الموضوع: الرحلة الى اندنوسيا سريعه ولا ترتب لها اي شي ساعدوني

السلام عليكم ورحمة الله وبركاته

اخواني واخواتي

استقرينا على اندنوسيا نسافرها هالفترة

السفر مابقى عليه الا كم يوم

ولا عملنا اي شي

ما نبي تضيع سفرتنا في استغلال ودي ناخذ انطباع جيد عن البلد مثل ماسمعت وقرأت

نصايحكم راح نجلس شخصان لمدة 9 ايام بدون يومان الذهاب والعوده

مخططنا جاكرتا يوم بونشاك 3 ايام بالي 5 ايام جاكرتا يوم

وين نروح ايش المنتزهات الحلوة (زوجان)

اهم شي عندي الاسواق

ابي اسواق حلوة واسعارها بعد حلوة اسمائها واماكنها

اماكن اقدر اشتري منها اشياء غريبة

كيف اهل البلد ؟؟ خصوصا بعد احداث الشغالات اللي صارت احس اني متخوفه منهم

هل راح نلقى حجز لبالي في هالفترة او انه الهاي سيزن ؟

وكيف الاجواء الان يعني نشتي او لا ؟


اسئلتي كثيرة

لكن ما نستغني عنكم


ويارب سهلها ويسرها


انتظركم الله يوفقكم

مواضيع عشوائيه ممكن تكون تعجبك اخترناها لك:

• مساعدتكم لجاكرتا أول مره نسافر
• باقي ايام ولاسويت شي مساعدة
• فنادق رخيصه
• من أ إلى ي 香港海洋公園
• افضل فندق او فله في
• الرحلات السياحية في جزيرة بالي
• العزبه والطبخ والمواعين ؟؟
• الي مجرب فندق ممتاز بجاكرتا للعوائل يتفضل
• استفساراتي عن التسوق والسكن
• محتاااااااااار سااااعدوني ابغى مشورتكم
• سؤال إلى عشاق وخبراء العمة
• يبي مساعدتكم
• عاااااااااااااااااااااجل جدا
• استفسار بخصوص سكن جاكرتا
• للخبراء أريد فيلا راقية جدا مع مسبح خاص ويفضل إذا كانت جديدة
• استفسارات ــ الطق طق
• من يعرف رقم خطوط الجاروده
• مسافر بعائله وعندي سوعال
• استفسار لعريس في شهر العسل الله لا يهينكم
• فزعتكم بعد بكره طالع اندنوسيا

بالنسبة للشعب مررررررره طيووووووب واختيار موفق لاندونيسيا

ترى الوضع مررررة فلة بس اقري شوية وحتعرفي فين تروحي

الله يسعدكم يارب

انا قعدت اتصفح واقرا كان عندي اختبار بكرة

خلصت المنهج تقريبا هههههههه باقي بالي اقرا عنها

اكيد بحتاج لمشورتكم

اخواني واخواتي

الله يخليكم وين مكان الشنط والساعات تقليد درجة اولى في بونشاك او بالي او جاكرتا

انا الان في جاكرتا ومالقيت الاسواق اللي ابيها

ساعدوني بليز من الموبايل

تقليد درجه اولي aaa لن تجدي في اندونيسيا الا غالي يقارب سعره هنا عندنا
تحتاجين خبره او قناعه بالسعر وبالماركه والبضاعه لتقرري تشترينها او لا الشنط غالبا تقليد جيد موجوده بباندونق او في جاكرتا
الساعات جاكرتا
راح اختصر لك الطريقه وعدة اسواق لا تبحثي عن غيرها بتتعبين بجاكرتا تحديدا

منقا دوا اولا وقبل كل الاسواق بجاكرتا *هذا سوق شعبي جدا وفيه مولات متوسطه مو فخمه لانها منطقه جمله وقطاعي
راح تجد بهل منطقه عدة اسواق wtc/its/a&witc /Pasar Pagi/SQUARE

