أولا بسم الله الرحمن الرحيم
موضوعي اني كان عندي مقابله يوم 27 مارس طبعا السفاره أرسلت لي الميعاد قبلها بشهر ونص طبعا كان أطول شهر ونص في حياتي المهم انتظرت علي أمل ان بعد المقابلة بحد اقصي أسبوع هكون في أمريكا طبعا حجزت تذكره السفر وكله تمام
المهم يوم المقابله رحت السفاره وكلي فرحه ودخلت وأخذت رقم وتم كل شئ تمام الي المقابله الاخيره مع القنصل كانت مقابله في اولها تمام لغايه لما قالي الضامن ضعيف جداً ومحتاجين ضامن أقوي ساعتها حسيت ان النور قطع *~* المهم قالي هتبعت لنا ضامن أقوي وقالي علي شروطه وبعدها أخدت الصدمة التانيه قالي بعد ما نستلم الضامن ورقك هيدخل ( إجراءات اداريه ) طبعا أنا معرفش حاجه قلتله طيب مدتها اد ايه قالي من أسبوع لعشره أيام
طبعا أنا راجع مدمر منمتش واتصلت علي اللي أعرفهم كلهم المهم اتبعتلي الضامن علي السفاره بعدها بعشره أيام طبعا أنا رتبت سفري تاني علي أساس اني مسافر ودفعت غرامه الطيران وللأسف حجزت علي طيران تاني علي أساس كلام القنصل اتصلت علي السفاره امس فكان الرد الصادم ان الاجراءات هذه ممكن تستمر شهر شهرين سته سنه المهم دخلت علي كل المواقع والمنتديات لقيت نفس الكلام السؤال اللي هيجنني ليه دخلت إجراءات أداريه وامتي هتخلص وامتي هسافر والمشكلة ان التذكره اللي حجزتها مبترجعش ممكن تاخرها طيب هأخر لامتي مخنووووووووووووق
وكل ما ادخل علي المنتدي ده أقول لا حالتهم غيري حالتهم غيري لغايه لما استسلمت للأمر الواقع وبقيت واحد من اللي منتظرين الاجراءات
بس يارب ميكونش الانتظار طويل
أهو عدي عشرين يوم ربنا يستر
علي فكره أنا حالتي f1
اللي عنده أي كلمه تطمن يقولها من الموبايل

مواضيع عشوائيه ممكن تكون تعجبك اخترناها لك: