الموضوع: فيزات بيت التمويل الكويتي ووضعها في أمريكا؟

السلام عليكم.

أنا من عملاء بيت التمويل الكويتي وعندي بطاقة الخير مسبقة الدفع، قالوا لي أنها بالضبط مثل افيزا والماستر لكنها مسبقة الدفع. لكن تفاجأت أنه مكتوب عليها Electronic Use Only.
فهل سوف تقبلها الفنادق وشركات تأجير السيارات؟

في حال لو أدرت استخراج فيز أو ماستركارد من بيت التمويل، هل تنصحوني بالفيزا والماستر العادية؟ أم بطاقة التيسير؟ أيهما أفضل استخداما في الولايات المتحدة؟
وما الفرق بينهما بالضبط؟

وشكرا.

مواضيع عشوائيه ممكن تكون تعجبك اخترناها لك:

• دعوه للجميع ، تاريخ السفر ، الخطوط ،
• تسجيل براءة اختراع
• الخطوط الإماراتيه أو القطرية أو إتحاد الإمارات ، إيـهـمـــا أفــضـــل
• مسـآعده رجــآء مبتعثه سعوديه
• أفضل خط سير رحلة من الرياض لـ ؟
• الى مشرفنا العزيز رحلة امريكا
• تكفون ساعدوني ياخبراء امريكا
• محتارة بين فندقين في اورلاندو
• تكفووون الفزعه
• سفري بعد اسبوع و اسئلتي عن الشنط والعفش
• سؤال بخصوص المفاضين بالجواز
• ارجوا افادتي عن بعض الاستفسارات
• هذا ما صار لكن طال الإنتظار
• اول مره في الاراضي الامريكية فزعتكم في المخطط وكم سؤال
• الرجااااااء المساعدة والدخول ابليييييييييييز
• مساعده في الاسئله التي تطرح في مقابلة تاشيرة السياحه
• فساتين السهرة في بوسطن دينفير
• افيدوني
• استفسار لاس فيجاس بعد خمس أسابيع إنتظار استلمت الأخضر والدرب خضر بإذن الله
• استفسار هام بخصوص الورقة الصفراء

الأخ أو الأخت داندي


نصيحتي لك انك ما تطلع فيزا أو ماستر من بيت التمويل ، لأن مثل ما ذكرت بسؤالك السابق راح ياخذون منك 1% عموله + عمولة تحويل سعر الصرف + 4% في حالى السحب من مكاين atm بالإضافة إلى عمولات السداد طبعا ، هذا غير قيمة اشتراكهم بالسنه يمكن 30 أم 40 دينار

انا توني راد من أمريكا ، وقبل ما أسافر رحت بنك برقان طلعت بطاقة ماستر كارد وهي جديده عندهم ومافي بنك بالكويت عنده نفس هذي البطاقة
ميزتها انها بطاقة ماستر كارد بالدولار الأمريكي ! ( مافي مثلها بالكويت كلش )
والميزه الثانية انها تعبئة لكنها تستخدم مثل الكردد كارد بالظبط 100% ( انا مجربها )
والميزة الثالثه ان مو شرط يكون حسابك ببنك برقان ! عادي تطلعها حتى لو ما عندك حساب ببنك برقان ( بنكي الوطني ومطلعها من برقان )
والميزه الرابعة انها تتعبأ عن طريق الكمبيوتر ( يعني ما يحتاج تروح البنك وتعبيها ،خصوصا لأنك بتكون مسافر بره الديره )

رسوم اصدارها 10 دنانير فقط بالسنه ، انا طلعتها وكنت اعبيها بالدولار الأمريكي ، أحط فيها أي مبلغ ابيه ورحت امريكا واستخدمتها بكللللللللل شي
لحجز الطيران الداخلي + حجز الفنادق + حجز السيارة + التسوق + الأكل بالمطاعم + بالسوبر ماركت