فيها الغالي والرخيص اذا دخلت سوق فيه تكييف اعرف ان السعر مرتفع شوي
انصحك ب سوق itc
هذا يعتبر ارخص والاكثر عروضا وراح تجد السوق متصل بسوق اخر هو ا دبليو اي تي سي يمر بينهم ممر او كبري يوصل بينهم
* زياده بالوصف عشان ماتتعبك الاسماء
احد السوقين راح تجده اقل حركه وفي زاويته بالدور الارضي يوجد بيتزا هوت هذا المول اسعاره اغلي ومعروضاته اقل واميز وفي غالبه الكترونيات بالدور الارضي وعدة كاميرا وتصوير
اطلع منه للشارع واقطع الشارع عبر الكبري الموصل بينه وبين السوق الي قدامه
حاول تمر بوسط الكبري لان فيه محلات كثيره بداخل الكبري نفسه
السوق اللي بتتوجه له بعد نهايه الكبري ادوار متعدده الرخيص بتلقاه في الدور الارضي اكشاك ودلالالين يحرجون علي شنط من 50 و100 الف وحولها للهدايا البسيطه
والشنط الاغلي بتجدها بالمحلات

تبي الرخيص ابحث عن الزحام فانت في اندونيسيا السوق مافيه تكييف ومزدحم جدا والبضائع راح تجدينها منثره بالارض في المدخل من 50 و100 الف روبيه للشنط
وفيه محلات كثيره الشنط فيها مختلفه حسب الخامه

الساعات بالادوار الاعلي وموجود بعضها بالدور السفلي

هذا سوق واحد يكفي حاجتك لان الفرفره باسواق جاكرتا بتتعبك
هناك اسواق اخري فيها نوعيه مقاربه او اعلي بقليل لكن العرض يكون اقل من حيث وفرته في مكان واحد للاختيار كشمباكا ماس مول او تاناه ابانق او باسار بارو او امباسادور
اذا ماتبي زحمه واجد توجه لامباسادور ولكن زي ما اخبرتك العروض الاكثر بمنقا دوا فقط
الاسعار المختلفه بمنقا دوا
جوده الخامات واختلافها بمنقا دوا فقط

اضافه اذا تبي تقليد درجه اولي او اصليه فهي ليست بالاسواق الشعبيه غالبا ستجدها في المولات كسينايان سيتي او سينايان بلازا او قرامد اوف اندونيسيا
ونصيحه من مجرب الاصلي ودرجه اولي سوبر هاي كوالتي مش في اندونيسيا موجوده بكوريا بلد المنشاء او تايلند وفيها الكوري والتايلندي والصيني وهي درجات ايضا
خل الاصلي من هنا والدرجه الاولي من هنا واشتر الجيد وكسار بالسعر من منقا دوا حسب ذوقك لا تستحي من المكاسر ابدا
علما ان منقا دوا اغلب اسواقها تقفل منتصف العصر

رحلة موفقه

الف الف شكر اخوي وجزاك الله الجنه

راح اكتب الاماكن اللي ذكرتها للسائق ويارب القى طلبي من الموبايل

رجعت الان بعد مدة اكتب رأيي عن اندونيسيا

بالنسبة للشنط اللي كنت ابحث عنها ابدددددددددددددا ماشفت حتى درجة رابعه كلها تقليد ضعيف وواضح

بالنسبة لمنقا دوا اللي يستحمل الزحمة وتغيير الاسعار والمكاسر بتعجبه

البونشاك انا اخاف من الرعوود والامطار فاصابني فيها رعب خصوصا اذا ذكرت انو عندهم صار تسونامي

جاكرتا روووعه طبعا المولات اللي فيها الكبيرة والراقيه

فندق هاريس روعه وراقي

فندق بولمان الجديد حلو بس فيه اشياء تنقصه اممم ورائحة العطر في المدخل مره قويه يعني اللي عنده حساسية صدر الله عينه

بالي روعه ومناظرها روعه والفلل مره حلوه لكن اللي خرب كل شي ( الوزغ ) (الضاطور) مااتوقع فيه احد بيرتاح وهي موجوده الجدار تمشي طبعا كل بالي كذا

هذي الاماكن اللي زرتها تقريبا

بشكل عام اعطي اندونيسيا 70 - 80 %

شكرا لكل اللي ساعدوني

نقطة ثانية

الشعب كنت متوقعه انهم مثل العمالة اللي عندنا

سبحان الله العمالة هذولا خربوا على شعبهم الفكرة في كل مجتمع الخلج اتوقع

المهم انو شعب خلوق حبوب راقي

وسلامتكم

ادعععععععععس الاسواق ملان باندونج بس شوف حد من اهل البلد