مكتب كاها بعد ما تطلع من صاله القدوم وتفتيش الجمارك تطلع تجد مكاتب التكاسي كانك تبي تطلع من الصاله لخارج المطار بتشوفه بيسارك بينك وبينه سياج حديد يصير بيسارك عند الباب تطلع من الصاله لاتتجه للشارع العام ارجع وادخل من البوابه الجانبيه اللي امام المكتب
اما الحجز من بوكينق واقودا مافيهم مشاكل غالبا المواقع مشهوره وعالميه اخوي بس تاكد من مزايا كل حجز لان كل حجز له مزايا وسياسه الغاء وخصم وعموما بوكينق يوفر خيارات كثيره مافيها استقطاع من الفيزا بل الدفع يكون كاش
اذا حجزك بوقت مو موسم وسيزن عادي كاها بيكفيك اما اذا بسيزن او تبي فندق معين تخاف يكون فل بيوم وصولك فالافضل تحجزه من النت قبل سفرك
استون مارينا مو فندق بل شقق فندقيه
اذا رحلتك مساء وصولك هناك لا تدخل جاكرتا ان كانت نيتك فقط مبيت ليله وسفر ثاني يوم لبالي عشان توفر حق التكسي لوسط جاكرتا ذهاب واياب وزحمه وسط جاكرتا ممكن تسكن بفندق قرب المطار او فندق المطار نفسه رغن ان المنطقه كئيبه ولافيها خدمات بس اذا رحلتك بليل وصول فعشاء نوم فقط بيكون انسب
اما لو بتوصل نهار كعاده اغلب الطيران في رحلاتهم فالخيارات واجد لاتتعمق بوسط جاكرتا
عندك بولمان سنترال بارك مو رخيص بحدود 100 الي 120 دولار لليله وهو مناسب وتتعشاء في تمان انقريك او سنترال بارك ملاصقين له وترتاح وثاني يوم لبالي
وفيه فنادق كثير اخوي بوسط البلد تفي بلغرض حدد قيمه السكن لليله بجاكرتا اللي واضعها بميزانيتك وابشر بننتقي لك الافضل حسب رؤيتنا
رد مع اقتباس
المفضلات