وطبعا لما تشتري شي بدولار يخصمون منها دولار فقط ، تشتري شي ب100 دولار يخصمون منها 100 دولار فقط ، بالظبط لا زايد ولا ناقص
لا عموله ولا فائده ولا شي نهاااااااااااااائيا
هذي نصيحة واحد مجرب وانت حر

مشكور أخوي، عجيبة والله. يعطيك العافية اللي قلت لي عنها!
عندي كم سؤال:
1. شلون تعبيها بالضبط؟ قصدي تدخل على موقعهم وتحول بالكي نت من حسابك بالوطني إلى البطاقة؟ ولا شلون؟
2. طبعا راح يكون في سعر التحويل من الدينار للدولار، مو جذي؟ قصدي سعر الصرف العادي.
3. هل مكتوب عليها Electronic Use Only ولا لأ؟
4. لو عبيتها مبلغ 100 دولار وشريت فيهم وبعدين طاحت بيد أحد ما راح يقدر يستخدمها، صح؟ يعني اهيه Debit Card، مو جذي؟


على فكرة، للعلم قالوا لي أن 4% ملغية حاليا، وياخذون 6 دنانير على كل عملية سحب بغض النظر عن المبلغ.
بس شنهي عمولات السداد بعد؟

شكرا جزيلا، وما قصرت والله.
تقبل تحياتي.

إخوي أبو سعود،
أعجز عن الشكر.

بس اللي أنا مستغربة منه ليش ما في لها دعاية قوية؟
وشنو البنك يستفيد؟ الفيزا العادية تربّح البنك أكثر.
وليش البنوك الثانية ما عندها؟

أها، الحين فهمت رسوم السداد؟ بيت التمويل ما عندهم حتى لو تأخرت. دقيت على الخدمة الهاتفية، أكد لي إنها 6 دنانير على كل سحبة بغض النظر عن المبلغ! الظاهر تفرق بين بنك والثاني، أو يمكن لأنه بنك إسلامي فنظامهم غير.

بسألك أخوي بما أنك لك خبرة، إذا بحول دنانير إلى دولارات كاش، أيهو أحس؟ البنوك ولا الصرافين؟
وهل تفرق من بنك للثاني أو من شركة صيرفة للثانية؟
هل في أشياء أحط بالي منها؟ أدري أنه سعر الصرف كل يوم يتغير، بس هل في أمور ثانية أحطها في بالي؟

وهل في نصائح ثانية؟ مثلا شكثر كاش أجيب معاي؟ وأي فئات اهي اللي أحتاجها أكثر وما تلفت النظر.
وهل الوضع أمان ولا لازم الواحد يخشش الفلوس مثل بعض الدول الأوربية؟

وجزاك الله كل خير.

العفو أختي ماسوينا شي
ومشكوووووووووووووره على الدعوه ما قصرتي


بالنسبة للبطاقة ، ترى البطاقة ما صارلها شهرين نازله ! يعني توها جديده عشان جذي محد سامع فيها من قبل وأغلب الناس ما يعرفونها
وبالنسبة للبنك فهو يستفيد دينار من كل عملية ايداع ، وهم يستفيد عشر دنانير اشتراكها السنوي ، وهم اتوقع يستفيد من الشهره والدعايه لأنه البنك الوحيد بالكويت الي يعطي هذي البطاقة


إذا بتحولين دولارات فأفضل شي من الصرافين طبعا ، أرخص من البنوك
بقولج على شي ، بخصوص الدولار في نوعين من الدولارات عند الصرافين ، نوع يسمونه سيريال ونوع عادي ، السيريال يعني مرقم ، تييج الدولارات جدييييييييده محد مستعملها قبلج وتكون ارقامها متسلسلة
النوع العادي يكون مستعملة وقديمه ومعفسه ( عادية يعني ) وأرقامها غير متسلسلة
النوع السيريال أغلى من النوع العادي ، وينصحون فيه بس ليش مادري ! ، الفرق بينهم مو وايد طبعا يمكن 20 أو 25 فلس !
يعني لو تبين 1000 دولار سيريال مثلا بتكون قيمتهم 284 ولو العادي بتكون قيمتهم 283 ..... فرق بسيط
انا أخذت معاي السيريال والحمد الله ما واجهت مشاكل نهائيا


