الموضوع: احتاج لكم ابي احد يرتب لي برنامج بسيط

السلام عليكم ورحمة الله وبركاتة

صباحكم خير ان شاء الله
وصياما مقبولا ب اذن الله


اعزائي انا جديد هنا ومحتاج اراءكم بسفرتي


انا حجزت سفرة الى اندونيسيا وابي ترتيب او كتالوج او برنامج
ب صراحه ماعرف شئ نهائيا


اليوم حجزت 12 يوم .. يومين الطيران والجلوس هناك 10 ايام
من تاريخ 14 اغسطس الى 26 اغسطس
حجزت التذاكر والفنادق وتذكرة داخليه من مكتب سياحي وكلفني 11 الف ريال وشوي


جدولي كالاتي


15 اغسطس وصولي جاكرتا
16 اغسطس ذهابي الى باندونق والجلوس فيها 3 ايام
19 اغسطس ارجع لجاكرتا ورحلتي طيران الى بالي الجلوس فيها 4 ايام
23 اغسطس الرجوع طيران الى جاكرتا والجلوس فيها 3 ايام
26 اغسطس الرجوع طيران الى الوطن




الي ابيه منكم كتالوج او برنامج سياحي وارشادات يوجهني هناك
وكم يكفيني مصروف وكم المبلغ الي اخذه معي
يعني صرف متوسط


مع العلم السفرة شخصين انا وزوجتي وحديث الزواج يعني شهر عسل


ف ابي اماكن تناسب العوايل اكثر


وجزاكم الله خير


وشكرا لكم مقدما

مواضيع عشوائيه ممكن تكون تعجبك اخترناها لك:

• سؤال حول كرت الدخول
• حجز فندق في بالي
• سامحوني يامحبي بالي ..بالي ماعجبتني
• سعر التذاكر فنادق
• رحلتنا الرقيقه لارض الجمال والطبيعه ---=- اندونيسيا
• يآحيّ ويامليّ فزعتكم
• ضيف جديد لديه استفسارات
• اليوم سفرتي ومحتاج لكم دقيقة
• كيف تحجزون عن طريق النت بالخطوط
• لأهل الخبره في جاكرتا تكفوون
• الأجواء في أكتوبر رأيكم أعزائي الميزانية
• كم الميزانيه اللي تكفينا
• استفسارات مســـفر شهر العسل
• اتمني تقرير سياحي
• تم قطع التداكر ولله الحمد وجينا للحجز ببطاقة فيزا تسوالراجحي مسبقة الدفع ومشاكل الحجز
• استفسارات متعددة بخصوص الفنادق
• فزعتكم يالغالين
• استفسار بخصوص السكن في بونتشاك وبالي
• مسافر إلى بالي وعندي بعض الأسئلة جزاكم الله خير
• استفسار عاجلا ارجو التفاعل

ليش ترجع جاكرتا وتروح لبالي من جاكرتا تتعب نفسكاطلع من باندونق لبالي

هلا اخوي ابو ناصر والله انا ماعرف شيئ نهائيا خليت المكتب هو الي يحجز لي كل شيئف الي حجز لي قال ترجع من باندونق لجاكرتا ب سيارة للمطار عشان تطير لباليوعلى كلامه انو هذا الانسب والاسهل لك من الطيران من باندونق

وعليكم السلام ورحمة الله وبركاته
وصبحك الله بالنور والسرور
مع الاسف اخوي ان توزيعك للأيام غير موفق مع ملاحظة ارتفاع في السعر
اذا فيه امكانيه لتعديل الحجز يكون افضل ونضبط لك برنامج زين
وبانتظار ردكم الكريم


حبيبي نبي نحاول نضبط لك جدول بس فيه ملاحظات بقولها لك واذا بالامكان تعديلها يكون افضل بكثير
اولا توزيع الايام غلط وفيه منطقه اسمها بونشاك ومعروفه بالجبل هذي هي اساس اندونيسيا واذا ماجيتها معناتك ماجيت اندونيسيا هي منطقه ريفيه وجوها عال العال وبامكانك البحث عنها
ثانيا بإمكانك الاتسغناء عن باندونق او بالي يعني اذا رحت لبالي مايحتاج تروح لباندونق والعكس صحيح مع مراعاة ان مامعك الا عشر ايام
ثالثا انت ماعطيتنا الفنادق اللي تبي تسكن فيها علشان نعطيك الاماكن القريبه منها ونعطيك راينا بالفندق اذا كان زين او عليه ملاحظات لان فيه امور كثيره بالامكان تجنبها اذا كنت مرتب امورك وعادةً تكون بسؤال اللي سافروا قبلك
اخوي العزيز
في حال عدم قدرتك على تغير أي من الحجوزات وتريد الاماكن السياحيه والترفيهيه في المدن اللي تفضلت بذكرهن ,, هذا الرابط فيه اللي تبي وهو من اخونا المبدع المصباح
http://www.arabtravelersforum.com/travel823853/
ولا تنسى تقول للمكتب يعدّل حجزك من باندونق الى بالي مباشره وليس من باندونق الى جاكرتا الى بالي
والرجاء التأكد من جوازاتكم انها صالحه لاكثر من 6 شهور لاخذ الفيزه من مطار جاكرتا في حال وصولكم بالسلامه باذن الله
مع تمنياتي لك برحله سعيده

