الموضوع: الرجاء المساعده عرض من موقع كوبون ذهاب وعوده بسعر ريال لشخصين

السلام عليكم ورحمه الله وبركاته
لو سمحتوا انا حابه اسافر بتاريخ 13 مارس 2014 يوم الخميس من الرياض الى جاكرتا والعوده بتاريخ 28 مارس 2014 يوم الجمعه
لانهم يقولون في شهر مارس اللي هو شهر 3 نهايه الامطار يعني هذا الشهر اخر شهر ينزل فيه امطار وتكون اندونوسيا كلها خضراء والجو غير بارد يعني مايحتاج نلبس شتوي
وجربت احجز عن طريق الخطوط السعوديه لاننا شخصين بالغين وطفل عمره سنتين بيكون السعر
مع الضرائب هو SAR 7,465.00
وجربت موقع
http://www.skyscanner.net
طلع لي افضل سعر بأفضل توقف على القطريه وهذي الصوره

كيف الخطوط القطريه هل هي مثل الخطوط السعوديه تقدم وجبات مجانيه وفيها وسائل ترفيه ؟؟
هل فيه صور لها لاني جربت طيران ناس وفلاي دبي مااعجبني ابدا صغير مره الطياره ومافيها
وسائل ترفيه والا خدمات وكل شي بفلوس

وموقع كوبون مسوي عرض للسفر من الرياض الى جاكرتا بشراء كوبونين لشخصين بالغين بقيمه 1430 ريال ولكن الطفل اللي عمره سنتين ماادري اشتري له كوبون والا لانه صغير يكون كوبونه بنصف القيمه يعني 357.5 ريال ؟؟ والا كيف وضعه ؟؟
http://www.cobone.com/deals/riyadh/k...9-cities/28004

فلازم قبل اجرب الحجز على هذا الموقع اذا فيه مجال بالتاريخ اللي احدده وجربت ولقيت بس ماادري هل
ادفع 1430 + لطفل عمره سنتين ماادري كم تذكره كامله او لا وهل ادفع بعد هذا المبلغ
الموضح بالصوره بعد ماجربت الحجز عن طريق موقعهم
يعني يطلع كذا



وطلع لي السعر 2984.32 هل ادفع هذا المبلغ بالاضافه الى 715 ريال لاني بسافر انا وزوجي وطفل عمره سنتين اذا بدفع المبلغ هذا بالاضافه الى 715 لي و 715 لزوجي بيكون 715+715=1430
ولكن الطفل اللي عمره سنتين كم ادفع له ؟؟
لانها بتكون كذا 2984.32 + 1430 = 4414.32 ريال واذا الطفل نص كوبون بيكون 715/2=357.5 + 4414.32 = 4771.82 ريال









السؤال الثاني / في حال تغييبي عن السفر لاي ظرف هل تروح علي التذاكر والا وش يصير
السؤال الثالث / الضرائب كم يحسبونها من الرياض لاندونوسيا لان الخطوط السعوديه تحسبها بسعر 7283 شامل كل شي
السؤال الرابع / كم وزن الامتعه المسموح فيه لاني اخاف ياخذون فلوس للضرائب والامتعه غاليه وبكذا بيكون نفس او اغلى من الخطوط السعوديه
السؤال الخامس / هل احد جرب السفر على هذه الخطوط هل هنا السفر على الاماراتيه والا فلاي دبي

والله يعطيكم العافيه جميعا

مواضيع عشوائيه ممكن تكون تعجبك اخترناها لك:

• هل فيه احد استخدم سامبا
• بلييييز مساعدة مابقي وقت
• الأفضل حجز سائق لكامل الرحلة أو كل يوم بحجز مستقل؟
• كيف بيكون الطقس في اجازة الحج
• عطونا رأيكم بالبرنامج السياحي
• ارجو المساعدة لخبراء اندونسيا
• عطونا جدول لرحلة اسبوعين شهر عسل
• برنامج رحلتي افيدوني
• خلاصة التقارير برنامج مميز يبنتظر لمساتكم
• عاجل جدا
• ضروووري عاجل بخصووص باالي
• سي انجور
• ماهي افضل المراكز التجاريه في جاكرتا
• باقي ايام فقط على الاقلاع
• المساعدة بترتيب جدول
• رحلتي قريبه ارجووو المسااااااااااعده
• بخصوووص الخطوط القطريه ؟؟استفسارات
• شباب كيف اوضاع العمة هذي الاوقات
• استفسارات الرومانسي
• تسوى السفره لحالك