هني بالمنتدى أغلب الناس يقولون لاتاخذ معاك كاش وايد وأخذ معاك كاش بسيط وخل الباجي بالبطاقة الإئتمانية أفضل .... هذا كلامهم أغلبهم ، بس انا عادي أخذت معاي كل الفلوس الي مخصصهم للطلعات والأكل والشرب والوناسة كلش ! صرفت من الكويت 10 آلاف وأخذتهم معاي ، أول ما اوصل الفندق أحطهم بالسيفتي بوكس وآخذ منهم كل يوم 500 أو 1000 دولار أحطهم بالبوك والباجي أخليه بالخزنه ، أمان ومافي مشاكل نهائيا
أما فلوس التسوق وحجوزات الطيران والفنادق فحطيتهم بالبطاقة مالت بنك برقان واستخدمتها هناك
انا مادري ليش أغلب الاعضاء مايفضلون الكاش ! مع اني توني ياي وكنت أدفع الكاش بكلللللللللللل مكان ولا أحد كلمني ولا صارتلي مشكله ولا شي كلش نهاااائيا !!
انتي براحتج شوفي شنو تفضلين وسويه

وبعد بقولج على شي ، ترى يفرق بين صراف وآخر ، يعني لو تصرفين بسوق الكويت أرخص مما لو تصرفين بالمطار !
بالمطار أغلى بشي بسيط طبعا

والوضع أمان لا تحاتين ان شاء الله ماكو إلا كل خير ، سواء معاج كاش أو بطايق إئتمانية الوضع أمان ، بالسفر وانتو رايحين خلي الكاش والبطائق بالجنطة الي تاخذونها معاكم بالطيارة ( انا كنت حاطهم بالجنطة الي ألبسها مثل الحزام مع الجوازات ) ولما توصلون بالسلامة حطي الكاش بالخزنة واخذي منه الي يكفيج حق يوم واحد ، مثلا 500 دولار


وان شاء الله أكون أفدتج ، وأي شي ثاني بتسألين عنه انا حاظر إذا كنت أعرف إجابته

عساك عالقوة يا بو سعود، ما قصرت والله. عسى ربي يبارك فيك.
راح تبتلش بأسئلتي، لأني ما أقدر أحط إلا موضوع جديد كل يوم بسبب قلة مشاركاتي، فبحط كل أسئلتي هني والله يعينك.

1. أقدر أطلع تلفون نقال هناك؟ أنا أبيه للمكالمات الداخلية هناك إذا احتجب + والأهم علشان الإنترنت لأني ما أثق بواي فاي الفنادق والمطارات إلا للتصفح، إما الإيميل والدخول على موقع البنك وهذي الأمور، فأفضل أدخل من شبكة تلفون مو شبكة عامة.

2. بالنسبة لجواز السفر، هل الفنادق هناك ياخذونهم عندهم مدة الإقامة كضمان؟ ولا يكتفون بالحجز على الفيزا؟
إذا ما ياخذونه، هل أأمن أشيله معاي لما أطلع، ولا آخذ نسخة بس وأخلي الأصلي في خزنة الأمانات؟

3. ما أدري على اي خطوط رحت، بس هل فعلا يوجد شروط على حجم الحقائب؟ أنا أعرف إنه في شروط على الوزن، لكن بالنسبة لأمريكا كاتبين أنه في حدود لحجم الحقيبة:





ركاب الدرجة الأولى ورجال الأعمال (الواحة)

أ) حقيبتان شريطة على أن لا تزيد إبعادها الثلاثية (العرض الطول الارتفاع) عن 158 سم (62أنش) لكل حقيبة وبوزن أقصى مقداره 32 كيلوجرام لكل حقيبة أي ما يعادل 70 رطل.

