهر العسل من الموبايل



تختلف البواخر من داخل كل فئه عن ثانيه
لكن الاختلافات مو كبيره و جميعها علي مستوى عالي يليق باسم رويال كاريبيان

كروز رويل كريبين حلو بس جوفي حجمه السفينه كل ما اكبر كل ما احلا.
و على الانشطه في السفينه كل الانشطه ، الاكل شامل مع سعر الغرفه.
و كل يوم يحطون في الغرفه ورقه فيها مكتوب الوقت مال كل فعاليه ، نشاط بيصير فلسفينه.

و على الجو انا رحت كروز من كريبين كان صج حر ميامي عند كريبين ما انصح حر وايد و رطوبه في شهر اغسطس. بس السفينه كانت وايد حلوة.