وعليكم السلام ورحمة الله وبركاته
اختي الكريمة انصحك البعد عن موقع كوبون لان السعر بعد الحجز بيصدمك لان الضرائب كثير من الناس يشتكون منها ...
على الخطوط السعودية فيه حجز بمبلغ 6,249.00 ريال لشخصين بالغين وطفل
الخطوط القطرية ممتازة وخدماتها رائعة

من ناحية الخطوط القطرية حلوه
وخدماتهم رائعه
وبالنسبة للسعر مثل ما قال مشرفنا وخذي من نصائح اهل الخبره عشان تكونين مرتاحه
ولا تستعجلين شوفي موقع الخطوط القطريه هل اسعارهم في نفس التاريخ الي بتنسقين رحلتكم عليه راح يكون مناسب او بزياده شي بسيط
او ابحثي في بعض المكاتب السياحيه والمعروفه اكيد بتحصلين عندهم فرق عن سعر الخطوط الاساسيه واحتمال يكون ارخص بعد
وبالنسبة للوقت خصوصا الجبل اغلب اوقاته امطار وخير يعني لا تخافين اذا كان اغلب شي الجلسة في الجبل
انا رحت العام في تاريخ 2 ابريل يوافق تقريبا بالعربي 25-4 هجري وكل ايام الجبل بونشاك امطار وبالي امطار ورذاذ وكذلك جاكرتا
واتمنى لك التوفيق والحرص على البحث الجيد والمقارنه بين اسعار الخطوط الاساسيه واسعار المكاتب السياحيه

دمتي بود محبكم / البرنس المسافر

ونسيت نقطة بخصوص الكيلو المسموح في القطريه

كل تذكرة شخص 40 كيلو الا الصغير ما عندي خلفية عنه
يعني ان شاءالله ما تلحقون على 80 لانهم يجمعون الشنط كلها ويحسبونها على جميع التذاكر وراح تشوفين فيه باقي لكم شي كثير
وربي يسهل اموركم ان شاءالله

ودمتي بود محبكم / البرنس المسافر

وبالنسبة في حال التغيب لظرف طارئ لا قدر الله او وقت الاجازه ما يسمح

لازم وضروري قبل وقت الرحله بـ 24 ساعة أو افضل ب يومين اذا كان عندكم علم بالظرف قبل الرحلة بوقت يومين او اكثر

الضروري تروحون لنفس الخطوط او المكتب السياحي الي حجزتو عن طريقه وتبلغونهم انكم بتغيرون وقت الحجز لظرف طارئ

وراح يقول لكم اذا فيه فرق في السعر تدفعون الفرق وزياده على كذا الضريبه تقريبا 200 الى الى 300 تقريبا
واذا نفس السعر تدفعون بس الضريبه
اذا كان تذاكركم من المسترجعه اوك
واذا من الي عليها عرض غير مسترجعه
راح يختم عليها ختم غير مسترجع وغير قابل لتغيير وقت الرحله
مثل ما صار معنا كانت غير مسترجعه ودفعنا الفرق وختم عليها مثل ما قلت
وان شاءالله اكون افدتك فيه هذه النقاط وربي يوفقكم ويسهل امركم

كما نصحك مشرفنا الغالي وخاصة أن السعر على الخطوط السعودية تشجيعي وأفضل سعر وإذا لا يوجد
مانع بتغيير الموعد يومين قبل 13 يقل السعر 5774 ريال ..
الموقع الذي يعطيك سعر 1491 ريال على الخطوط الفلبينية يعني هناك توقف تقريباً 9 ساعات في الذهاب
والعودة ..
الموقع الثاني بالنسبة للكوبونات ياريت تقرئين الشروط بالأسفل فهي غير شاملة للضريبة !! والضريبة قد
توصل التذكرة للسعر الحقيقي وممكن زيادة ..
إندونيسيا أجوائها استوائية ولا يوجد داعي لملابس شتوية وفقط للطفل في الليل خاصة بالجبل ..