الموضوع: نيويورك و اورلاندو في اغسطس

السلام عليكم ..

ان شاء الله مخططين نسافر امريكا في اغسطس لمدة 10-12 يوم.

حابين نروح نيويورك وقلنا 12 يوم وايد عليها فاضفنا اورلاندو عشان دزني لاند ويونفيرسال استديو وغيرها..

ولكن بعد البحث تبين ان الجو بيكون حار جدا في اغسطس بالاضافة للزحمة في اورلاندو .. فشنو تنصحونا؟

هل الجو وايد حار مثل الخليج؟ او اخف؟

نروح امريكا او نبدلها بدولة اوروبيه؟ او تنصحونا بولايات او مناطق اخرى ..

نيويورك بنروحها ان شاء الله بس شنو الولاية او المنطقة ثانية نروح لها؟

وياريت تعطونا اقتراحات لتوزيع ايام الرحلة ,,

شكرا جزيلا

مواضيع عشوائيه ممكن تكون تعجبك اخترناها لك:

• جواز ضاايع
• خبراء لوس انجلوس يعطيكم العافيه ؟؟
• شهور
• ابي شقق فندقيه بالاورانج كاونتي انهايم ضروري
• يقلبي على فينس بيتش تعال نروح هناك
• أرخص طيران من مصر
• رحلتي الى كاليفورنيا في واحتاج عصارة خبراتكم
• استفسار السكن في لوس انجلوس و عدد الاشخاص
• فرجينيا افيدوني لو تكرمتوا
• ممكن استشارة في امريكا
• انا عايز مساعدة من الاخ امباكت ضرورى
• ما هى الفترة بين تاريخ المقابلة جتى تاريخ الحصول على التأشيرة من واقع تجارب الأعضاء
• اول مشاركه لي ومحتاج المساعده
• سان فرانسيسكو تستحق الزيارة
• سامعين في المثل الي يقول اذا زرت امريكا ماتفكر اتزور بلد غيرها
• أبغيكم ترتبون معايه رحلتي
• أنهيت المقابلة الشخصية في سفارة أمريكا بالرياض
• ساعدوني شهر عسل في امريكا
• شريحه جوال من نيورك
• الرجاء الاجابه على استفساراتي بالنسبة لوزن الشنط و الاغراض المسموحه بها

المدة قصيره على امريكا بتتعبون الرحله من الخليج الى نيويورك ١٤ ساعه !!

واورلاندو جوها مثل ماليزيا شمس ورطوبه ويكثر المطر في الصيف

اذا مُجبرين على هالمدة ، روحو اوروبا افضل وخلو امريكا وقت اخر

اي بس توقعت ان 10-12 يوم كفاية.

كم يوم نحتاج اقل شي؟ شهر صعبة لارتباطات العمل.

انا رحت ماليزيا كانت اوكي مو وايد حارة .. شلون عن بنسلفيانيا بدل اورلاندو؟

جزاك الله خير

10 ايام قليلة جدا على امريكا بسبب المسافة....خلكم على اوربا افضل

اذا على مسافة الطيران .. ما نمانع.

الحين غيرنا راينا حابين نروح امريكا ان شاء الله بعد رمضان على 20 اغسطس ..

فاتمنى تساعدونا ببرنامج لهذي 15 ايام .. بنحاول نمدد اكثر اذا قدرنا

بكون شاكرة لكم

خلو المده اكثر على الاقل ١٨ يوم ولو ٢٠ افضل

اول ٤ ليالي في نيويورك والبقيه في اورلاندو وميامي اذا حابين تروحون لها ،، لان اورلاندو اقل شي يبيلها ١٠ ليالي

واخر الليالي خلوها ميامي ومنها لديرتكم ،، وحاولو تحجزون على البريطانيه لانها تطير من ميامي دايركت للندن

سفره موفقه

المشاركة الأصلية كتبت بواسطة teema_khalid
http://www.arabtravelersforum.com/tr...3/#post6825657

اذا على مسافة الطيران .. ما نمانع.

الحين غيرنا راينا حابين نروح امريكا ان شاء الله بعد رمضان على 20 اغسطس ..

فاتمنى تساعدونا ببرنامج لهذي 15 ايام .. بنحاول نمدد اكثر اذا قدرنا

بكون شاكرة لكم



15 يوم جيده
وكل مازاد أفضل
في شهر 8 أعتقد زيارة كالفورنيا افضل من اورلاندو
اشهر المناطق في كاليفورنيا :
1- لوس انجيليس وفيها أفضل الاسواق وهوليوود وبيفرلي هيلز وسانتا مونيكا
2- اورانج كاونتي(جنوب لوس انجيليس) فيها ديزني لاند
3- سان دييغو : فيها zoo
وبالقرب من لوس أنجيليس (ساعة طيران-4ساعات بالسيارة) لاس فيغاس


اقتراحي :
3 أيام نيويورك
11 يوم لوس انجيلس
1 يوم راحة في نيويورك قبل العوده

او وبسبب قصر الرحله ... يفضل تتوجهون مباشرة لكاليفورنيا وتقعدون فيها طوال السفرة

مشكوووووورين جميعا .. يزاكم الله خير

احنا قلنا بناخذ الاماراتية من البحرين - دبي ومنها دايركت على نيويورك

او طيران الخليج - لندن ومنها الى نيويورك

جرب british airways افضل ..

شكرا جزيلا .. بس شكلنا بناخذ بنصيحتكم وبنروح دولة اوروبية
لان مابنقدر نمدد الى 15 يوم .. بنكتفي ب 10 ايام في احد الدول الاوربية وبنأجل امريكا لمرة ثانية

شكرا جزيلا