الموضوع: آرجوا المساعدهه اخواني رحلتي اليوم آبريل واول مره اسافر ولا اعرف اي شي

السلام عليكم ورحمة الله وبركاتة
كيفكم اخواني اخباركم

انا اليوم مسافر الاحد 6 آبريل

وصراحه اول مره اسافر ومعاي 2 وبعد اول مره يسافرون

فياليت تقدرون تساعدوني بمعلومات كافية بكل شي
انا بجلس 14 يوم باذن الله
اوصل جاكرتا 7 آبريل
والرجعه ان شاء الله 21 آبريل
وابي مساعدتكم بمعلومات مهمه ومفيده وشكرا

مواضيع عشوائيه ممكن تكون تعجبك اخترناها لك:

• رحلتي الى الصين م
• سؤال الله لا يهينكم
• هل صحيح هذا الكلام؟؟؟
• لاهنتو تخطيط للرحلة
• الى خبراء العمة
• أرجو مساعدتي رحلتي قربت
• ساعدوني ربي يجزاكم الجنه اول رحله نبغى اصحاب الخبره
• رحلة إلى بونشاك ،ترتيبات مبكرة جداً
• لمساتكم تهمني في رحلتي
• مسافر للصين لشراء بلاط وتشطيب عماير منزلية للإفادة من الخبراء
• إخواني وأخواتي أرجو مساعدتكم لي رحلتي لي اندونيسيا
• عاجل فزعتكم لم يبقى على سفري شيء
• المصباح
• من وين أحول فلوسي ياااااااااااااعرب
• افدوني باسعار والحجز
• إستفسارات
• افيدوني في اختيار أحد البرنامجين مشكووووووورين
• ماريوت جاكرتا
• استفسارات لسفرتي القريبه
• استفسااار عاجل

وعليكم السلام ورحمة الله وبركاته

انت ماتعرف شي ابد؟؟؟ او تبي جدول للمناطق او السكن او تبي تعرف عن العمله ؟؟؟
والله ياخي مادري وش المطلوب بالضبط بس بقولك اللي انا فهمته اللي هو الجدول و وين الاماكن اللي تروح لها واماكن الفعاليات والسكن طريقته وقبل هذا كله اجراءات الدخول والفيزه
اول شي تصرفون دولارات للفيزه قيمة الفيزه للشخص 25 دولار انتم 3 يعني 75 دولار هذي للفيزه وتفيزون من المطار لاوصلتوا بالسلامه ان شاء الله وبالطياره يعطونكم كرت تعبون الكرت وهذا رابط من ام عزيز ماقصرت كفت ووفت بالشرح http://www.arabtravelersforum.com/travel515644/

بعدين من الحين تتفق مع سواق وهذا رابط لارقام السواقين تتفق مع واحد معهم ويكون معك رقمين او ثلاث احتياط اذا ماجاء اللي اتفقت معه او صار شي تدق على الثاني وهذا رابط من اخونا ميدان ماقصر جمع فيه ارقام السواقين http://www.arabtravelersforum.com/travel389407/
اسعار السواقين من 450الف روبيه الى 500 الف روبيه لحد يضحك عليكم هذا بالنسبه للجبل جاكرتا مايحتاج سواق عندكم التكاسي وحاسبه على العداد بالي ماعندي خلفيه عنها
بعدين ترتب الجدول على عدد ايامك وفترتكم كافيه ووقتكم ماشاء الله زين حيل يعني ماتصادفون زحمه باذن الله http://www.arabtravelersforum.com/travel823853/
نصيحه اذا كان وقت وصولكم جاكرتا من الصباح الى الساعه 2 او 3 اطلع علطول للجبل و7 ابريل يصادف يوم الاثنين يعني اموركم تمام مافيه زحمه بالطريق ولا شي لان الويك اند عندهم السبت والاحد
وانا توي جاي من اندونيسيا سعر الصرف عندهم للريال 3000روبيه وبعض الاحيان ياصل الى 3020 روبيه للريال وانصحك ماتصرف من المطار لان السعر طايح لارحت ان شاء الله لبونشاك (الجبل) اصرف من ماكتب بافقيه هو افضلهم من ناحية السعر واذا كانت بالي من مخططاتكم رح بعد لمكتب بافقيه وهو يضبط لك جدول من حجز طيران وفنادق وانت قل للسواق رح لمكتب بافقيه وهو يدله

بالنسبه للسكن فيه هنا فلل وفنادق من تقارير الاعضاء شفها واذا اعجبك شي منها لاوصلت ان شاء الله قل للسواق ابي المكان الفلاني او الفله الفلانيه او الفندق الفلاني وهو يوديك يمه وهذا رابط لاخونا المصباح ماقصر جمع مواضيع الاعضاء سواء فلل او فنادق بطريقه منظمه ومرتبه http://www.arabtravelersforum.com/travel432214/ او انك تروح هناك وتقول للسواق يوديكم للفلل وانتم تختارون اللي تبون وبالسعر اللي تبونه او تبون فندق فيه بعد ويفضل الفنادق تحجز من هنا عن طريق موقع بوكينق او اقودا اذا كانت معك فيزا
وهذا رابط لاخونا الشمالي سلطان مبين فيه تقريبا كل شي http://www.arabtravelersforum.com/travel757665/
واهم شي باندونيسيا المكااااااااااسر كاسره على السعر يقولك ب200 قله ب30 ب 40 يوافق علطول واذا ماوافق يجي غيره عنده نفس الشي اللي انت تبيه
هذا اللي طرا على بالي لان سؤالك كان عام واذا بغيت تستفسر عن شي محدد او بالك شي لايردك الا لسانك اسأل وتلقى الجواب باذن الله سواء مني او من الاخوه الكرام
وبالتوفيق

نسيت اهم شي صلاحية الجواز تكون فوق 6 شهور
يعني يكون باقي له وينتهى اكثر من 6 شهور,, 5 شهور و29 يوم يردونك مع اثرك علشان كذا شوفو لجوازاتكم اذا جديده تمام اذا باقي لهن وينتهن اقل من 6 شهور جددوا جوازاتكم اليوم اذا امدى
وبالتووووفيق

ماشاء الله عليك يا برنس برزانرد يخلي الاعمى يفتح
جزاكم الله خير جميعا