الموضوع: أيهـا المـسافرون الى أمـريكاا من يفـيدنا تكـفووون ؟ولكم مني خــــــالص الدعاء

السلام عليكم ورحمة الله وبركاته ..

أسعد الله مسـاء وصبااح كل مسـافر في هالمنتدى الررراقي ..
بخشش بزبدة المووضوع على طول

الموضوع ومافية ياجماعة الخيرر
قررت انا وصاحبي نطلع لأمريكا منها نزور خويانا اللي هناك
ومنها نكتشف الديره

اللي أبيه منكم تفيدوني فيه .. أجراءات الفيزة

أحنا نبي نجلس 15 يوم هناك
ونبي نقص التذكرة خلال هاليومين ان شاء الله على الخطوط السعودية
دايرررررررررركت الرياض-واشنطن

اذا قصينا التذكرة ..وش نسوي بعدها عشان نسعى لأجراءات الفيزا
علما ان موعد الرحلة راح يكون في تاريخ 2012/7/15م
لمدة 15 يوم
هل هذا وقت كافي لأستخراج الفيزا ؟
هل هي معقده ؟ وكم مدت أستخراجها ؟
لازم نحجز فندق ولا كيف ؟ لأنو احتمال نسكن عن ربعنا هناك ..
سمعت أن هناك مكاتب بالرياض تخلص لك أمور الفيزا ؟

للمعلومية ياحلوين ..
أنا وخويي غير موظفين ؟
ولكن ماديا ماعلينا كلنا ..ونقدر نجيب لهم كشف حساب لـ6شهور بأسمائنا.

أفيدونا الله يخليكم ويجزاكم خير

مواضيع عشوائيه ممكن تكون تعجبك اخترناها لك:

• انا مسافر في الاجازه الي امريكا بعض الاستفسارات
• موعد القنصلية الظهران والضمان المالي وارخص طيران في شهر ديسمبر ؟
• سفره لامريكا لاول مره
• أحلى مفاجأة
• الدراسة بفيزا سياحيه تجي والا ماتجي تكفون الفزعة
• العروض المقامه في فنادق لاس فيقاس استفسارين سريعين
• احتاج مساعدتكم جداا باختيار الولايهلقرب لوقت
• الاجراءات المتبعة فى مطارات امريكا
• موعد السفاره لم احضره
• احلا ولاية للي سافروا امريكا وشافوا
• إلى الأخ استفسار بخصوص كشف الحساب
• ابغى احجز طيران داخلي من مطار واشنطن IAD الى مطار لوس انجلوس LAX على طيران United Air
• التحذير من اكسبيديا
• السموكي ماونتن من جرب الفنادق الي فيها
• عاجل للغاية
• استفسارات عن مدينة شامبرج وشيكاغو مين يفيدني ؟
• خبراء ارفاين
• استفسار بسيط عن لوس انجلوس
• الي درس انجليزي وسكن عند عائلة يدخل
• ملف عن السياحة في امريكا

عليكم السلآم
نصيحة يا الغالي لا تشتري تذاكر الطيران الا بعد أستخراج التأشيرة عشان ترتاح وما تتورط
لأن تأشيرة أمريكا مشكلتها محد يعرف متى تطلع بالضبط تختلف من شخص لأخر..
أنا مثلاً طلعت فيزتي بعد شهور وأخوي بخلآل كم يوم ماشاءلله .
وأساساً عند التقديم على الفيزا ما يطلبون حجوزات طيران أو فنادق بعكس التأشيرة الأوروبية ولآتعمل أي شيء الا بعد أستخراج الفيزا .
وإن شاءلله الوقت كافي للتقديم على التأشيرة لأن حسب كلآمك سفرتكم بعد شهرين ونص تقريباً ..
وما يحتاج تروح لأي مكتب عشان يعبي لك نموذج طلب التأشيرة ، أنصحك تعبيها بنفسك والطريقة سهلة ..
وعندك هنا موضوع أستخراج التأشيرة في السعودية لو تقرأ الموضوع بتكون عارف الأجرائات ،،

بااارك الله فيك يابعد راسي ..

ولكن أحنا غير موظفين حاليا ..


خريجين جامعين ..


وش ممكن يعقدونا في هالشرط ولا ؟؟

وفيك يابعدي
للأسف ماعندي خلفية لكن أخوي صغير في الثانوي ما طلبوا منه شيء الحمدلله ..
وقرأت هنا من البعض أنهم ما طلبوا منهم شيء لا تعريف عمل ولا كشف حساب يعني كانوا متساهلين و إن شاءلله دوم هالتساهل .
لكن ممكن أنهم يطلبونكم هالطلبات فنظامياً خذ معك كشف حسابك وأي شيء تحس أنه بيدعمك أثناء المقابلة وبالتوفيق لك ،،

عموماً أخوي تقدر تخلي أحد يعطيك تعريف عمله على أنه هو اللي يتكفل برحلتك ..
أو إذا عندك أعمال حرة عطهم أوراق مؤسستك يحل مكان تعريف العمل ...
وردي السابق كان قصدي حتى لو كنت موظف ومعك تعريف العمل يمكن ما يطلبونك لأنهم الحمدلله يتساهلون مع البعض
وإذا قدمت ماتدري يمكن تتسهل أموركم بالمقابلة مثل اللي ذكرتهم لك يعني بدون طلب تعريف العمل بما أنك غير موظف .

لبى روحك ..فديتك ..