ركاب الدرجة السياحيـة:

ب) حقيبتان شريطة أن لا تزيد الإبعاد الثلاثية (العرض الطول الارتفاع) لأي منهما عن 158 سم (62أنش) ولا يزيد مجموع الإبعاد الثلاثية للحقيبتين عن 273 سم (107أنش). (على سبيل المثال إذا كانت الحقيبة الأولي مجموع أبعادها الثلاثة 158 سم يجب أن لا تتعدى الثانية عن 115 سم).وبوزن أقصى مقداره 23 كيلو جرام لكل حقيبة أى ما يعادل 50 رطل.



(منقول عن موقع الخطوط الجوية الكويتية)


ومشكووووور وجزاك الله كل خير.

داندي انا مطلعه بطاقه الخير وسافرت فيها امريكا 2011 هي حلوه حجزت فيها الفنادق والطيران الداخلي بس وهقتني بالسوق ما كانت تقبل فاضطر اني استخدم الفيزا العاديه

المشاركة الأصلية كتبت بواسطة om fahad kw
http://www.arabtravelersforum.com/tr...4/#post7610614

داندي انا مطلعه بطاقه الخير وسافرت فيها امريكا 2011 هي حلوه حجزت فيها الفنادق والطيران الداخلي بس وهقتني بالسوق ما كانت تقبل فاضطر اني استخدم الفيزا العاديه



مشكورة أختي.
كم كانت نسبة الخصم من بطاقة الخير؟ لأنه قالوا لي إنها لو شريتي فيها أو سحبتي راح تكون مثل الكي نت، يعني كل الأحوال 2.5%
بس في موظفة قالت لي إنها خارج الكويت مثل الفيزا العادية 1% فاحترت الصراحة.
أنا مسويتها اصلا للتسوق من الإنترنت وأنا بالكويت، فما اهتميت أتأكد من المعلومة.
فياريت تفيديني كم كانت النسبة.
ومشكورة.

المشاركة الأصلية كتبت بواسطة داندي الكويت
http://www.arabtravelersforum.com/tr...4/#post7610654

مشكورة أختي.
كم كانت نسبة الخصم من بطاقة الخير؟ لأنه قالوا لي إنها لو شريتي فيها أو سحبتي راح تكون مثل الكي نت، يعني كل الأحوال 2.5%
بس في موظفة قالت لي إنها خارج الكويت مثل الفيزا العادية 1% فاحترت الصراحة.
أنا مسويتها اصلا للتسوق من الإنترنت وأنا بالكويت، فما اهتميت أتأكد من المعلومة.
فياريت تفيديني كم كانت النسبة.
ومشكورة.



الخصم من بطاقه الخير نفس الكي نت 2.5%
صراحه عجبتني البطاقه اللي قال عنها الاخ ابوسعود مميزاتها حلوه بطلع لي وحده قبل السفر ان شاءالله

المشاركة الأصلية كتبت بواسطة om fahad kw
http://www.arabtravelersforum.com/tr...0/#post7611160

الخصم من بطاقه الخير نفس الكي نت 2.5%
صراحه عجبتني البطاقه اللي قال عنها الاخ ابوسعود مميزاتها حلوه بطلع لي وحده قبل السفر ان شاءالله



مشكورة عزيزتي.

الأخ بو سعود

الله يرزقك الجنة إن شاء الله

مقبلين على أمريكا و سويت فينا خير

بس سؤال بسيط ؟؟

الفيزا أحرفها بارزه و لا لأ ؟؟

لأن حسب ما قالولي في بعص مكاتب التأجير بأمريكا ما تقبل الا هالنوع من الفيزا

و شكرا مقدما

الفيزا او الماستر لازم تكون الارقام بارزه ... بعض الاماكن اذا شافها مسبقة الدفع يقولك ما نقبل ... يفضل تكون معاك فيزا او الماستر العادية