الموضوع: نصايحكم واراءكم دليلي السياحي

السلام عليكم ورحمة الله وبركاته
صبحكم الله بالخير
انا باذن الله نويت اسافر اندونيسيا بزوجتي وولدي في تاريخ 10 / نوفمبر وارجع بتاريخ 21/نوفمبر وعندي استفسارات كثير وماالقئ اجاباتها الا عندكم مع العلم ان هذي اول سفره لي لهذا البلد المعطاء 😄
ببدا استفساراتي
ماهو انسب وقت للوصول لجاكرتا
----------
الميزانيه 10000 بواقع 1000 لكل يوم
هل هذا المصروف اليومي كافي بواقع اكل وشرب وتنقل وسكن وتذاكر دخول
غير شامله للتذاكر مع 3000 الاف احتياطي. هل اضع بعض الميزانيه ببطاقة الفيزا او احول بعض المبلغ بين حساباتي احتياطا لتعطل احد البطاقات
----------
هل احول المبلغ كامل للعمله الاندونيسه ام للدولار
هل احول من الرياض ام من مطار جاكرتا
هل احول كامل المبلغ او مصروف 3 ايام وهكذا
ان كان من جاكرتا فكم المبلغ اللي اخذه معي نقدا من الرياض
-----------
حسب ماقرءت لاحاجه في البقاء في جاكرتا والتوجه للجبل هو افضل خيار وتترك جاكرتا لاخر يوم او يومين للتسوق
هل الجبل ملاءم للعائله وارجو ذكر افضل اماكن تستمتع بها العائله
ماهي المدن القريبه من الجبل استطيع زيارتها والعوده للجبل او الاقامه بها
اتمنئ ذكر الفنادق الامنه والنظيفه
----------
اعطاني احد الاصدقاء رقم سائق يكون معي بمبلغ 200 ريال في اليوم
هل وضعه في السليم ام مبالغ فيه
----------
هل من الافضل ان يكون حجزي ذهاب فقط والحجز من هناك عوده حسب المزاج او الافضل ذهاب واياب
هل اؤؤكد حجز العوده فور وصلي لجاكرتا
---------
هل الاجواء بارده ام معتدله
--------
لغتي الانجليزيه ضعيفه هل ستشكل عائقا امام استمتاعي بالرحله
-------
هل اغراضي الشخصيه ستقيد تحركي ام يوجد مكان امين لجوازي وبطاقاتي
--------
الا يالربع عندهم مكاشيت وافل عزبتي عندهم ولا ماينفع
-------
اذا حسيتو اني مانفع اروح هالديره من كثر الاسئله لاتستحون علموني اروح لحايل


اشكر لكم مجهوداتكم واعذروني لكثرة الاسئلة

مواضيع عشوائيه ممكن تكون تعجبك اخترناها لك:

• استفسارات ابونواف وريما
• وش الحل يالربع
• استشاره لاهل الخبره
• افيــــــدونـــــي الله يعطـــيكم العــــافية
• إستفسار لأصحاب الخبرة في إندونيسيا
• مساعدة جدولة رحلة لأول مره
• بكج كامل
• الفزعة ياشباب
• بخصوص العمله يا اخوان
• استفسار
• فضلا وليس أمراً من الخبراء
• ما هو سبب ارتفاع اسعار الفنادق ؟
• محتار يا اخووووواني ارجوووو مساعدتكم
• نصيحتكم بالنسبه للسفر في فبراير الاجواء مناسبه؟ مدة السفر والجدول
• ساعدوني؟
• الهــدف مــوجــود لاكــن تنقصــني بعــض المعــلومات
• ياخوان كم رقم دليل الاستعلامات في اندونيسيا
• استفسار حول اجواء اندونيسيا
• ساعدوني لتكون رحلتي نااجحة و رااائعة تجديد شهر عسل
• مساعده بتخطيط جدول رايق لو سمحتو

وعليكم السلام ورحمة الله وبركاته
انسب وقت للوصول الى جاكرتا هو الصباح او بعد الظهر حتى ما يضيع عليك كامل اليوم
الميزانيةض اللي انت حاطها معقولة وبتكفي بإذن الله
اذا بتحجز الفنادق من الانترنت خل فلوسها في الفيزا والمبلغ الاحتياطي يكون اضياً في الفيزا او احد الحسابات الجارية
اذا بتروح الى بالي خذ معك دولارات اما اذا كانت الرحلة بين جاكرتا وباندونق والجبل خذ مع ريال ومن السعودية حول لك مبلغ 3 الاف ريال الى روبية والباقي تحوله من اندونيسيا ( لا تحول شيء من المطار لان الصرف عندهم نازل )
الجبل مناسب جداً للعائلة
للاماكن السياحية في الجبل شاهد هذا الموضوع
http://www.arabtravelersforum.com/travel823853/
المدن القريبة للجبل وتقدر تروح لها في نفس اليوم وترجع هي بوقور
افضل الفنادق في الجبل هو سيروني 3
وهذه طريقة حجزه
http://www.arabtravelersforum.com/travel759519/
سعر السائق معقول بشرط سيارته نظيفة والبنزين ورسوم الطريق عليه
لازم يكون عندك حجز ذهاب وعودة والا ما راح يعطونك فيزا دخول لاندونيسيا
وبعض شركات الطيران لا تتطلب تأكيد حجز العودةو لكن الافضل انك تتصل على شركة الطيران اول ما توصل وتأكد الحجز
الاجواء في جاكرتا رطوبة ومعتدلة وبعض الاوقات تكون حارة
الاجواء في الجبل معتدلة الى باردة
اللغة الانجليزية ليست عائق لان الغلب يتكلم شوي عربي وبتمشي امورك
الجواز والبطاقات الافضل تخليها في صندوق الامانات في الفندق اذا وجد او تحطها في مكان آمن او احد الشنط
المكاشيت موجودة والعزبة مهمة وتوجد حدائق مثل شيبوداس تققدر تسوي غداك والشاهي والقهوة فيها ولا تنسى تاخذ مع الفرشة
حياك الله والجميع هناك يسعدهم الاجابة عن استفساراتك

جزاك الله خير اخوي طارق
اجاباتك مكتمله ورائعه
احتاج لطريقة السفر الئ بالي وكم يوم يناسبها

السفر الى بالي بالطائرة وعندك طيران الجارودا او طيران اير اسيا
بالي لا تقل ايامها عن 4 ايام واذا زدت فهي تستاهل