اخوي فهدالمكتب ماعنده سالفه
المفروض يعلمك وش الاماكن اللي يقصدونها السياح
يفضل تعديل الجدول ليكون كالتالي
توصل لجاكرتا وتروح مباشره للجبل بالسياره بونشاك 4 ايام
وتروح من بونشاك لجاكرتا تسافر لبالي بالطياره 4 ايام
ترجع لجاكرتا يومين قبل السفر

الله لا يبارك بذا المكتب يخي يقوم يتفلسف واخرتها هندي ماعمره طب الديره ,,,,
اخوي انت عندك احد امرين جدولك هذا مره مره ما ينفع وايامك لزم تكنسل مدينه والافضل تكنسل باندونق






السوال : المدة الفعلية 9ايام الى 12 يوم ..؟
الجواب : انصحك ان تجعل الزيارة ع ثلاث مدن
فيكون الجدول كـ تالي : جاكرتا ,, بالي ,, بونشاك ,,
او جاكرتا ,,بونشاك ,,باندوق ,




يا صاحبي ارجع للمكت وكنسل باندونق

ولو تقدر تكنسل كل الحجز منه لن سعره مبالغ فيه جداً جداً
السكن با اعلى حد له 500 باليوم مع السائق يعني 10 ايام فعليه 5 الاف ريال

^^^^^والله غابني المكتب يا رجل انا اتعد لك بسكن وسياره وخدمه وتذاكر طياران ما تتعدا 6500 ريال ايش ذا الاستغلال

هلا اخوي سلطان الشمالي سلطان كلامك صح 6000 وشوي بس هذي ب الشهور العاديه

انا حاجز 14 اغسطس يعني بالعيد والعيد معروف كل شيء يرتفع ورحلتي ترا مو دايركت لان الدايركت وصلت حدود 8 الاف الى 10 الاف

وسؤال يعني بشوف مكاتب ثانيه واذا حصلت مكتب كويس اقدر اكنسل كل شيء ويرجع مبلغي كامل ولا كيف !! من الموبايل

ياخووووي قاهرني هالمكتب كنسل كل شي والخبراء راح يساعدونك أول بأول ..............اذا


بتريد

مكاتب استغلالية اللهم اني صائم حسبي الله عليهم






والله من باندونق يرجعك جاكرتا 3 ساعات وتقدر تطير من باندوق الى بالي في ساعة ونص




حسبي الله عليهم من مكاتب


اذ تبي اي خدمة راسلني خاص راح اساعدك بكل شي ان شاء الله

أنا بحثت بتورايخك عن حجوزات الطيران من مدينتي الرياض والدمام

وكان اقل عرض على السريلانكية في حدود 3700
واتحاد الامارات في حدود 4000


======


عموما أخوي عطنا أسماء الفنادق في كل منطقة عشان نقول رأينا فيها
واذا ماكانت مناسبة ممكن نرشح لك كذا فندق وانت بدورك تطلب من المكتب يأمنها لك


وأيضا من الأفضل أن تبدأ ببالي قبل باندونق


بحيث يكون خط سير رحلتك كالآتي


السعودية - جاكرتا - بالي - باندونق - جاكرتا - السعودية

هذا اذا كنت ماتبي الجل بونشاك


واذا كنت تبي بونشاك وتبي بالي ايضا . فهنا تلغي باندونق


وتجعلها محطة قدوم من بالي او مغادرة الى بالي فقط لأن عدد ايامك ماتسمح


وفي بالي تحتاج الى سائق خاص يستقبلك في المطار
ويكون معك طول الرحلة إلى ان تغادر بالي .

الاربعاء ان شاء الله بروح للمكتب ف اما اني اكنسله او اني اعدله والغي باندونق واحط الجبل سؤال في مكاتب تحجز لي فلل ب الجبل ولا لما اوصل احجز !

وبعدين ي شباب انا طيراني طيران الاتحاد الامارتي والتذكرة 3800 للشخص

وراح ارجع للمكتب فالي عنده مكتب ممتاز يعلمني في الرياض او الشرقيه من الموبايل

لاتكنسل التذاكر الخارجية

فقط حجوزات الفنادق واحجزها من البوكينق بتوفر عليك كثير

اخوي فهد لاتكسنل التذاكر الخارجيه والباقي كنسله
وترا ماتحتاج لا مكتب ولا شي اسال هنا وحنا نجاوبك ونضبط لك جدول
لاتعمتد على مكتب ترا اكثر المكاتب ماعندك احد واللي يضبطونك يصلخونك بالسعر وانت بكيفك