الموضوع: موعد الاتصال بالموافقه الرجاء الافاده من لديه خبره

السلام عليكم

تحيه طيبه ياشباب


علشان لا اتعب واسوي المقابله واخسر نفسي ومن هالكلام انا عندي موعد بالسفاره يوم 28 /03/2007م وابي اسافر في 01/05/2007م هل الموافقه للسياحه طبعا مو الدراسه تجي قبل موعد السفر والا انسى الموضووع وهل الجواز ياخذونه بالمقابله والا كيف ؟ واستلام الفيزا لازم احضر بالرياض والا يرسلونها بالبريد مع الجواز والا ايش النظام ارجو الافاده من اللي عنده خبره وحصل على الفيزا

مواضيع عشوائيه ممكن تكون تعجبك اخترناها لك:

• وش هالموعد اللي ما تحدد لسا
• برنامج سياحي في رحلتي المدينة الرياض نيويورك
• نقل عفش من امريكا
• أبغي فندق في لوس انجلس بالقرب من المراكز التجارية أو المولات أو المجمعات التجارية
• ياليت تفيدوني عن اورلاندو وسان فرنسسيكو
• استفسار بسيط لواشنطن ؟
• مساعدة بعد الحجز من موقع الخطوط السعودية
• هل هذه الميزانيه تكفي ل يوم في امريكا
• اريد ترتيب رحلة مناسبة للاطفال الي كليفونيا
• أفضل فنادق أورلاندو موقعا وفخامة
• رأيكم في و
• مساعدة في ترتيب رحلة تغير جو الى نيويورك
• بنت الصقور وخبراء نيويورك ونيوجيرسي ممكن تدخلون
• اخطر مدن امريكاأأمن مدن امريكا
• رحلتي الى نيويورك قادمه هل من مساعد
• مساعده ياشباب بتوفير سكن بأنديانابولس
• صدق او لاتصدق موقع يخفض لك اسعار الفنادق واجار السيارات
• سؤال لخبراء لاس فيغاس ولايهونون الباقي
• نيويورك في شهر
• بلييييز هلب مي نياقرا فولز

المشاركة الأصلية كتبت بواسطة ghost_9


السلام عليكم
تحيه طيبه ياشباب
علشان لا اتعب واسوي المقابله واخسر نفسي ومن هالكلام انا عندي موعد بالسفاره يوم 28 /03/2007م وابي اسافر في 01/05/2007م هل الموافقه للسياحه طبعا مو الدراسه تجي قبل موعد السفر والا انسى الموضووع وهل الجواز ياخذونه بالمقابله والا كيف ؟ واستلام الفيزا لازم احضر بالرياض والا يرسلونها بالبريد مع الجواز والا ايش النظام ارجو الافاده من اللي عنده خبره وحصل على الفيزا




اخوي ghost_9 انا مطلع فيزا سياحية في اغسطس 2005 اجريت المقابلة في 23 جولاي ودقوا علي في 10 اغسطس يعني بعد 17 يوم تقريبا .... عشان كذا اذا اوراقك كاملة ونظامية 100% ان شالله موعدك مناسب جدا لأنه قدامك اكثر من شهر ... وعموما فيزة السياحة اجراءاتها غالبا اسرع واكثر مرونة من فيزة الدراسة ...

وبالنسبة للموافقة ترا مالها ارتباط بموعد سفرك يعني ماعليهم منك متى ما خلصوا دراسة طلبك ردوا لك ويا ما ناس تلخبطت خططهم بهالسبب ....

اخذ الجواز يعتمد على المقابلة اذا امورك تمام والي قابلك مشى امورك بياخذ جوازك مباشرة ويعطيك كرت تجي تستلم الجواز به بعد سبع ايام بالضبط بين الساعة 3 و4 العصر .. واذا ما مشت امورك بيعطيك جوازك وورقة صفرا ووحدة حمرا فيها ايميل للاستفسار ويقولك انتظر اتصالنا ...

بالنسبة لاستلام الجواز بصراحة انا ما جربت نظام البريد ونصيحتي لك اذا انت حريص على السفرة وتهمك الفيزا الأمريكية تعال سلم الجواز بنفسك ولا تدخل في متاهات وحرق اعصاب البريد حتى لو كان من فيديكس والاستلام ممكن اي احد تعطيه الكرت ويستلمه عنك ... ولا تشيل هم اذا انت من برا الرياض ابشر باللي يقهويك ويضيفك الصقعي والبرحي :109:


