الموضوع: إستشارة لشهر العسل في اندونيسيا ولا سريلانكا

آلسَلآم عليكَمْ ورحمهٰ الله وبرَكَـاتهْ*
هلا وغلا بـ أخواني الكرام

إطلعت على جزء من موضوعاتكم ولا يسعني الا الشكر الجزيل لمجهوداتكم الجبارة

مقبل على زواج و يكون زواجي في 6 / 10 بعد رمضان بمشيئة الله عز وجل

و أحتاج منكم أستشارة + مساعدة*

محتار في شهر العسل هل يكون في
- سريلانكا مدة قرابة 10 أيام + جزيرة مالديف 4 أيام

-*اندونيسيا قرابة 15 يوم ويكون منها جزيرة بالي*

سؤالي هل جزيرة بالي رائعة كما نسمع عن مالديف*

لو نصحتني في*اندونيسيا

+ افضل الاماكن خلال سفرتي + الاماكن السكنية + التكلفة التقريبية هناك*
تنبيهات تقدمونها لي
جديد على السفر خارج البلاد

ولو تنصحوني في سريلانكا افضل الاماكن خلال سفرتي + الاماكن السكنية + التكلفة التقريبية هناك* وكذلك مالديف



ما اعرف انجلش*


شاكر لكم و مقدر والله يكتب لكم الاجر و العافية من الموبايل

مواضيع عشوائيه ممكن تكون تعجبك اخترناها لك:

• ساعدوني بوضع جدول لسفرتي بالي وسنغفوره وماليزيا
• ايش رايكم في شقق اسكوت الفندقية جاكرتا
• استفسار عن قيمة الفيزا بالريال السعودي
• ما هي مكونات العزبة المشاركه والفائده للجميع
• منتجع بنانا في باندوق ضروري بسرعه
• طالع لحالي فمالي الا الله ثم اصحاب القلوب الرحيمة الفزعة
• ارجو المساعدة
• رايح بعد يوم
• استفسار عاجل
• قــســم يـوم بين بـالي و جاكرتا أهــل الـذوق و الخـبرة ويـنـكـــم
• سؤال عن شركات الاتصالات
• مساعدة بالصرف
• استفساار
• محتار ومتردد ساعدوني ؟؟؟؟؟؟؟؟
• نبي فزعتكم ۔ لو بكلمة
• استفسار بخصوص فندق
• مساعدة بالنسبة للسفر من جاكرتا الى جزيرة لمبوك
• بخصوص التذاكر
• فزعتكم يا نشاما للعائله
• الفزعة يا أهل الخبرة

شوف يا غالي .. المالديف ما تقارن بأندونيسيا ... بس المالديف بميزانيه 4 ايام تقدر تقضيها باندونيسيا 15 يوم .. بالي فيها مناطق مختلفة ولا لي خبره فيها كثير.. لأكن لو مالك بالنشاطات و لبس الاجانب الخالع تقدر تشوف لك مناطق ممتازه في بالي و تاخذ فله صدقني بالي لو تروح لها راح تشتاق لها بعد الرجعه ( اسألني مجرب مره و اول ما رجعت للسعودية قمت اخطط السفره الثانية )

لو تقدر تروح المالديف 10 ايام تعتبر مناسبة لشهر العسل .. بس حرام تجبر نفسك تروح المالديف 4 ايام عشان الميزانية ما تكفي . انصحك باندونيسيا لو الميزانية لك عليها
ما انصحك بالجبل لشهر العسل مافيه اي دعم سياحي غير كم شغلة بسيطة

انا مثلك اول مره اسافر برى , لأكن هالمنتدى نورني من بعد الله ولا حصلت لي اي مشكلة او تعكير مزاج لأني قريت كل شي هنا قبل اسافر ..

وعليكم السلام ورحمة الله وبركاته
هلابك اخوي الكريم
والف مبروك الزواج والله يتمم على خير
سيرلانكا ماعندي خلفيه عنها وجزر المالديف اعرف انها حلوووووه كثير بس غاليه كثير
اندونيسيا حلوه وبالي بعد حلوه لكن كمقارنه مع جزر المالديف مادري

افضل الاماكن والاماكن السكنيه هذا رابط لهن وينفعك ان شاءالله http://www.arabtravelersforum.com/travel823853/
http://www.arabtravelersforum.com/travel432214/
التكلفه التقريبيه للشخصين من سكن و سواق وفعاليات ومطاعم تقريبا 1000ريال هذا السعر المتوسط تقريبا واذا تبي تطنخ عمرك تزود باستثناء بالي لان بالي اغلى من ناحية السكن
هذا رابط لتقرير عن شهر العسل في بالي ينفعك ان شاء الله http://www.arabtravelersforum.com/travel896122/
امورك ان شاء الله كويسه حتى لو ماتعرف انجلش السواق معك
والحاجه الثانيه الجبل اكثرهم او تقريبا كلهم يتكلمون عربي واسواق ومجمعات جاكرتا يعرفون عربي ولاتشيل هم اللغه ان شاءالله مهي عائق

ويفيدونك الخبراء ان شاء الله اكثر مني
وبالتوفيق

اولا مبروك والله يجمع بين قلبيكما ويرزقكما الذرية الصالحة
اذا تقدر علي باكج في المالديف لو يكون الايام اقل فتوكل علي الله
لاتجمع سيريلانكا والمالديف مع بعض الميزانيه بترهقك في المالديف والسفر مو مناسب لدولتين بوقت واحد الا لجيب راهي
سيريلانكا طبيعة بكر خدمات قليله
اندونيسيا يعيبها توقيت سفرك لمصادفتة لاجازه الصيف لدينا هذا العام والتي لن تنتهي الا باول شهر ذي القعده يعني قد تري سعر التذاكر غالي مو رخيص وقتها
خذ فره بكل الاقسام للخيارات التي اخترتها واستخر وقرر

الف مبروك والله يبارك لكم

الاخوان كفو ووفو بالكلام بس من تجربه ابعد عن سيرلانكا في شهر العسل مرهقه لكم والتنقل فيها صعب والطبيعه تمل منها في ثالث يوم
المالديف ممله جدا اغلب الفنادق يكون فندق واحد في جزيره ويكون يومك محصور فيها وتقدر تمارس رياضة الغطس او العاب بحريه وهي وغاليه بعد والجو حار والشمس تحرق عندهم


واذا تبي نصيحة اخوك رح بالى فيها مناطق مختلفة التضاريس تبي براد وغابات تروح منطقة ابود تبي شواطي وفله رح كوتا تبي شواطي رومنسيه رح سمنياك وجمبران ومنتجعات وفلل ا بمسابح خاصه ورحلات كل يوم لك في برنامج رايح تعيش احلا شهر عسل باذن الله


جكرتا حلوه للي يحب التسوق والمولات واذا بتاخذ هدايا