وعليكم السلام
حياك الله اخوي ولد جدة وشرفتنا بمشاركتك
لو مع عائلة انصحك ارقد في جاكرتا والصبح اطلع الجبل لأنك ماراح تستفيد شي ماتقدر تشوف الفلل على راحتك وخاصة الاطلالة
ماراح يكون فيه زحمة في الخط الا ايام الويكند عندهم وهي السبت والأحد
المشوار ممم مع اني مضيع السعر لكن قرابة 500 الف روبية
مدة المشوار ساعة واذا الخط فاضي ساعة الا ربع
تفضل هاذا الموضوع بيفيدك بخصوص السواقين
http://www.arabtravelersforum.com/travel389407/
اذا ماحجزت اي فندق مافيه اشكالية لكن حصل قدامي موقف موظف الجوازات نشب لأثنين شباب قال وين بتسكنون وهم لسى ماحجزوا
فنشبلهم وهم مايعرفون انجليزي فتطورد معهم وناداني اترجم لكن عرفت الطبخة انا وسويت نفسي معهم وفي الاخير فكهم
اتوقع ماحطو بيانات السكن في استمارة الفيزا يعني اهم شي لاتخلي هالخانة فاضي احفظ اسم فندق وخلاص
بالنسبة لي ماعمري رحت بونشاك بحجز مسبق دايم اروح هناك واحجز اذا وصلت وشفت
الفلل ماقدر جربت فلل كثيرة في بونشاك لكن فريت اغلبها واكثر شي اعجبني فلل ميجا
3 غرف كلها ماستر روم وصالة ومطبخ مجهز من إلى والموقع ماهي ببعيد عن البقالة السعودية تخلي البقالة في يسارك وتمشي شوي وتأخذ يمين
هي هناك لكن موقعها بالضبط والله ماعرفه لكن السواقين ادرى طبعاً اطلالة الفلة شي بيفك مخك ههههه عجيبة
هي طبعاً مجمع ويحتوي على 4 فلل فقط والعام كان فيه فله خامسة تحت الإنشاء ويمكن خلصو منها والله أعلم
باندونق ماسبق اني زرتها للأسف مقدر افيدك لكن ابحث هنا وبتحصل ان شاء الله الجواب الشافي والوافي لك
http://www.arabtravelersforum.com/travel757665/
او
http://www.arabtravelersforum.com/travel432214
انشول فيه شقق استون مارينا وهي قريبة
http://www.booking.com/hotel/id/asto...D1&aid=1329869
لكن كفندق عندك ميركيور انشول ومايميزه موقعه
http://www.booking.com/hotel/id/conv...ml?aid=1329869
اي استفسار حاضرين لكن
لاتحرمنا من دعواتك
رد مع اقتباس
المفضلات