الموضوع: رأيكم يخلي رحلتي احلى بإذن الله

السلام عليكم مبارك عليكم ماتبقى من الشهر الفضيل وتقبل الله صيامكم وقيامكم
حجزت لرحلتي الاولى لاندونيسيا
بتاريخ 9 اكتوبر الى 19 اكتوبر
على الخطوط الامارتيه
راح تقلع بإذن المولى من البحرين الساعه 4 فجرا
وكان سعر التذاكر 7000
انا وزوجي وولدي
بسألكم كيف راح تكون الاجواء خلال الفتره المذكوره اعلاه
وهل راح يصادف اجازه عند الشعب الاندونسي ؟
الزبده انا حابه اروح بالي وبونتشاك وجاكرتا طبعا
ارجو مساعدتي في تنسيق الايام بين هالمدن
وابي مشورتكم في افضل الفنادق
وابي منتجع في بالي يكون ميه ميه طبعا مع ذكر السعر
وايش رايكم بأفضل سكن في بونتشاك وبعد مع ذكر الاسعار
طبعا راح تقولون في حدود كم اسعار الفنادق الي ابغاها
بقولكم من 400 الى 600 تزيد شوي مافيه مشكله تقل شوي احسن شي

وايهم افضل احجز طيران داخلي من هنا ولا من هناك من حيث التكلفه

وابي يكون سكني في جاكرتا للتسوق فقط وباقي الايام ابيها في بالي وبوتشاك

وماهو الافضل اتفق مع سواق من هنا ولا من هناك افضل ؟


ومعي طفل عمره سنتين هل يحتاج الجو في بونتشاك ملابس شتويه ولا كيف

وايش هي الاماكن اللي تنصحوني ازورها في كل مدينه

وايش افضل الاسواق في جاكرتا

واي مشوره منكم في اي شي سبق ذكره ام لم يسبق ذكره ارحب فيها جدااااا

واي مشوره منكم راح تخلي الرحله ميه ميه
وجزاكم الله خير

مواضيع عشوائيه ممكن تكون تعجبك اخترناها لك:

• سعر التذكرة لو سمحتم
• ابي مساعده
• السفر للبونشاك يوم الأحد
• نصائحكم لرحلة قادمة الى جـاكـرتـا و بـالـي
• استفسار ضروري ضروري
• حجز الفنادق من وين يكون ارخصلي
• ضروري استفسار عن فندق
• جدول للجبل
• موقع مطعم كنتاكي بالجبل
• تذاكر الى اندونيسيا
• رايكم بالفندق ؟؟
• سوال سريع
• عندي مشكله في تعبئة بطاقة الدخول في المطار
• المساعدة يا اخوان
• استفسارات حجز تذاكر وشقق اندنوسيا
• شراء اثاث من اندونيسيا
• أستفسار بلاك بيري
• استفسار عن فنادق ف بالي الله يجزاكم خير
• احتاج المساعده في رحله عائليه
• حجزت الطيران وماأدري وش أسوي

وعليكم السلام ورحمة الله وبركاته
الله يا كثر اسئلتك

ولكن ولا يهمك بنجاوب عنها كلها بإذن الله

حجزت لرحلتي الاولى لاندونيسيا

بتاريخ 9 اكتوبر الى 19 اكتوبر

على الخطوط الامارتيه

راح تقلع بإذن المولى من البحرين الساعه 4 فجرا

الساعة كم بيكون وصولكم الى جاكرتا ؟

لانه بيكون عندكم ترانزيت في دبي ....

على كذا اتوقع بتجلسون في اندونيسيا بس 8 ايام !!!

تأكدي من تواريخ الذهاب والعودة ومتى بيكون الوصول الى جاكرتا اي ساعة واي يوم ومتى بتكون العودة

وبعدها نشوف لك توزيع الايام والسكن

شكرا اخي طارق لردك وكلي ثقه انكم بتجاوبني



الساعة كم بيكون وصولكم الى جاكرتا ؟
الساعه 10 ونص مسائا
تاريخ الذهاب 9 اكتوبر الاربعاء الساعه 3 فجرا
العوده 19 اكتوبر المغرب الساعه 6 السبت

بسألكم كيف راح تكون الاجواء خلال الفتره المذكوره اعلاه








وهل راح يصادف اجازه عند الشعب الاندونسي ؟



الاجواء بتكون ماطرة بإذن الله





الزبده انا حابه اروح بالي وبونتشاك وجاكرتا طبعا








ارجو مساعدتي في تنسيق الايام بين هالمدن



٨ ايام قليلة لزيارة هذه الاماكن وبيكون تعب عليكم ،،،
بالي اقل شيء ٤ ايام
الجبل اقل شيء ٥ ايام
جاكرتا يومين
---
--
-
المجموع ١١ يوم !!!
لازم تحذفين بالي من الجدول
عندك باندونق قريبة من الجبل الى حد ما وجميلة جداً

ماينفع احذف بالي ابدن اكثر مكان متحمسين لزيارته شوف معي ذي الخطه وش رايك فيها
يوم 10 اكتوبر و11 و12 في الجبل
ومن الجبل على بالي واقضي فيها 13 و14 و15و16
ومن بالي الى جاكرتا واقضي فيها 17 و18 و19 ولان الرحله المغرب يمدينا نتمشى الصبح
هاه كيف ؟

