رحلة علاج الى بوسطن مع اطفالي

**ahmed3** · 02-05-2015, 05:25 AM

السلام عليكم ورحمة الله وبركاته ...

باذن الله طالعه رحلة علاج لابنتي الى الولايات المتحدة الامريكية - بوسطن ...

فحابه اعرف اكثر عن المنطقة وجوها خلال هالاربع اشهر القادمة ...

والاسعار فيها والسكن ... وشو الاغراض اللى بتنفعني هناك ...

وشاكره لكم ردودكم مقدما

مواضيع عشوائيه ممكن تكون تعجبك اخترناها لك:

**ahmed1** · 02-05-2015, 05:25 AM

المعروف ان بوسطن من المدن الغالية بأمريكا
الله يعينكم , و ارجو من الله تعالى ان يعجل بشفاء ابنتك

**ahmed2** · 02-05-2015, 05:25 AM

هلا اختي انا في بوسطن والجو حلو مطر وبراد اغلب الايام , تحتاجون معاطف خفيفه لفترة المساء والصباح الباكر لأن الهواء بارد هذه الاوقاتجيبو معكم القهوه والهيل والتمر الغير رطب وترامس القهوه والشاي عادي
لا تجيبون الرز لانه متوفر
كل اللي معكم سجلوه في ورقة الجمارك في الطائره قبل الهبوط والمبالغ النقديه بكل دقه
لم يد هناك كرت هبوط او لاندينق كارد اللي يدبسون جزء منه في الجواز مثل اول , فقط ورقة الجمارك
بصراحه السكن غالي ولكن يتعوض هذا المبلغ اذا استعملتو المترو للتنقلات بيوفر عليكم كثير

الخليجيين هنا كثير في ماس جنرال وما راح تحسون انكم برى الخليج والشعب هنا ودود وخدوم جدا

يوجد ثلاث جوامع ما شاء الله ويتوفر الاكل الحلال بكل سهوله وهو رائع جدا

البلد آمنه جدا وحق المشاة هنا مقدم على السيارات
بالنسبه للسكن اذا السعر ما يهمكم خذوا في ال vesta 175 أو asteria
اما اذا تبون الرخيص من 4000-5000$ عليكم ب Emerson 10 or Emerson 1
احنا صار لنا اسبوعين هنا واي سؤال انا حاضر
والله يشفي مريضنا ومريضكم وبالتوفيق ان شاء الله

**alifun** · 02-05-2015, 05:25 AM

مشكورين على الردود ... انا ادور على سكن رخيص يعني شقة بغرفه وحده مع مطبخ وصالة وحمام عزكم الله ...

وما يهمني المكان قريب ولا بعيد بس ابيه وسط المدينة يعني قريب من كل شي ...