موفق ان شالله

مشكور اخوي بس كم سؤوال الحين اخوي انت لخبطتني شوي شوي فهمني انت اتصلو عليك بعد 17 يوم والجواز كان عندهم ؟ يعني اخذوه منك ولما اتصلو فيك كان الموافقه للفيزا ؟ والا اتصلو عليك بعد 17 يوم علشان يقولو لك هات الجواز ترى الفيزا اتوافق عليها ؟ وبعدين وش سالفه ال7 اسابيع
هل لما ياخذ الجواز مني ويتصلون فيني اخذ الجواز بالفيزا او يطلبون اجيب الجواز علشان احصل على التأشيره ؟ يعني ابي افهم كم مره لازم انزل من جده على الرياض مره علشان المقابله وفهمناها كمان انزل مره ثانيه بعد اسبوع او لما يتصلون علشان اسلم الجواز
وبعدين ياخي انا مكثر السفرررات على سوريا خخخخخخخخ هالسنه صار لي خمس مرات رايح جاي بالاعياد وبغير الاعياد وهل يمنع اذا حطيت عنوان صاحبي اللي راح اسكن عنده مده الاسبوعين انا كتبت عنوانه كامل وتلفونه , هل يحتاج اجيب منه زياره او شيء لان انا كاتب بالطلب لغرض السياحه وكاتب كمان عنوان صاحبي اللي راح اكون عنده

المشاركة الأصلية كتبت بواسطة ghost_9


مشكور اخوي بس كم سؤوال الحين اخوي انت لخبطتني شوي شوي فهمني انت اتصلو عليك بعد 17 يوم والجواز كان عندهم ؟ يعني اخذوه منك ولما اتصلو فيك كان الموافقه للفيزا ؟ والا اتصلو عليك بعد 17 يوم علشان يقولو لك هات الجواز ترى الفيزا اتوافق عليها ؟ وبعدين وش سالفه ال7 اسابيع
هل لما ياخذ الجواز مني ويتصلون فيني اخذ الجواز بالفيزا او يطلبون اجيب الجواز علشان احصل على التأشيره ؟ يعني ابي افهم كم مره لازم انزل من جده على الرياض مره علشان المقابله وفهمناها كمان انزل مره ثانيه بعد اسبوع او لما يتصلون علشان اسلم الجواز
وبعدين ياخي انا مكثر السفرررات على سوريا خخخخخخخخ هالسنه صار لي خمس مرات رايح جاي بالاعياد وبغير الاعياد وهل يمنع اذا حطيت عنوان صاحبي اللي راح اسكن عنده مده الاسبوعين انا كتبت عنوانه كامل وتلفونه , هل يحتاج اجيب منه زياره او شيء لان انا كاتب بالطلب لغرض السياحه وكاتب كمان عنوان صاحبي اللي راح اكون عنده



هلا ghost_9 بالله ركز معي ونا خوك :

- اتصلوا علي بعد 17 يوم من المقابلة والجواز كان معي مو عندهم وقالولي تمت الموافقة لك على الفيزا جب جوازك اي يوم غير الأحد لأنه يوم خاص بالطلاب ..

- ما فهمت قصدك بال7 اسابيع وان كنت تقصد حالات معينه ما دقوا عليهم الا بعد 7 اسابيع اقولك ترا فيه عوامل كثيرة تأثر على الفيزا تختلف من شخص آخر منها على سبيل المثال اسم العائلة ..

- اذا خذ الجواز وقت المقابلة ان شالله امورك تمام وغالبا تمرهم بعد اسبوع وتاخذ الجواز بالفيزا .. واذا ما اخذه تجي بعد اتصالهم تسلم الجواز والورقة الصفرا وتجي بعد اسبوع تاخذ الفيزا ..

يعني تنزل الرياض عشان المقابلة ... اذا خذوه في المقابلة تنزل بعدها بأسبوع تستلم جوازك بالفيزا .. اذا ماخذوه في المقابلة تنزل مرة تسلم الجواز ومرة تستلمه ...

يعني مرتين تنزل الرياض اذا استلموا جوازك في المقابلة ..
ثلاث مرات اذا ما استلموه في المقابله ... ( اعتقد شرح ممل اتمنى فهمته )

- سوريا بلد سياحي للعرب وهم عارفين الشئ هذا وكثير طلعتلهم الفيزا وهم رايحين لسوريا .. قلهم زياراتي كانت للسياحة سواء مع اصدقائك او عائلتك ..

- بالعكس ما يمنع اذا انت رايح له بس حاول تحط كافة البيانات عنه بشكل دقيق ...


موفق ان شالله ..

تسلم وماقصرت وفيت وكفيت ولكن انا قريت عن احد الاخوان انه لك الخيار انهم يرسلون لك الجواز بالفديكس مادري وش كان قصده هل بالفيزا ام بدونها

على العموم مشكور جدا شرحك كان وافي والله يعيينا على الخسااااير بس نقطه حلوه انك ذكرتها انه اقدر اخلي احد يستلم عني الجواز ويرسله لي من اقرب فرع لنا بالرياض يوصل ثاني يوم لفرعنا بجده

تحياتي لك

طبعا اذا بيرسلولك الجواز اكيد بالفيزا لأنهم ما استلموه منك إلا لإصدار الفيزا ... والي بيستلم الجواز عنك لاتنسا تعطيه الكرت الصغير حق الإستلام وتذكره بموعد الاستلام ..

موفق ان شالله