اجل شف هالتوزيع :
اول يوم اللي هو الوصول في جاكرتا
بالي 4 ايام
الجبل 4 ايام
اخر يوم لكم تتمشون في جاكرتا سريع سريع
وش رايك في هالجدول ؟

قصدك بس يوم 19 جاكرتا

بسألك هل في بالي اسواق جميله للبضائع المقلدهلان لو فيه راح يكون الجدول اللي عطيتني ميه ميه
ولو مافيه ضروري اقضي يوم للتسوق في جاكرتا

اللي اعرفه عن بالي ان اسواقها غالية مقارنة بجاكرتا والمقلد الجيد تلقينه في باندونق وبوقور وجاكرتا وسعره مقعول

ايهم افضل اخذ يوم من بالي او يوم من الجبل

والله مدري ... خيار صعب جداً
لان توزيع 8 ايام على ثلاث مناطق شوي صعب ( بدون حساب يوم الوصول )
لكن توكلوا على الله وخوذوا يوم من ايام الجبل

خلاص اجل على كذاجاكرتا 1
بالي 4
الجبل 3
بس كيف الترتيب حقهموحجوزات الفنادق وباقي الاشياء
جزاك الله الف خير

يصير الترتيب كالتالي
جاكرتا يوم ( بتوصلون في الليل ويعتبر لكم يوم )
الجبل 3 ايام
بالي 4 ايام
جاكرتا يوم
الفنادق عندك في جاكرتا
the best western
http://www.booking.com/hotel/id/best...329869&lang=ar

فندق شيبوترا جاكارتا

http://www.booking.com/hotel/id/cipu...ml?aid=1329869
بالي دائماً اقول ان الخيارات فيها عديدة ومتنوعة
عندك
منتجعات بوتيك كوتا سي فيو

موقعه على بعد خطوات من شاطئ كوتا

http://www.booking.com/hotel/id/kuta...ml?aid=1329869?aid=358324
سبا وفيلات ذه دريملاند لوكسري

تقرير في النمتدى عنه

http://www.arabtravelersforum.com/travel608882/
http://www.arabtravelersforum.com/travel608882/
http://www.booking.com/hotel/id/the-...ml?aid=1329869?aid=358324

الفنادق روعه والمنتجعات بعد الله يعطيك العافيه ويجزاك خير ولايحرمك اجر مساعدتك للغير

بس ماعطيتني فكره عن السكن في الجبل


وباقي الاسئله اللي يخليك تجاوب عليها اذا ممكن من الموبايل

وايش رايكم بأفضل سكن في بونتشاك وبعد مع ذكر الاسعار



بما انكم عائلة صغيرة انصحكم بفندق سيروني ٣ بس للاسف ما تقدر تحجزه عن طريق الانترنت لازم تحول لهم الفلوس ويرسلون لك التأكيد على الايميل
هذا موضوع يتكلم عنه وسعره تقريباً بين ٤٠٠ و ٦٠٠ ريال لليوم
http://www.arabtravelersforum.com/travel759519/





وايهم افضل احجز طيران داخلي من هنا ولا من هناك من حيث التكلفه



المشكلة انك اذا اخرت الحجز حتى توصل ممكن ما تلقى رحلات مناسبة في اليوم اللي تبي ... الافضل الحجز من الان عن طريق الانترنت





وماهو الافضل اتفق مع سواق من هنا ولا من هناك افضل ؟



الافضل تتفق مع سواق قبل السفر





ومعي طفل عمره سنتين هل يحتاج الجو في بونتشاك ملابس شتويه ولا كيف



نعم الافضل تاخذ معك ملابس ثقيلة شوي ( ملابس ربيعية وليست شتوية ) ولكم انتم بعد





وايش هي الاماكن اللي تنصحوني ازورها في كل مدينه



راجع الموضوع التالي
http://www.arabtravelersforum.com/travel823853/





وايش افضل الاسواق في جاكرتا



سوق شمباكا ماس + منقا دوا + منقا دوا سكوير ( اسواق رخيصة وتنفع تجيب منها هدايا ) + اتريوم + سمانقي بلازا

الله يجزاك الف خير ماقصرت اخي الفاضل الله يحرمك ووالديك عن النار يارب العالمين شكرا جزيلا على المساعده
واذا بغيت شي برجع لكم الله يعينكم

بالنسبه لفندق سيروني 3 ماينفع احجز من مكتب سفريات له واذا فيه بدائل افضل منه

للاسف فندق سيروني غير موجود عند المكاتب هنا ( لكن ما يمنع انك تشيك يمكن تحصله )

هل يوجد بدائل افضل منه ؟عشان لو ماحصلته ماابلش

فيه فندق قرين هيل بس نفس نظام سيروني ،،،
توجد فلل خاصة كثيرة بس لازم تحجزونها قبل الذهاب وهي موجودة في تقارير الاعضاء

شكرا لك الله يجزاك الجنه اخوي